|
|
03-24-2010, 02:44 PM
|
المشاركة رقم: 1 |
|
|
المنتدى :
نافذة حواء العامة
هتعمليلى فيها السندريلا؟؟
اكون او لا اكون السندريلا تلك هى المسأله ممكن اسألك سؤال .. فى الاول كده انتى حاسه بنمط مكرر من البنات ؟؟ البنت اللى حاسه بالضيق من ابوها اخوها او حتى مراه ابوها زى السندريلا .. ومهما كانت الاسباب اللى مسببه الضيق فهى حاسه ان واقعها هيتغير بالجواز وتقعد مصدقه انه خلاص مفيش اى حل غير لما تتجوز وتسطير على كيانها الفكره دى .. ومن هنا تيجى اول مشكله :: البحث النفعى عن شريك الحياه معتمده عليه كليا انه هيكون مصدر سعادتها على الرغم ان الحياه الزوجيه مش كده .. الدنيا فيها الحلو والوحش .. طب هى بقى هتعمل ايه ؟ هتقعد تبكى ان حظها مش حلو زى السندريلا .. طب ممكن ثانيه واحده نبص على السندريلا.. ربما انتوا الاتنين واقع عليكم عبء كبير ..ولكن الفرق بقى :: انتى عايشه دور الضحيه مش بتفكرى غير فى الحل السطحى اللى مستنياه ييجى من الخارج .. (( مستنيه الفارس ومعلقه سعادتك عليه )) اما السندريللا بقى :: فتاه جميله منفتحه على الحياه عطوفه على الحيوانات والبسطاء مكانتش مكتئبه ولا عايشه منكسره وحزينه .. حتى الاعمال المنزليه التى تجبرها زوجه الاب - عليها كانت نبحاول تستمع بها . . يبقى الفرق بينك وبين سندريلا ايه بقى ؟؟ هو الفرق بين قتاه عايشه مستسلمه ومكتئبه تتسيطر عليها فكره (( هاكون مبسوطه لما ييجى العريس وبس كده )) اما سندريللا بقى :: ياسيدى على الدلع :: مستمتعه بحياتها رغم كل الشقاء .. لم تنتظر سعادتها بفعل فاعل (( ما هى مكانتش عارفه ان فيه عريس فى اخر القصه بقى))[ اذن كونى مستعده :: وهذا ما يطلق عليه علماء النفس استعداد جذب الطاقه الايجابيه اللى مستعد للنجاح بيجيله النجاح واللى مستعد للفشل بيجيله الفشل وهكذا .. وده بالظبط اللى عملته سندريلا .. مكنتش عارفه المستقبل فيه ايه ؟؟ ولكن كان عندها استعداد تحب الحياه .. وتحب نفسها وتحب اللى حواليها .. حتى الحفله :: ماراحتشى علشان تظهر ادام الامير او توقعه فى فخ الزواج ابدا :: هى راحت علشان تنبسط مع الناس وتقضى وقت جميل مش بقى منافسه الاخريات على الامير كلمه بس صغيره لكل بنوته عايزه ربنا يرزقها بزوج صالح وبندعيلها والله من كل قلبنا ربنا يسغدها ويرزقها بالزوج والزريه الصالحه علش بس اسالك سؤال :: مميزاتك الخطيره ايه علشان زوج زى اللى فى دماغك ؟؟ خللى بالك كمان :: سندريلا كانت نشيطه ذكيه منفتحه على الحياه مرحه ومنطلقه جمالها من شخصيتها وليست بانتظار زوج ينتشلها من واقعها فوصلت بصفاتها دى لدرجه عاليه جدا من الثقه والثقه دى هلى اللى جذبت اليها الامير من دون غيرها |
|
|
 |
|
|
العرض المتطور
