ابك حنآ مانبآكم .؟

[شاب كول]

السلأإم عليكم ورحم الله وبركأتة ..

.. إخبـأركم حبـايب قـلبي .. عسـأكم بخ يـر إن شـاءالله ..

..

في يوم من الايااام ونا تااكي في المجلس وجالس اكل في هالصحن ( الي مليان يوسف افندي ) .
والفضاوة لاعبة دورها بخشتي .. حيث انة معالم وجهي تدل على الفضاوة
حيث البراطم متدلدلاات والسعبولة تطل من هاذا البرطم (( كطفل برئي يطل على جيرانهم من فوق السور لكي يسرق اسطوانت غازهم )) .!
شوية شفت إخوي يقلب في هالقنوإت وفاق خشتـة .!!
اخذت منة ( الريموت ) واعطيتة شلوت وصلتة الغرفة الثانية وجالس اقلب
في هالقنوات الـ ( 500 ) ابي اشوف .. وش فيـها .. وش يعـرضون هالقنوات .

..
قلبت إول قنـأة وجاتني [ الاخبـأر ]

ياجماعة وش هذا يعني صراحة شي غريب ماحصلو يجيبون في الاخبار الاا ( مذيعة )
يعني الي تقدم الاخبار وحدة مذيعة لاا وبعد متشيكة اخر شياكة
.. وين رإحو ( الرجاجيل ) الي يقدمون الاخبار والبرامج .؟!
وتحصلون بعض الشباب يتابعون الاخبار [ الي تجيب الهم ] مهوب عشان يشوفون وش صاير بالعالم
بالعكس بعضهم ( وليس كلهم .؟! ) يتابعون عشان يناضرون في المذيعة

..

قلبت ثاني قناة جـاني [ مسلسل خليجي ]

أمأ هالمسلسلأت والله انهم مطلعيـن ذهب تدرون لية .؟؟؟؟؟؟؟!!!
لانهم يعرفون كيف يطلعون دموع (( المشاهد )) ..
يعني ايذا مابكـى المشاهد خلاص نحكم ان المسلسل مو نأجح ..
يعني الناس ناقصين هم حياتهم كلها هموم وتجون انتم تزيدونها ..
.. ياخي والدليل هالمسلسلأإت (( التركية )) بعد .. ناس انتحرت من مشاهدتة
(( قسم اني اضحك على الي يتابع هالمسلسلات ))
مثل ذاك اليوم حصلت وإحد من العيال جالس في الاستراحة ودموعة اربع اربع ( دموع البعارين )
قلت خير ياخووووي وش السالفة : قال تفرقو عن بعض .. قلت مين الي تفرق .؟!
قال هالي بالمسلسل .. انا اذكر كان معي مفتاح السيارة وماصن الاا في نص جبهتة .!

..

قلبت ثالث قناة جـاني [ قناة أغاني ]

اما هالااغاني فاكينها ضحك على (( العالم )) .. بالشات تلقى الرسايل كلها من الكنترول
والناس ماتصدق تلقى لها شي فية سوالف (( تقولون ماعمرهم شافو ادمي يسولف ))
الي ودي اعرف وش يحسون بة الي يشاركون في هالشاتات هذي تكتب سطر وهذا يكتب سطر (( والرسالة بريال .. مدري اكثر )) ..

..

رحت شربت كاس موية .. وكملت اخر قطعة من يوسف افندي وقلبت على رابع قناة وجاني [ برنامج مسابقات ]

تجيكم وحدة تتميلح .. قدام الكاميرة .. ومشغلين اغنيـة وهي تتراقص لحالها
قدام الشاشة .. ووراها سـوأل .؟!!
تستحي قسم بالله انك تاخذ جائيزة الف ريال عشانة
..
طيب خلونا نبحر في سماء اسئلتهم الي مدري وش تبي .؟!

.. مـديـنة خضـرإء مـن الدإخـل حـمـراء وسكـأنهـا سـودإء .هههههههه
تتـوقعـون وشـ الاجـأبـة (( انا إتـوقع نيجيـريـأ .!! ))
.. طيـب يقـول مـاهــو الشــي الـذي بيـن السمـأء والارض . هههههههه
.. طيـب سوال إخــر .. عمـتـك إخـتـ ابـوك ولـدهـا يطـلع خالـة . هههه
.. لأإ صراحة هالسوال صعب يبيلة تفكير نص ساعة عشان تقرب من الاسئلة
اكل عليها الزمن وشرب .. وهم ويسالونها وغيرها اسئلة كثير ..
لا والمصيبة يدقون نااااااس ولا يعرفون الاايجابـة .؟! صراحة انا مستغرب مثل هالناس تدق على مثل
هالمسابقات وتصدقهم .. لا وبعد ايذا محد عرف يقعد يتميلح .. والمذيعة تضحك
هذا الصدق والي شافتة عيني .؟!!

..

المهم اني طفشت من هالقنوأت .. ونا الي احذف الريموت ويصقع في التلفزيون
وتنكسر الشاشة .. دخل علي ابوووي من صوت التكسيرر . ومادريت الاا والعقال
يلعب في ضهري .

..

المهم ركبت السياارة ونا طفشـأن وودي اروح البحر اشم شوية هواء .!
شغلت (( الراديو )) .. تتوقعون وش سمعت .!!
[ مسـابقة افضل اغنية ]

افااا ياجماهير فلاان معقولة (( فنانكم )) الاااخير دقيقة وماتسمع الاا الجماهير يصوتون
لفلاانهم وتنتقـل المذيعة لجماهير فلان 2 وفلان 3 والناس تدق
ومين المستفيد في الااخير .. !؟؟


وقفـت السيـارة عند البحر وصحــــت

(( ابـك حنــا مـانبـاكـم )) ..!