عشـآإق من احـفآد الشيآطيـن ... روآية جريئه رومآنسيه مـرهـ لآ تفوتكم

[shady]

اخذت نفس مريح من الجو النظيف .. وهي تفكر (( الأنسان الذكي هو اللي يقدر يتعايش مع المه...
ويخلي هالجرح اللي فيه يقويه ويحفزه...بدل ما يضعفه ويهزه...))


هذا اللي توصل لها تفكيره بعد نص ساعه وهي تناظر البحر وغرقانه بسحره ...ومادررت ان في احد غرقان بسحرها وسحر فستانها الابيض اللي لركبتها ويطير مع الهواء ..

......وجلست على التراب سانده ظهرها بشموخ وغرور .... و شعرها يطير من حولها ..كانت مثل الطفله تلعب بالتراب اللي تحول لطين من موية البحر ..بنت بيت قصر كبير وبالاخير خربتها : محد يستاهل يسكن قصري

رمت نفسها على التراب ولاهمها شعرها او نظاافة فستانها هي مصممه تكون حره .. حرة نفسها بهاليوم .. ناظرت السماء كيف بيضاء وصافيه مثل فستانها ..وعلى وجهها احلى ابتسامه

رجعت جلست وهي تتمنى تكون مروج معها بفرحتها ..جلست على ركبتها ومسكت عصايه من شجره شافته مرمي وبدت تكتب وترسم اللي تحب ..

ريان حس انه مخنوق بداخل هالغرفه .... بدل ملابسه لبنطلون برمودا ابيض خفيف ...وقميص سماوي بدون اكمام كان واسع وخفيف عليه عطى لونه برونزتج وحمار حلو ... وكانه يصور لاعلان مشروب قبال البحر .. من النادر يلبس بدل لكن هذا البحر ..
طلع ومشى حافي بدون جزم رمى السيجاره على الارض وغطاها بالتراب ...
مشى منجذب لشي الابيض اللي مغطيه شعر كستنائي جذاب

وقف وراها لكن بعيد عنها بكم خطوه ...ورجع له الاظطراب مره ثانيه وعروقه صارت تنبض وحرارة جسمه ارتفعت بعكس الجو الحلو ...
ناظر وش مندمجه فيه .كانت ترسم بالتراب اربع وجيه تبتسم وشاده ايد بعض .. ماكان رسم مفصل لكن خطوط بسيطه وواضحه ..(( اكيد تقصدني انا وسامي ومروج هذي كانت رسمتنا وحنا صغار ..))

توه بينطق الا شافها تمسح وجه البنت الكشخه بايدها وبهدوء (( قصدها مروج اكيد )) عوره قلبها عليها وحس بتانيب الضمير بغيرته العمياء وغباءه ضيع نصفها الثاني ..
ومسكت عود الخشب من جديد ....وخربطت بالتراب بحقد على وجه الولد الموجود وكان اكيد هو مش سامي ..

شموخ رمت العصاء بملل وقفت واول مالفت وجهها طاحت عيونه بعينه احتقرته : من متى..؟ انت هنا ...؟

ريان تمنى انه طلع معه سيجاره لان وجهها مع انعكاس اشعة الشمس بوقت الاشراق .. عذب وصافي : من زمااااان .. وانتي الحمدلله والشكر ماتدرين عن احد

شموخ بنرفزه نظفت التراب عن جسمها وملابسها : انا قلت لماما ابغى اكون لوحدي هنا

ريان : ليه في شي خايفه منه وتهربين .؟
هو قالها كذا حاب ينرفزها اكثر ماتوقع انها بتضايق كذا

شموخ سحر المكان والحريه والسعاده اللي كانت فيها كلها تبخرت راحت بس ناظرت بعيون ريان ...: لا ماعندي شي اخاف منه .. انا بينك ومايهمني احد ..

ريان بهدوء وتضايق لانها تضايقة من وجوده : تعالي الفطور جاهز

شموخ : شبعانه مابغى شي ...

ريان مشى قبلها : براحتك انا على العموم بفطر ...

دخل لشاليه ...

شموخ مشت بتدخل لغرفتها... لكن ريحة الفطور جذابتها وروح العناد والقهر اللي فيها مابعد تطلعه لازم تخرب على ريان طلعته .......وتخليه يغير رايه ويرجع لشغله .....غيرت طريقها ورى ريان ..

ريان كان جالس على طاولة الاكل يقلب فيه

دخلت شموخ رافعه خشمها لفوق مثل العاده وجلست على الطاوله من غير لاتحكي

ريان ابتسم بداخله لكن مابين على وجهه الا البرود (( يالبيه انا هالطول ))

شموخ ناظرت بالاكل كانت فطاير فرنسيه هي تعرفها كويس من سفرتهم لفرنسا .. (( واضح ان الشاليهات غاليه مو سهل .. ريان الهم ياحبك للفشخره ...لكن انا لازم اصوره علشان اوريه لسجى واقهر ريهام ))

ريان ناظرها وهي تاكل على مهلها وبطريقه ذوق ..وش ممكن تفكر فيه بهالوقت ... قاطعته وكانها قرت افكاره

شموخ تناظر بالمكان مو عاجبها : ماحصلت شاليهات احلى من هذي

ريان رفع حواجبه : اووووه انسه مشاكل ماعجبها الشاليه ..

شموخ : لا كنت عارفه انت مايطلع منك شي سنع

ريان ترك الشوكه والسكين بهدوء وقال بجديه : اسمع شموخ انا وانتي بنجلس مع بعض هنا اربع او خمس ايام فياليت تحترميني واحترمك وبلاش شغل البزارين هذا

شموخ : انسى ... انسسسسى .. انا مستحيل احترمك او اعملك وزن لانك باختصار مانت برجال

ريان عصب : شموخ ثمني كلامك احسن لك ..؟

شموخ باستهزاء بارد : ليه عصبت شاك برجولتك

ريان ابعد الكرسي بعصبيه ورماه وراه : اسمعي انتي جالسه هنا بفلوسي .. بفلوسي انا فاحترمي حالك احسن لك سمعتي ....

شموخ سكتت تكمل اكلها .. وسكتت تحقير له ولا كانها سمعته

ريان وقف عند كرسيها وصرخ باذنها : سمعتي

شموخ ماهتز لها رمش : لا ....

ريان كان بيمسكها من رقبتها ويذبحها لكنه عد لحد العشره بداخله ...وطلع من الغرفه ..

شموخ رمت الاكل اللي بيدها في الصحن : والله لاكرهك بنفسك ..



@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ


بداخل وحده من مجالس القصر الفخم بالرياض ...

ام رياض تكلم تلفون ..: هلا والله هلا بام نواف كيفك

ام نواف : الحمدلله انتم كيفكم ..؟

ام رياض: الحمد الله مرتاحين .. كيف ندى مع الاختبارات ..؟

ام نواف : الحمد لله ممشيتها


ام رياض: ايوه الله يوفقها ان شاء الله تجيب النسبه وترفع الراس

ام نواف: لا والله يام رياض هي قالت انا حدي البيت

ام رياض: لا مالك حق شدي عليها

ام ريان : الله يعين ...

ام رياض: اقول ياخويتي حنا اهل والظفر مايطلع من اللحم ..والله والله اني حابه وعود مثل بناتي واتمناها لعيالي ..

ام نواف ااستغربت كلامها : والله بودنا لك

قاطعتها ام رياض: يام نواف ولدي حاله تغير لا ليله ليل ولا نهاره نهار ...رياض شاري وعود يام نواف وهذا انا اكلمك للمره الثانيه يمكن يصير بينهم نصيب ..

ام نواف: والله مادري وش اقولك .. ريا ض والنعم فيه وانتم ماتنردون .. وانا بكلمها مره ثانيه وبكلم ابوها وبشوف ...

ام رياض: على خير ان شاء الله ..

سكرت ام رياض من ام نواف وطلعت لفوق






@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~**{لآلأأـ،،///ْْْْ؟.,’آلآ{**لإإ‘÷×؛؛:.×,)’*÷آ


نجلاء كانت داخل غرفتها


ودها تاخذ اجازه من الارهاق اللي تحسه لكن احمد تتكره كذا لا مستحيل ..

دق جوالها المرمي على الخشب الصيني حول سريرها .. رفعته رقم غريب ردت : الو

مشعل بتردد: الو نجلاء

نجلاء شكت الصوت مش غريب عليها : من معي ..؟

مشعل : انا مشعل ..

نجلاء استغربت : دكتور مشعل .. خير ايش فيه

مشعل : لا مافي شي بس .. بس حبيت اعتذر عن تصرفي السخيف لما صرخت عليك

نجلاء: لا عادي حصل خير وياليت مايتكرر

مشعل (( متى بتترك جديتها هذي )): اوكيه صافي يالبن

نجلاء يضحكها اسلووبه: حليب ياشطه مادري وش يقولون هههههه

مشعل (( دوم هالضحكه يارب )) : دوامك بعد ساعه

نجلاء: ايوه ..

مشعل : اممم

سكتوا ..

نجلاء حست ماله داعي اصلا تطول معه : اوكيه اشوفك هناك دكتور مشعل باي

مشعل بخيبة امل : اوكيه باي ..

سكرت ودخلت تتروش وقلبها يدق بسرعه بس مجرد ماتتخيل انها بتشوف احمد ...

*************************************
عشاق من احفاد الشيطان ... روايه رومنسيه ... خياليه
*****************************************


سامي يعدل الكاب على شعره بالسياره (( طيب يا عصابة الفقر انا اوريكم ))

وعود وندى دخلوا : السلام عليكم

سامي : وعليكم الســــــــــــــــــــــــــــلام ..

ندى : اف وش هالقرف هذا وع

سامي لف عليها (( وش عندها اليوم بعد )): ايش فيه حر

ندى بتكبر مصطنع وراه ضحكه كبيره : لا ااا سوق بس سوق

وعود ((ههههه الله يلعن شيطانك ياندوش )) : اي والله ريحة السياره تقرف

سامي : افا هاللحين BOSS"" ريحته تقرف

ندى : ايوه مستحيل انت ماتشم آآآف

سامي (( انتم وشعرفكم يابنات الفقر حدكم عنبر ويخب عليكم ..))

وعود : ندوش المره الجائيه ذكريني اجيب معي العطر

ندى : اكييد لان الريحه هنا تخنق

سامي (( لاتحاوولين مراح اتنرفز ياندى لاتحاولين ))...

دخلوا هواجس ونور : هااااااااااي

اللكل: هاي

هواجس بسرعه على الاتفاق : وع وش هالريحه حمامه ميته هنا

سامي شك بنفسه وبالريحه معقوله الريحه جد عفنه

نور : اي والله وش هالريحه وع سامي قرف

ندى: عادي مو اول مره ندخل وريحة السياره كذا

هواجس تستنشق البروده والريحه الحلوه : اي والله ريحه عفنه

سامي: خلاص اسكتوا عجبكم والا انزلوا بالشمس ..

وعود: ليه عصبت ماقالوا شي الا الحقيقه

سامي رفع جواله اللي كل يوم مغير جهاز علشان يسحر البنات بفلوسه : اسكتوا بحكي ..

ندى بعناد : اقول هجوسه امس بالشقه وش سويتوا

هواجس تسايرها عناد : يوووه طفش الله لايوريك

سامي بحقد لف عليهم لكن ساكت ...
ندى سكتت خايفه تذكرت نظرته امس وهواجس بعناد تكمل ...: والله فقدناكم ...يوووه وش فيك لاف انتبه لطريق

سامي رجع ناظر قدام ومتوعدهم : الو هلا وليد

وليد معصب : ياعمي وينك انت انا بالشمس ميت حر ..

سامي: هذي اللفه بس واكون عندك ...

لف بسيارته بسسرعه البنات طاحوا على بعض.. كان المقصود من هالحركه ينرفزهم لكن على مين ضحكوا الاربعه ببلاهه

ندى وهواجس باعلى صوت : ههههههههههه

نور ووعود بهدوء : هههههههه

وكان ضحكهم لانه معصب حده ...واخيرا بانت حقيقته ...

سامي وقف بعيد بكم سياره عن مركز الشرطه .. البنات فجاءه سكتوا هذا ايش ناوي عليه ...

سامي: ايوه وليد انا بالسياره ..الفياغراء السوداء

وليد : انت اللي كلها بنات

سامي: ايوه تعال ياحبيب قلبي هههههه

وليد : الله ياخذك ماني براكب تعرف اني ماحب سواليفك

سامي: اقوووووول لايكثر وتعال بسرعه

ندى : ايش فيه ليه موقف هنا ..؟

هواجس: ايوه حنا متفقين على البيت على طول

سامي : والله انا مو فاضي لكم عندي ارتباطات ...

وعود بسرعه : اجل خلاص مشكور ماقصرت لاتجي تاخذنا حنا نق

قاطعها سامي وهو يفتح لوليد : لا انا اللي بوصلكم لاتحاولون ..

دخل وليد ببدلة الشرطه ووجهه احمر يكره حركات البنات وهالاشياء ...: السلام

سامي: هلا والله وعليكم السلام

البنات ناظروا بعض جايب لهم شرطي كيف ..؟ وش قايله من هالبنات ..؟ ليكون ياخذونهم ..؟

هذي افكار البنات لما جلس وليد ...

سامي حرك سيارته وهو مبتسم سكوووت عم السياره وكلوا تبن مثل ماتوقع...: ها بو خالد كيف الدوام

وليد : تمام وبو عزام دوم يسال عنك ..

سامي: انا افكر اتقاعد من الشرطه

هواجس بسرعه وبدون تفكير: انت شرطي

وليد عجبه الصوت الناعم فحب يتميلح : ايوه وشرطي مهم بعد ..

سامي ابتسم وحاس بالصدمه اللي بعيونهم

ندى بهمس لوعود : اذا الشرطه كذا كيف باقي الشباب

وعود : حاميها حراميها

ندى: مالت عليه وجهه خباز ...


وليد يستهبل : غريبه بنات عمك مايدرون انك شرطي

سامي يكمل ومطنشهم : لا انت عارف شغل الوسطات وهالحكي ...

وليد : قبل لانسى قل لريان يراجعنا مادري من مشتكي عليه ...

سامي بسرعه نسى وجودهم : ريان ليه وش مسوي ..؟

وليد : لاتخاف بس اجراءت بسيطه لان شركته الجديده م

سامي قاطعه : بو الخلد خلص الموضوع ريان اخوي مايقوى شرطه وماشرطه سمعته مهمه ...

وليد : انت داوم وخلص الموضوع

وقف عند الاشاره
سامي عدل المرايه يناظر البنات وهم بالسكوت العجيب : لا انا مشغول مع البنات ..

وعود وهواجس ونور مقهورين ودهم يذبحونه لكن ندى استحاله تسكت : اذا معطلينك لهذي الدرجه خلاص مانبيك توصلنا اصلا مابقى الا ثلاث ايام ونخلص لاتعب نفسك

سامي لف لعند ندى اللي يميزها عدل بينهم ...و رفع النظاره وبانت عيونه العسليه الناعسه : افا " قال بالمصري " ودي تيقي ... لا انا مرضاها لنفسي

ندى قلبها دق بسرعه ياحلو عيونه تذبح ..

.. سامي ضل يناظر عيونها وهي تناظره نسوا كل شي حولهم والعيون صارت تحكي ...

اللكل سكت يناظرهم وش فيهم ..؟

دق زمور السيارات الثانيه الاشاره فتحت لف سامي بسرعه وندى نزلت عيونها لحضنها وقلبها يدق بسرعه رهيبه ماقد جربتها .. تحس بطنها يمغصها وخدودها حمراء ..وانها تحت تاثير عيونه ...

سامي كمل سواقته ساكت وعرق بخده انشد (( ياحلو براءتها وبراءة عيونها .. لا ياندى مانتي بهينه اوعدك ماتمري من ايدي كذا ...ماكون سامي مطيح نص البنات ..اذا ماخليتك تشهقين باسمي ))

وليد (( الله يلعن بليسك يا سام هههه نظره من عيونك سكتتها ههه))

هواجس دزه ندى بايدها وهمست : يالهبله وش فيك

ندى سكتت تحس ان سامي وجوده مالي السياره وان عيونه تناظرها ..

سامي عارف تاثير نظرته على البنات ابتسم وشغل المسجل واختار غنيه تناسبه بالضبط لازم يستقل الوضع ..

عيني مغرومه .....
يامنسيني همومي .....
والاصه مفهمومه ...
اخرتى معك ...
ياناطة بداية مالها نهايه ..

ندى تحس ان الكلمات هذي لها معنى قلبها زادت دقاته وضمت يدينها بقوه لبعض ..
رفعت راسها ببطى تناظره

سامي عارف ان الاغاني زادت من الجو ابتسم لها بهدوء وهو يحس بنظراتها

ندى بسرعه ناظرت الطريق تبغى تفتح الباب وتهرب منه من مشاعرها الغبيه ...

هواجس : اسمع بكره بنتاخر بالمدرسه شوي

نور : ايوه عندنا تصحيح ...

سامي هز راسه بتفهم وكانه بعالم ثاني كل هذا علشان يعلق قلبها الصغير

وليد كان ماسك ضحكته (( خطير ياسام والله وتعرف كيف تتعامل مع هالبنات هههههههه))

هواجس ودها تستهبل عليه لكن الجو ماكان يساعد ابــــــــــــــــــــــــــــدا" ..

وصلوا للبيت نزلوا ساكتين ...

سامي مشى بسرعه وهو يضحك : هههههههههه

وليد: والله انك خطير ..

سامي: آفا عليك ماكون سام اذا ماعلقتها ..

وليد : اقسم بالله بعد ذا اليوم ماهقى تركب معك

سامي: لا ياحبيبي بتركب معي رزق ابوها ورزقهم تحت ايدي ..هههههه

..........

وعود ناظرت بالشارع وشافت يعقوب بسيارته مثل ماتوقعت يا حياتي ياقلبي ياروحي انت ....... مشتاقه لك

يعقوب مانتبه فيها كان مغمض عيونه وساند راسه على الدركسون ..


هواجس ضربت ندى على كتفها : يالهبله وش فيك خقيتي عند الرجال ..

ندى : اقول روحي لشقتكم ليطلع خالي يذبحكم ..

نور : اوكيه نتفاهم بعدين باي ..

هواجس ناظرت وعود : شوفي الثانيه

نور ناظرت وين ماتناظر وعود بسيارة يعقوب .. : هههههه بنات عمتي راحوا فيها ..

هواجس: وانتي صادقه ههه

وعود دخلت للبيت من غير لاتتكلم وتحس ان فيها غصه تموت على يعقوب (( لكن آآه كرامتي فوق كل شي ))

ندى ودعت بنات خالها بيدها ودخلت للبيت ورى اختها ..

ام نواف بابتسامه : هلا هلا والله بوعوده ..وندوش ...

ندى بهدوء غريب : هلا يمه

ام نواف : يله بدلوا وتعالوا للغداء

وعود: ان شاء الله ..

دخلوا البنات لغرفتهم ساكتين وهموم الكره الارضيه على راسهم كل وحده ومشاعرها .. بدلوا وجلسوا على الارض ساكتين ..

بعد فتره
ندى: وعود ممكن اسالك سوال ..؟

وعود: امم

ندى : انتي .. انتي وش تحسي اذا شفتي يعقوب ..

وعود تناظر بعيد سرحانه : عرفتي بطنك يمغصك وقلبك يوصل لحلقك وترتجفي ..

ندى ياويلي هذا اللي حسيته اليوم : اها .. طيب واذا نا

قاطعهم الباب ينفتح بقوه وصرخت جدتهم وهي تضرب الباب بالعصا: يلــــــــــــــــــــــــــــه الغداء يلــــــــــــــــــــــــــــه

ندى وعود قفزوا بمكانهم : يمممممممه ..

الجده : نعم ..يله بس قوموا للغداء ..

ومشت لصاله

ندى وعود: هههههههههه

وعود: طاح قلبي

ندى : جدتك هذي خطيرررره هههههههه


*************************************
عشاق من احفاد الشيطان ... روايه رومنسيه ... خياليه
*****************************************


سجى كانت واقفه قبال المرايه وتقفز وتصارخ وماسكه المشط انه ميكرفون وترقص على (( غنوا معي ايوه ايوه )) حلمها تكون مغنيه او اي شي ...المهم تكون مشهوره ...

دق جوالها رمت نفسها على السرير : الوووووووووووو

ربى : سجوجه تعالي تحت الغداء جهز ...

سجى : بهالسرعه .. غريبه ..؟

ربى : يله انزلي بلاحكي زايد

رمت الجوال وبدلت ملابسها وهي تدندن (( ال ايه بيحسدوني عليه ...على ايه والا على ايه ...عى الجراح والا الالم )) انتهت من تبديل ملابسه ناظرت نفسها بالمرايه ... : وينك يازوجي المجهول تشوف هالجمال

نزلت من الدرج وهي تقفز وبيدها بستها المدلله مثلها ..
: هااااااااااااااااااااي

اللكل: هاي

بو سجى : وينك ساعه على ماتنزلي..

سجى : دادي حبيبي انت هنا ..هلا وغلا ..

بو سجى ابتسم لاخر العنقود : ايوه انا هنا

سجى باسته بخده بقوه : امووووه حبيبي والله

ام رياض: اقول لايكثر واجلسي ..

سجى (( آف ماما تغث الواحد )) :اوكيه

جلست ناظرت الاكل فيه ربيان اللي تموت فيه لكن كيف تعدي هاليوم على خير وطباخهم الجديد مابعد خاف منها : ايش هذا ..؟

ربى : وش فيك الربيان اللي تحبيه

سجى : لا انا مابغى ربيان .. انا قايله لطباخ الغبي يعملي ستيك وينه ..؟

ام رياض : سجى خلاص كلي وبلا دلع

بو رياض: بابا حبيبتي لاتزعلي نفسك قولي لميري تقول لطباخ يعملك بكره كلي هذا هاللحين

سجى: بس انا نفسي بستيك ..

ام رياض صرخت : خلااااااااااص كلي وانتي ساكته

سجى مدت بوزها وقفت : خلاص شبعت مابغى شي ..

طلعت من غرفة الاكل معصبه (( انا مو بزر وهي لحد هاللحين تصرخ علي وتضربني وكاني بالابتدائيه ))
مشت للمطبخ معصبه ماشافت احد الا الشغالات ...(( اكيد بالمطبخ الخارجي )) دخلت المطبخ الخارجي للبيت وكلها شر

راكان لف للباب اللي دخلت منه الشمس شافها واقفه بدلعها المعتاد وايدها على خصرها (( الله يعدي هاليوم على خير ))

سجى: ويييين الستيك ..؟

راكان : اي ستيك..؟

سجى: مو انا قايله لك ابغى اليوم على الغداء ستيك ..

راكان : بس انتي ماقلتيلي اعمل ستيك

سجى: من غير لاحكي مفروض تعملي

راكان بينجن ((هذي شلون تفكر)) : وانا كيف بعرف انت وش تحبين

سجى : مايبغالها ذكاء ترفع السماعه – رفعت سماعة التلفون الداخلي للقصر – وتدق رقم 5 هذا رقمي وتقولي عمتي سجى طال عمرك وش تبين على الغداء

راكان (( تخسين انتي عمتي لا وطال عمرك )): اوكيه المره الجايه

سجى: بلا مره جائيه بلا بطيخ هاللحين تعملي ستيك وانت انت اللي تجيبه لي

راكان (( هذي وش يفهمها الستيك يبغاله وقت )): اوكيه شغل ساعه ..

سجى: ساعه انا انتظر ساعه لو انه غوزي خلص .. نص ساعه ويكون قبالي انا بالحديقه جلسه – بهدوء تبعد شعرها لورى - يكون قبالي سمعت وانت اللي تجيبه ..

راكان هز راسه بقهر : اوكيه

طلعت سجى من المطبخ بعد مارتاحت انها قهرته تحب تذله كذا مالها شغله الا هو ...

راكان ناظرها تتمخطر وهي تمشي(( مالت عليك وعلى اهل ماعرفوا يربونك ياجاهله ..)) طلع من جيب بنطلونه الجنز صورتها . .. صورة الغلا وحياته كلها نور .. صورتها وهي صغيره : اتحمل كل هذا علشانك يالغاليه ..

رجع الصوره لجيبه بهدوء وكانه خايف عليها من شي ...سمع صرخت سجى : ميييييييييييييري مييييييري ...
راكان تحمد عليها : مدلله غبيه ...

ميري طلعت لسجى تركض ...

سجى جالسه على كراسي الخشب بحديقة القصر وقبالها المسبح الواسع ..

ميري : نام... انسه سجى

سجى : اطلعي لغرفتي وجيبي الاب توب وملزمه بجنبه ..وقولي لزفت راكان يعمل لي كوكتيل ..

ميري : ان شاء الله ..

سجى : والله وقامت تحكي ههههه

بعد ثواني كان الاب توب قبالها ومعه العصير ..

سجى: خلاص في وجهك واستعجلي الزفت على الغداء ...

...................

بنفس هذا القصر لكن بعالم ثاني وجهه ثانيه بعيده

متعب: ياخدااااااااااامه ياخداااااااااااامه

مرفوعه: yes

متعب رفع الشماغ من كتفه اليمين لكتفه اليسار: اقوووول لاتقعدين تبربرين على راسي بالانجليزي ..ضفي وجهك وجهزي قهوه لشباب

مرفوعه : كم هذا شباب يجي

متعب لف الشماغ بيده وهو يناظرها بتهديد ...و ضربها بالشماغ : والله احلفي ياقليلة الادب وش لك بالشباب

مرفوعه:آآه ... لاااا بابا هذا يسوي كم فنجان ..؟

متعب: اها على بالي بعد .. حوالي 14 واحد

مرفوعه معصبه : انت في كل يوم يجي 14 17 كلاس انا في يتاب يسوي قهوه يسوي عشاء يجيب ماي ..

متعب ناظرها من فوق لتحت: لا احلللللفي ماعاد الا هي بعد ضفي وجهك بس مابقى الاالشغالات ....

مرفوعه راحت تتحلطم

متعب: بسررررررعه لديوانيه ...

متعب ماخذ جزء من القصر منعزل مره عن البيت يجلس فيه هو الشباب اذا ماحصلوا شي يسونه ...وهو ينام فيه احيانا ..
وكل من هب ودب يدخله اي احد حاب يجي يجي مفتوح للكل ...
وتصميمه كان خيال فخامه متناهيه ...وفيه بلياردوا ..وبولينق ..وشبكة نت مع كمبيوترات ...ومعسل و
وكل مايحتاجه الشباب ..هاللحين بتشوفون ..

متعب رفع ايده : هلالالالا والله بالشباب

اللكل: هلا والله

متعب جلس عند ماجد وتركي ربعه ..

ماجد : ها بو الهش وين القهوه والشاي ..؟

متعب: على وصول يابورمش ..

تركي على الكنبه وبحضنه الاب توب: تعال تعال ..يابو الهش هذولا مايعرفون يلعبون من ساعه وهم قاهريني ...

متعب جلس على الارض قبال ماجد :ابعدوا بس ابعدوا انا اتفاهم معكم .. ابشر يابو صنعه هاللحين اربيهم لك

تركي " بو صنعه " : ايه تراه باطين كبدي ..

ماجد: حبيب قلبي والله .. طارق سعود يله ورونا اللعب هاللحين ..

متعب رتب الورق بيده وزعهم : ها كم قاطين

تركي طفشان وهو يتفرج على النت : قبل شوي لاعبين ب200 ريال

متعب: افا والله وانا خو حصه 200 ريال يالفقر والله تشمتون فيها الديوانيات الثانيه ب500 ريال ..

ماجد : حلو هذا اللعب صح بو الهش ادفع لي وارجعهم لك

متعب طلع 1000 ريال من جيبه له ولماجد : يله سعود طارق ارموا فلوسكم بسرعه

طلعوا فلوسهم وبدوا اللعب .. عفوا بدء القمار ..

تركي :بو رمش بو الهش يله اغلبوهم وعشونا ..

متعب: ابشر بوصنعه .... وانا بو الهش لاخسرهم الليله

سعود باستهزاء: على جثتي ...

ماجد : نشوف

تركي وهو يناظرهم ..طلع صوت من جهازه ناظر فنجان قهوه داخله بالماسنجر ..(( اوه الموهوبه داخله ))

متعب: ياخوك بو صنعه ... وش هالصوت اللي بجهازك

متعب علاقته بالنت "زيرو"صفر ماعنده ماعند جدتي بالتقنيات ..

تركي: سلامتك هذي وحده عندنا بالجريده بصراحه موهبه تنشرى بملاين على صغر سنها لكن كلامها كبير .. لا وفلوس ابوها داعمتها بعد ..

ماجد : غريبه من متى تعطي للبنات وجه يكتبوا بالجريده ..؟

تركي: قلتلك رئيس لتحرير يقول انها بنت اهلها واصلين علشان كذا يخليها مع انها موهوبه لكن تنفع لمجلات والله لو علي قشعتها من الجريده بكبرها اكررررره البنات المتفلسفات ولو اني متاكد انه كلام ابوها او احد من اخوانها

متعب: اهاااا- صرخ على طارق - لا وقف وقف سحبت قبل لانرتب ال

قاطعه طارق: لااا علينا صار لكم ساعه تغشون محد حكى معكم ..

ماجدرمى شماغه : اخص واعقب حنا نغش هذي فيها قبايل ...

متعب جاءته حالة السخافه : قبايل والا عشائير هههههه

ماجد: لا تكفي بو الهش لاتبداء ..

متعب : تبداء والا تنتهي هههه

طارق : لاحووول هاللحين وش يسكته هذا ... اقول الله يخلف على ابوك بس

متعب : بوك والا كرفت هههههه

تركي: ههههه بو الهش تكفى طفرهم ...

متعب: افا عليك ...

ماجد بسخافه يقلده : عليك والا معاك خخخخخ

متعب وكانه تذكر شي : اقول بو صنعه دق على boxing خله يجي على العشاء الليله

تركي: اوكيه ..

تركي جلس يدردش مع سجى والله لو انه داري انها اخت متعب ماقرب منها لانه حبيبه واخوه وصاحبه ..

((فنجان قهوه )):
: استاذ تركي وش رايك بمقالتي الجديده

تركي (( هههه ياحليها مصدقه اني استاذ ))

ماجد : اوعدنا يارب نتبسم بخبث مثلك

تركي: اسمعوا تقولي استاذ تركي ههه هه

متعب : هع هع هع هع هع (( هذه ضحكه مع تشقق الحلق وظهور جميع معالم الفم الاسنان وواللسان ..وبامكان الشخص القريب منه ان يرى مصارينه خخخخ ))

طارق : هع هع هع انت الكمخه استاذ

تركي : غصبن عليك استاذ... انت وحلقك كانه بالوعه ...اجل دارس ليه ..علشان يقولون لي استاذ ....

متعب: كملوا لعب بس كملوا ماعليكم منه ...

(( تركي نائب رئيس التحرير )):
تاخرت عليك كنت اقراء المقال

((فنجان قهوه )):
خلصته

(( تركي نائب رئيس التحرير )):
ايوه وبينزل على عدد بكره

سجى بحماس قربت وجهها من الشاشه : yes

((فنجان قهوه )):
يعني عجبك ..

(( تركي نائب رئيس التحرير )):
اكيد والا كان مانزلته بكره

((فنجان قهوه )):
مشكور استاذ تركي

(( تركي نائب رئيس التحرير )):
العفو .. ماعملت شي .. بس عندي كم ملاحضه حاب اقولهم لك

((فنجان قهوه )):
تفضل ...

(( تركي نائب رئيس التحرير )):
لا ماينفع بالنت ممكن رقمك

سجى جلست لثواني تناظر الشاشه (( من جده هذا يبغى رقمي .. يمكن كل الكتاب عندهم رقمه .. لا ماتوقع شكله يتسلى ... لا استاذ مثله نائب رئيس التحرير يتسلى مستحيل ... اجل وش قصده ...))

تركي لما شافها طولت عرف انها متردد كثير (( هذي شكلها هبله وبز ))

(( تركي نائب رئيس التحرير )):
فنجان قهوه لاتخافي الرقم للجريده بس واذا كنتي خايفه كل زملائك بالجريده معي رقمهم علشان نتواصل ..

سجى قرئت اللي كتبه تعطيه والا لا ..: لمتى انا خوافه وماعندي شخصيه كذا الرجال بيني وبينه علاقة شغل

انتظر تركي ربع ساعه وماردت فقد الامل انها ترد

(( تركي نائب رئيس التحرير )):
فكري وعطيني رد الليله ...عن اذنك هاللحين ورائي شغل

((فنجان قهوه )):
اوكيه برب

(( تركي نائب رئيس التحرير )):
برب

جلست سجى تناظر بالشاشه لفتره خايفه نحس مفروض ماتعطيه (( لكن هو يمثل الجريده واكيد مراح يتمادى او يكون لعاب وشكله فوق الاربعين يعني مراح يلعب فيني ))

راكان مشى على الزرع بخطوات ثقيله ونفسه يقلب صحن الستيك على راسها ..
وقف بجنبها ماحست فيه شافها سرحانه وهي تناظر الشاشه وشكلها خايفه او متوتره : احم احم

سجى لفت بسرعه وحطت ايدها على قلبها : يماما .. آف خوفتني من متى وانت هنا ..؟

راكان حط الصحون على الطوله : ........

سجى: اسالك من متى هنا واقف ..؟

راكان : كم ثانيه بس ..

سجى ارتاحت : خلاص حطهم وضف وجهك

راكان نفسه ياخذ حبل ويخنقها : تامرين على شي ثاني

سجى: لا اذ احتجت لشي ناديتك ...

*************************************
عشاق من احفاد الشيطان ... روايه رومنسيه ... خياليه
*****************************************


قبال البحر والرمل وباحلى جو ...عند الغروب بالضبط ...

شموخ : ماما ماالي شغل قولي لراهول يجيبها

ام ريان: خلاااص انا بحكي مع الشغالات ينتبهوا عليها

شموخ : لا ماما اليوم بيسو تجي هنا .. انا مادري كيف نسيتها ..

ريان: كل هذا علشان قطوه

شموخ : بسه بسه يا شاطر وش هذي قطوه ..

ام ريان: خلاص انا بدق على راهول يجيبها

شموخ ارتاحت : ايوه كويس .. يله باي انا بطلع اذاكر ..

طلعت واخذت معها كتابها وجلست قبال البحرتناظر الشمس وهي تغرب وتدخل بالبحر منظر سبحان خالقه بسينمات العالم ماتحصل مثله .... وفجاءه الانوار اشتغلت وحده ورى الثاني بتسلسل حلو نور كل الشاليه ..

شموخ كانت حاطه ايدها على خدها ابتسمت لشكلهم ..

ريان مشى وبيده السيجاره وجلس عند كرسيها : متى اختباراتك

شموخ طفشت لوحدها قالت تهذر معه ..
بدون نفس : الاسبوع الجائي ...

ريان مرتبك من وجودها بالشورت والقميض البينك : اها ..ومستعده لهم

شموخ : مثل مانت شايف انت معطلني عن المذاكره ..

ريان ابتسم يلطف الجو بينهم : يله شدي حيلك لان هذي الاجازه ناوين على مصر ..

شموخ تناظر البحر وتتنهد كل سنه كانت تروح معهم وهي تضنهم اهلها لكن هذي السنه غير : ايوه ماما قالت لي ..

ريان يشوف وجهها مع الانوار الكثيره وعليها هاله من النور مع البحر اسند خده على ايده وجلس يتاملها وهو يدخن نسى نفسه

شموخ ارتاحت انه ساكت ومايهذر مسكت كتابها انها تذاكر ... وتحسه يناظرها كان ودها تلف لكن شموخها وغرورها مايسمح لها ..

ريان قلبه يدق بسرعه وهو يشوفها يتنفس مع نفسها وينهد مع تناهداتها ..

شموخ طفشت لفت عليه شافته يناظر بالسماء .. طبعا هذي حركه سريعه من ريان لما حس انها بتتحرك ناظر فوق ..: مطول وانت جالس هنا ابغى اذاكر

ريان رفع كتوفه وناظرها : ذاكري انا بناظر البحر ...

شموخ : اوكيه بتجلس اجلس انا بتمشى ولا ترز وجهك

ريان: هههه واثقه من نفسك الحقك ..اسمعي انسه مشاكل لاتروحي بعيد في عائله هنا قريب

شموخ وقفت : هاللحين لو اركض اربع ساعات على هالشاليه الواسع اللي حنا ماخذينه ماوصلت لشاليه الثاني ..

ريان : اكيد اللي ماخذينه حنا شاليه ملكي .. خبرك هذا حقي

شموخ ناظرته بسرعه : حقك هذي الشاليهات حقتك ..

ريان بلامبالاه وعارف انها مقهوره وبتموت تعرف من وين له : ايوه ..

شموخ : انا صدقت انك تاجر بالمخدرات

ريان : ههههههه

شموخ تنرفزت اكثر تكره لريان الخير .. تركته ومشت

ريان ناظرها وهي تمشي وعيونه تدرس كل حركه تسويها خلاص صارت ماخذه عقله طول اليوم يفكر فيها . هاجسه الوحيد هي ..

شموخ تمشي بدلع وغنج متنرفزه مره ..(( من وين له كل هالخير فجاءه صار يملك اشياء مستحيل يجمع فلوسها بهالكم سنه ... عارفه ان وراك بلاء ياريان وانا اللي بطلعه ))

*************************************
عشاق من احفاد الشيطان ... روايه رومنسيه ... خياليه
*****************************************

نجلاء: مرحبااا

احمد بابتسامه : اهلا ..

نجلاءبابتسامه اكبرمن ابتسامته : كيفك ..؟

احمد : كويس واحلى مايكون

نجلاء ترفع الدفتر المعتاد :دوم ان شاء الله .... لاااا اليوم احسن من قبل بكثير ...

احمد: اكيد لان اهلي زاروني

نجلاء: جد ومين من اهلك ..؟

احمد: امي وعماتي ..وتمنيت تكوني موجوده علشان تشوفي بنت عمتي صغيره ..

نجلاء انبسطت نفسية احمد حلوه وتبشر بالخير :خساره وش اسمها ..؟

احمد : لمى اسمها لمى ... تاخذ العقل معي صورتها ...

نجلاء: ممكن اشوفها

احمد: اكيد انا اخذتها علشان تشوفيها انتي والممرضه عبير ..

نجلاء رفعت الصوره وكانت البنت جميله جد لانها بس تشبه احمد ..: بسم الله عليها حلوه

احمد: الله يحفظها

نجلاء: على كذا اذا بتكون مبسوط كل يوم بحكي معهم يجون لك ..

احمد : والله تعملين خير يا دكتوره نجلاء

نجلاء بسرعه : نجلاء .. – حست على نفسها وقالت بهدوء - نجلاء بدون دكتوره ...

احمد ابتسم: اوكيه يا نجلاء ..

نجلاء جلست تسولف معه بمواضيع كثير وهي مبسوطه مثل ماتوقعت احمد حبوب لكن هادي قالها عن مرضه اللي من ثلاث سنوات بس جاء له وكيف تاقلم مع الوضع وهي سولفت لكن فجاءه حصلت نفسها بدون ذكريات حياتها الاجتماعيه شبه معدومه الدراسه كانت ماخذه من وقتها وعمرها اول مره تفكر بهالشي ..انصدمت بفسها (( معقوله شموخ معها حق .. معقوله انا ووحده انطوائيه ودافنه نفسي بين الكتب والدراسه والمستشفى صح انا ماقد رحت لحفله ولا احب اغير تسريحة شعري ولا طريقة لبسي من كم سنه .. ))

احمد انتبه انها مو معه سكت لما شافها ماقاطعته بس تناظره سرحانه : نجلاء نجلاء

نجلاء انتبهت : هممم..

احمد : هههه وين سرحتي فيه ..؟

نجلاءابتسمت وحبت ان احمد يشاركها تفكيرها : تصدق يا احمد صار لي اربع سنوات مادخلت مشغل ولا طلعت لسوق ..

احمد : اربع سنوات ..؟

نجلاء: ايوه ان كنت متفوقه غبيه ..كل همي دروسي حتى بالصف كنت اجلس لوحدي ..عارف يا احمد ندمت هاللحين اني ماعشت حياتي ...

احمد: وليه تندمي .. انتي فيها خذي اجازه اطلعي لسووق اعملي حفله

نجلاء(( اخذ اجازه واتركك لا)): بفكر ..

طلعت من احمد بعد ساعتين قضتهم معه مبسوطه وتحس باصرار على التغيير ...

مشعل : نجلاء نجلاء

نجلاء: دكتور مشعل وش حكينا دكتوره نجلاء لو سمحت ..

مشعل ابتسم (( شكلها لحد هاللحين زعلانه )): اوكيه دكتوره نجلاء كيفك

نجلاء ابتسمت براحه : كويسه

مشعل: ها تعشيتي

نجلاء: لا باقي لي كم مريض امر عندهم ..

مشعل : وش رايك اعزمك على العشاء ...

نجلاء بتفكير لازم تكون لها حياه اجتماعيه : اوكيه..

مشعل : هنا والا براء المستشفى

نجلاء باستنكار: اكيد هنا ...

طلعت نجلاء مع مشعل لكافتريا المستشفى واكلوا وهي بالها مو معها مع احمد ...

اما مشعل يضنها زعلانه منه لحد هاللحين ماحب يضغط عليه اكل وهو ساكت ...


*************************************
عشاق من احفاد الشيطان ... روايه رومنسيه ... خياليه
*****************************************

وعود : انا موافقه ..

ندى ابتسمت من قلب : جد والله مواقفه ..

ام نواف : لووووول ..الساعه المباركه ...

وعود ابتسمت لفرحتهم خلاص لازم تنسى وتعيش حياتها ورياض ماسمعت عنه شي وشاريها ..لكن الفرحه ناقصه .. القلب ينزف من جوا .. نبضها وحياتها كلها ملك وبيد شخص واحد .. يعقوب ... حلم الطفوله والشباب يعقوب ولد العم الشهم ضاع من ايدها وضاعت من ايده ..

ندى : هييييه وين رحتي – بخبث – من هاللحين تفكري برياض

وعود غصب عنها توره خدودها : يازينك وانتي ساكته ...

الجده دخلت تضحك : وش هالزعاريط شصاير

ندى الفرحه ركضت لعند جدتها وصرخت باذنها بالضبط : وعوووووووود بتتزوج

الجده باستغراب : هووو تتزوج مو هي متزوجه يعقوب

وعود قلبها حن ودق بسرعه من طاري يعقوب

ندى بنفس الصرخه : لااااااا هذا رياض ولد ولدك فهد ..

الجده عوجت فمها : فهد قليل الخاتمه وينه طار مع مرته لرياض ..

ام نواف طنشت ام زوجها وضمت بنتها من قلب : جعلك تشوفي الخير يابنيتي والله يعوضك عن اللي شفتيه ..

وعود ضمت امها من قلب ونفسها تطلع يعقوب من بالها وتنساه وهذا اللي صممت عليه حرام تخون زوجها ولو بالتفكير ....

ندى : ههههه ونااااااااسه لوووووووول

وعود : ابغى ابشر هواجس ونور

ام نواف بسرعه : لااااا خالك فيه والله ليذبحهم من الضرب ..

ندى بخيبه امل : خسااااره والله خسااره

دخل نواف للبيت : السلام جميعا

ندى ركضت لعنده وشالته من الارض لان نواف قصير وضعيف : ههههه نوافوه اختك بتتزوج

نواف عصب ونزل بقوه من عندها : انتي بتتزوجين ..؟؟؟؟

ندى : لااا وعوده حبيبتي

نواف ببراءه : وعود .........؟ ويعقوب

وعود خلاص ملت تتعذب حتى الناس كلها عارفه بحبهم قالت بارتبارك : عيب يانواف خلاص انا هاللحين بكون زوجة رياض ولد عمي فهد انسى يعقوب

حست بغربه وهي تقول رياض انسان ماتعرفه ولا قد شافته الا مرتين طول عمرهم بالرياض ومايجوا لشرقيه واذا جاءو راحوا لبيت عمها ناصر لانه المقتدر تقريبا ...ورياض يقولوا شايف نفسه بس اكيد مو عليها ...

نواف ابتسم : اي واحد رياض العربجي والا المغرور

ام نواف : والله ماندري اذا انت الرجال ماتدري حنا كيف بندري ...

ندى : يمه اسمعي قوليلهم تسكن بشقه لوحدها من غير اهله هذا شرطنا

وعود ابتسمت لندى قالت اللي كانت مستحيه تقوله ..

ام نواف : ومن قالك اني مابقول اصلا حاطه ببالي الشرط من زمان

الجده : وشفيكم تهمسون ماتبوني اسمع

وعود : مسكينه يمه سعديه سمعها راح مره وحده بعد صرختك ياندوش ...

ندى : هههههه وش اسوي هاللحين بتغثني بالاسائله ..

الجده : ايييه سمعتك انا غثه يانديوه ...

نواف: افا كيف سمعت ههههههه

ندى: والله ام حمد صايره تسمع السب بس ههههه

ام نواف : استحوا على وجهكم انتي معها – تسند ام زوجها – يمه تعالي ارتاحي داخل

الجده : لا هاللحين بيبداء مسلسلي انا وندى .. صح ندى ..؟

ندى: ايه والله يمه سعديه بسم الله عليك ماتنسين ..

الجده : انسم شايفتني غاز عنك انسم ...

ندى : ههههههه لا رجعنا




*************************************
عشاق من احفاد الشيطان ... روايه رومنسيه ... خياليه
*****************************************

بعد ايام ....

سجى : نعم ماما ناديتيني ..

ام رياض بقسوه صرخت : ايوه ناديتك كم مره قلتلك هذي الصحافه مو لك .. ايش هذا ايش اللي كاتبته هنا

سجى بخوف : ماما عادي مقال ..

ام رياض: عرفه انه مقال شايفتني جاهله

مسكت سجى من اذنهاوشدت عليها : على بالك الزواج من ولد فقر عادي لاااا احلمي انك تتزوجي من ولد فقر

سجى بخوف واذنها توجعها : ماما آآه اذني ماما

ام رياض شدت على اذنها : لاتفكري انك تتزوجي مثل مانتي كاتبه لاتميز ولا اختلاف طبقات انتي بنت سماح الدوير ماتاخذي الا مثل عمر خطيب ربى – ضربتها على كتفها – سمعتي

سجى: هذا انتي تزوجتي بابا ولد فقر

ام رياض : الله والزيجه اللي تسود الوجه قالي ابوي ماصدقته – ضربتها اكثر على ظهرها وكتفها – انتي بنت ابوك ولايخطر ببالك تحاولي تصيري مثله بنت فقر

سجى الدموع تجمعت بعيونها : ماما انا مو بزر تضربيني انا كبيره ..

ام رياض: اضربك واكسر راسك بعد ماعاد الا هي بزارين يحكون ..- دفتها امها بعيد - يله ضفي وجهك ... وماكون سماح اذا تركتك على هبالك انتي وابوك ..

سجى : ماما انا كبرت على الضرب تسمعين كبرت ...حرام عليك انا حلمي اكون معروفه بقلمي

ام رياض: بلا قلم بلا بطيج ويله صيري عاقل مثل اختك ربى وانقلعي لغرفتك ..

سجى طلعت من البيت كله تركض وماهي شايفه قدامها كانت تبكي من القهر طاح شبشبها منها ولامست رجولها السيراميك الحر مع الظهر والشمس القويه ..رمت الشبشب الثاني وماهتمت كل همها تبعد تبعد من هنا خلااااااص القصر الكبير والفخم ضاق عليها ..تحس انها مخنوقه ونفسها تصرخ وتصرخ ...
((ليه ماما تكرهني ليه تعاملني كذا انا احبها وهي ماتحبني لاني اشبه دادي بس ...والا ليه ...مليون مره اسال نفسي هالسوال مالقى له حل ))

تذكرت كيف حرقتها بايدها وهي صغيره لانها طلعت مع ابوها لعند امه .. ومثل هالمواقف القاسيه اللي تتجرد منها الامومه كثير ...كانت سجى تشك ببعض الاحيان انها امها او انها ممكن تكون تعرف معنى الامومه ..

ربى صارت مهزوزة الشخصيه لان امها قدرت بقسوتها تروضها اما سجى كانت عنيده وتشبه ابوها كثير علشان كذا تكرها ..

سجى صدمت بشخص ... مانتبهت فيه ..


*************************************
عشاق من احفاد الشيطان ... روايه رومنسيه ... خياليه
*****************************************


س: من اللي صدمت فيه سجى ..؟
س: ريان وشموخ بالشاليهات وش بيصير ..؟
س: نجلاء بتتغير علشان احمد والا لا ..؟
__________________

[shady]

الفصل التاسع ..

سامي بحزن : والله بفقدكم يابنات اليوم اخر يوم اشوفكم فيه

ندى باستهبال : ياحراااااااام

وعود ونور: هههههه

سامي حس باستهبالها لكن سكت ومشاها هو مقهور خلصت الدراسه وماخذ منهم شي حتى ارقامهم مارضوا يعطونه : ها ندى متفائله بالنتيجه

ندى : خير تسولف يالطيب خل ختامها مسك يكون احسن ...

هواجس باستهبال : ندوووش عيب مهما كان هو رجال كبير وله احترامه ...

سامي ناظر بهواجس : شايقتني شايب

هواجس: لا بس مو صغير شكلك 36 .... 39 يعني من هالعمر

سامي عصب قدرت تستفزه : 39 بعين الشيطان ..انا 26

ندى : لاااااااااااا محنا بزارين عندك واضح عليك كبير مرررره

وعود: صح مررررررررره

سامي ابتسم : بنات وش رايكم ننزل للمطعم نتغدى .. غداء وداعي ..

البنات ناظروا بعض مصدومين مصدق نفسه بزياده لكن ندى كان الاستهبال راكبها : ايوه ليه لا ... عادي

هواجس بين اسنانها : ندووووووش عن الهبال ..

وعود : صح هبال ايوه بس مو كذا

ندى : ياحظي خلكم فري وكول ... ومحنا

قاطعتها نور بعصبيه : الهبال بحدود ...

هواجس اقتنعت بالفكره لما ناظرتها ندى بمكر : ايوه عادي خذنا لمطعم بس يكون مرتب بما انه اخر يوم معك ..

نور و وعود سكتوا مقهورين هذولا هبالهم بيضيعهم ..

سامي كان يبغى ينفجر من الضحك لكن مسك نفسه وقال بثقه : ابشري ..

وقفهم عند" شيليز "..مطعم مرتب وحلو ..

نزلوا البنات وندى وهواجس قدام ورى سامي وبعدهم متاخرين كثير ..

جلسوا البنات وكانهم اهل سامي وعود ونور ميتين من الخوف اما هواجس وندى فالينها يحكون ..
دخل سامي عندهم ..

ندى: نعم نعم ...

سامي: وش فيك ..؟

هواجس: لا ماتفقنا كذا انت بطاوله وحنا بطاوله كيف بناكل ..

سامي ناظرهم بحقد ضحكوا عليه .. : اوكيه خذوا راحتكم ..

طلع وسكر الحاجز

البنات : ههههههههههه ههههههه

سمعهم هز رجله مقهور وتوعدهم بداخله ومايعدي هالحركه ابدا وبالذات لندى الراس المدبر ؟...

ندى بهمس ماسمعه سامي : الله الله بالتفشل

وعود: والله انك هبلان ..

نور بمرح: وعوده خلينا نستهبل والا نخطبتي خلااااص

وعود: هيهيهيهه بايخه

هواجس بصوت عالي سمعه كل المطعم : ياااااااااااحلو هالديكور

ندى بنفس الصوت : وش ديكوره اسمه دكتاتور ...

وعود حطت ايدها على فمها تكتم الضحكه ...

سامي حط ايده على راسه بيفضحونا هذولاء ..

نور : اللللللللله شوفي الطاوله خشب اصلي

ندى بصراخ : واااااااو تجنن ..

هواجس تمسك ايد وعود ويضحكون بدون صوت ...

ندى: يللللله وين هالاكل جوعاااااانين ..

هواجس: بطني بيتقطع

ندى : نااادي ساااااااااااامي

سامي دخل عليهم معصب : اووووووش فضحتونا

ندى: كويييس انك جئيت جوعانين ..

سامي: ليه تصارخين خلاص الاكل بيوصل اسكتوا ...

طلع وهو يحس بخيبة امل مغطين وجههم ماقدر يشوف شي ...

البنات كملوا صراخ وستعباط ..لحد ماوصل الغداء ...دخل الويتر الاكل وهم ساكتين وسامي عيونه عليهم يبغى يشوف شي منهم غير عيونهم وايدهم ماقدر ...

البنات ناظروا الاكل ومرت عليهم لحضة سكون وكل وحده غرقة عيونها ..

هواجس ناظرت بالاكل الكثير والحار اللي يشهي وكانت تتمنى امها وملاك اختها يكونوا معها ..وبالذات ان هذي اول مره يدخلون مطعم ...ماقدر ت تمد ايدها

نور نفس تفكير اختها وندمت انها ماعترضت ونزلت معهم

ندى مقهوره من لقافتها وسخافتها يوم فكرت تنزل كيف فكرت بهالغباء اكيد هاللحين سامي يضن انه متفضل عليهم وانهم محرومين من هالاكل ..

وعود تنهدت لو كل يوم تشوف هالاكل لو تاخذ وتودي لامها ...

ندى قاطعتهم : يله كلوا

هواجس بهدوء: شبعانه ..؟

وعود وقفت : وانا بعد ..

وقفوا باقي البنات ونادوا على سامي اللي مامداه يحط لقمه بفمه: خلصتوا ......؟؟؟؟

ندى: ايوه حنا بالسياره

طلعت والبنات وراها .. راح سامي لطولاتهم (( ىشكلهم حطوا الاكل بشنطهم هذولا بنات فقر ويسونها ..)) لكنه سكت لما شاف الاكل مثل ماهو ..: ماحركوا شي غريبه ...

بالسياره ..

هواجس: مره ثانيه لوسمحتوا – تقصد ندى – لاتتفلسفون

ندى : والله اذا كنتي تقصدين قوليه ليه خائيفه ..

هواجس: مرررررره بخاف منك ايوه اقصدك انتي

نور تناظر سامي وهو طالع من المطعم : اسكتو سامي جائي ...

ندى: لا اتركيها الشجاعه مانتي بخايفه انتي وجهك ..

دخل سامي: السلام ع

ماكمل كلامه لان هواجس صرخت بندى : والله انتي دايم مصدقه حالك على ايش..؟

ندى تخصرت : والله ..؟ انا والا انتي مصدق عمرك بزياده يالفاشله

سامي انفجع وش فيهم يتهاوشون ..اول مره يكونوا كذا ..

وعود : خلاص ندى هواجس مصختوها ..

هواجس: لا اتركيها تكمل انا فاشله يا الهبله نشوف نسبتك كم بتكون

نور : سامي لو سمحت حرك بسرعه هذولاء ببيتذابحون هاللحين ..

سامي حرك وهو مو فاهم شي لكن سكت لان ندى وهواجس كانوا شرسين وهم يتهاوشون ...

ندى: لا ياقلبي ابجيب النسبه اللي تسد خشمك ......

هواجس باستهزاء : هيييييين

ندى تنرفزت ضربتها على كتفها : قلتلك بجيبها ...

هواجس تضربها : لاتضربي عمى ان شاء الله

ندى: العمى اللي يعميك تضربيني
ضربتها بقوه

سامي كان بيضحك على اشكالهم لكن بيذبحونه : خلااااااااااص بزارين انتم ..

ندى: انت مالك دخل ..

هواجس : تضربيني ياحماره
عضتها بيدها

نور وعود يفككونهم

سامي بنذاله بطى السواقه علشان ينتقم منهم هاللحين يتهاوشون ...

وعود سحبت ندى لعند الباب ونور نفس الشي للباب الثاني ...

ندى مقوره تهز رجلها ...: احمدي ربك انهم مسكوني

هواجس: يماما خوفتيني ...

وعود بعصبيه : خلااااص يالبزارين ..

ندى لفت على النافذه مقهوره .. سامي ناظرها وهي مقهوره شكلها بتنفجر ...

هواجس تتحلطم : انا اوريك يالزفته بس ننزل

ندى لفت بترد لكن جئت عيونها بعين سامي مره ثانيه بعد هذاك اليوم ...ارتبكت ورجع بطنها يمغصها وقلبها يدق بسرعه ..وبالذات ان نظرته تقول لاتضايقين ولا تزعلين ...

سامي كان الشيطان بنفسه ناظرها برومنسيه وتصبير وحنان هو عارف تاثير عيونه الرومنسيه على البنات ...

هواجس رمت شنطت ندى بقوه عليها جائت براسها ..
انتبهت ندى على نفسها وصرخت : كسر بايدك يالغبيه ...

هواجس: انتي الغبيه يا فاشله ..

ناظروا ندى وهواجس بعيون بعض بتحدي ونور وعود تعبوا منهم ...

ندى وهواجس: هههههههههههههههههه
هههههههههههههه

سامي .. نور .. وعود ...؟؟!!!؟؟؟!!!!؟؟؟!!!!؟؟؟!؟؟؟!

اكبر علامة استفهام وتعجب على وجهم ..

ندى وهواجس يضربون كف بكف : خخخخخخخخخ ههههههه صدقوا

نور ضربتهم : غبيات ..

سامي ابتسم بيفقد هالهبلات جد ...
نزلوا البنات من السياره يضحكون ونور وعود معصبين ......

ندى لفت تناظر بسيارة سامي لحد ماراح ..تنهدت

هواجس: يله بااااي

وعودالثانيه تناظر بيعقوب وقلبها يدق بسرعه تموت فيه كيف تنساه ... يعقوب ناظر فيها وشهق باسمها : وعود ...

وعود لما ناظررها تجمعت الدموع بعيونها تحس انها تخونه بموافقتها على رياض ... دخلت للبيت بسرعه : باي ...

نور : ندوووش اخر التطورات مع اختك ابغى اعرفها ..

ندى بحماس: اوكيه ...

دخلت للبيت وهي تودع سامي اخر مره تشوفه ....

.....................................

هواجس : نوير اسبقيني لشقه ابخنن نويف شوي

نور : بسرعه لايدري ابوي ..

هواجس: طيب ...

دخلت نور لشقه وهي رايقه اخر يوم دوام بترتاح ....: ياااومي يماااااااما

شافت شايب جالس بمجلسهم لف ناظرها ...خافت وركت بسرعه لداخل شافت ابوها معه دلال الشاهي وماشي للمجلس/: نوير متى جئيتي ..؟

نور وجهها متغير : ها ..هاللحين ...

بو هواجس: يله انقلعي داخل في رجال مهم هنا ..وين اختك

نور بطنها يمغها خايفه الرجال يقول لبوها ويذبحها : هذا هي بتجي ...

دقت الباب هواجس لانه خربان ويسكر بقوه ..

فتح لها ابوها : لاتفتحين غطاءه بسرعه لداخل

دخلت مستغربه من ابوها

نور سحبتها بعد ماراح ابوها : ياوووووويلي ياهويجد ياويلي

هواجس ببرود: يالهبله وش فيك ..؟

نور: بيذبحني ابوي ..دخلت المجلس بدون غطاءه والله بيقول لابوي ويقتلني

****************************************
عشاق من احفاد الشيطان ... روايه رومنسيه ... خياليه
*****************************************


سجى صدمت بشخص ... مانتبهت فيه ..رفعت راسها وهي كارهه نفسها ودموعها انتبهت بعيون سوداء غامقه مره ترمش كثير شايفه هالعيون من قبل لكن وين .. شهقت : عمر

عمر سكر الجوال بعد ماتفق مع ربى يقابلها بالحديقه لكن وهو يدخل الجوال انتبه ببنت صغيره بالنسبه له تركض لعنده وكانها تهرب من شي ذاكرته بسرعه سعفته لما صدمت فيه وناظرته سجى .. سجى حلم حياته اللي جاء يخطبها لكن ام رياض زوجته لاختها الكبيره ربى ..وهو يبغى هذي .....

سجى بعدت عنه مرتبكه وهو تمسح : سورري جد سوري مانتبهت ..

قبل لاتتحرك مسك ايدها ..سجى استغربت لفت عليه يمكن بيهزاءها او بيغلط عليها ..

عمر بحنان وهو واقف قبالها : ليه تبكين .

سجى قلبها دق بسرعه جنونيه ماهي متعوده على هالنبره الحنون او اللهفه اللي بصوته .. شرقت بالهواء : كح كح

عمر خاف : ايش فيك ..؟

سجى ارتبكت وقلبها طاح برجولها وصارت ترجف ... هذا عمر الا عمر خطيب ربى ليه يعاملني كذا ياويلي ليكون على باله اني ربى
قالت وهي تحاول تطلع صوتها ..: آحم آحم انا ..انا سجى مو ربى

عمر قرب لعندها اكثر ومسح باصابعه الدافيه بقايا الدموع اللي على خدها ورموشها وهو يبتسم : عارف انك سجى ..- ضغط على انفها الصغير حنان وكانها طفله – وهل يخفى القمر ..

سجى فتحت فمها على الاخير غريبه يعرف اني سجى ويعاملني كذا سمعت صوت كعب ربى اكيد هي جائيه .. بعدته عنها بسرعه ورمت ايده بقوه وركضت لا قرب مكان عندها المطبخ الخارجي ...



راكان لف لعند الباب شاف سجى واقفه وماسكه قلبها وتتنفس بسرعه احتقرها يكرها الدلوعه اللغبيه ..

عمر ناظرها ناظر بزولها وهو يتنهد لهالحين حلوه مو ربى .. الله يسامحك ياعمتي حرمتيني منها لكن لا واللله ماستسلم سجى لي انا انا وبس ..

انتبه بربى وهي تحط ايدها على كتفه : عمر حبيبي من متى واقف هنا ...؟

عمر ناظر بعيونها ماتشبه عيون سجى ..مافيهم نفس التمرد والمرح ..ربى كبيره عاقله غير اللي يحبه هو يحب المرح والتمرد .. ناظرها من فوق لتحت لابسه تنوره فوق الركبه وصندل مع الارض وبلوزه ساده وفيها بروش بسيط وناعم كان لبسه انيق وهادي مثلها ..بعكس سجى كانت بالبرمودا الاصفر الضيق وفيه كتابات انجليزيه كثيره بالبرتغالي والسماوي .. وبلوزه ضيقه مره على جسمها وقصيره بينت بطنها وبعض من تفاصيل خصرها ..كانت مرحه حتى بالوانها .. تتمنى تناظر شعرها الطاير لقصير طول الوقت ..

ربى بخجل : عمر ليه تناظرني كذا ..؟

عمر اتنبه على نفسه : هههه اناظر وتسالين بعد .. قمر والله قمر ..

سجى سمعت صوتهم لكن مافهمت وش يقولون لان دقات قلبها عاليه توصل لاذنها احساس جديد احساس ماقد جربته ابتسمت ببلاهه وهي تذكر صوت عمر (( وهل يخفى القمر )) مسكت انفها وخدودها حمرت

راكان جرح ايده وهو يقطع جرح صغير .. لانه كان يناظر بسجى السرحان وهي تتبسم وخجلانه استغرب شكلها من اول ماجاء لهالبيت ماشافها بهالحاله ابد .. واضح ان السبب واحد او احد تحبه الدعوه فيها رجال .. قال باستهزاء وهو يمص اصبعه : ليه واقفه تفضلي اجلسي هههه

سجى ناظرته سرحان قالت وهي عاقده حواجبها : تحاكيني ..

راكان ابتسم وده يضحك بوجهها : لا احاكي ميري ..لكن تفضلي ليه متعبه نفسك بالوقفه ..

سجى ابتسمت له ببرود غير العاده : مالك دخل هههه

راكان تاكد ان فيها شي انهبلت ...

سجى جلست على كراسيه الطاوله الصغيره اللي بالمطبخ وهي تتنهد ..

راكان (( لا اللي فيها حالة حب هههههه )) : تحبي كابتشينو والا عصير ..

سجى حطت يدينها لثنين على خدها وسندتهم على الطاوله وتنهدت : آه .. ياحلو عيونه ..

راكان ناظر فيها يستوعب شك انه يسمع كويس: نعم وش قلتي

سجى : قلت اعملي ..امم.. امم .. عصير فراوله باااااارد ..

راكان هز راسه يتحمد على شكلها الساذج : اوكيه ..

بعد دقايق ..

راكان قدم لها العصير ودوه يطرها من المطبخ الفاهيه تتبسم بالهواء ..
سجى اخذت العصير وتحس انها طايره مع عمر وصوته نست من يكون ومن تكون اختها ربى كان نفسها تحصل الشباب الكشخه والبرستيج والشخصيه اللي يسعدها ويحرك مشاعرها وهذا هي حصلته بثواني معدوده كانت بقمة الحزن والقهر لكن اهتمامه وشوقته نستها ..
ضحكت فجاءه وزاد حمار خدودها : ههههههه

راكان ضحك عليها جد هبله هالبنت وبزر : ههههه

سجى انتبهت فيه يضحك : ليه تضحك ..؟

راكان : ها لا بس تذكرت شغله ..

سجى بخبث : شغله والا اللي بصوره معك ..

راكان استغرب كيف عرفت بموضوع صوورة نور : لا مو بالصوره شي ثاني

سجى برومنسيه : تحبها ..؟

راكان بكذب : بزر وين احبها وبعدين للمعلوميه هي اختي اكيد بحبها ..

سجى بحسره : خساره طلعت اختك يله هارد لك المره الجائي تطلع صورة حبيبتك

راكان باستهزاء: آآمين

سجى وقفت وطلعت من المطبخ بهدوء وهي تدندن ((دقات قلبي غير ......
احسها بصدر ي ...
احس انا بتغيير...
ياليته من بدري,,))
الاغنيه قديمه لكن اول مره تحبها وتحسها تناسبها ...


*************************************
عشاق من احفاد الشيطان ... روايه رومنسيه ... خياليه
*****************************************

شموخ لبست مايو ودخلت فيه البحر كان البحر بارد بالنسبه لحرارة الجو رتعش جسمها اول مادخلت بالمويه بعد كذا تعودت وبدت المويه تدفى من جوا ..
شموخ لعبت بالمويه وتبعده وهي تضحك : ههههههههه

ريان صحى من النوم على صوت صراخ وضحك شمووخ .. ابتسم ياحلو الصباح اللي يسمع فيه صوتها .. لا وامس منى داقه تشتكي من حبيبته له ..تخسى اضربها او زعلها علشانها ...


رمى البطانيه ومشى حافي بالشوردت لعند النوافذ الكبيره ..شافها بماويه بينك وفيه قلوب فوشيه كان المايو تقريبا ساتر يعني مثل الشورت واللي فوق مغطي الصدر بس ...
ابتسم على حركاتها الهبله وكانها غير شموخ المغروره ..تدور بشعرها المبلول بعدها تطيح بالمويه وتحك باحلى صوت : هههههههههههه

ريان ريان عض على ايده مكان اسنانها الصغيره مكان الاثر القديم (( ريان انسى انها بنت عمك وارجع ناظرها شموخ اختك الكريه .... ))
قال بصوت مرتفع : وهالقلب اللي يدق بس يشوفها وش يفهمه ..

طلع من الغرفه بعد ماغسل وجهه وصلى ... وهي لحد هاللحين على حالها ..

شموخ كانت تحس بالحريه بالانتعاش من زمااان ماحست كذا يمكن لانها عرفت ان بيت عمها مو اهلها ومايهمها زعلهم من رضاهم .. خلاص مالهم اي حق علي ومحد له كلمه عليها ..
هذا اللي تفكر فيه وهي تلعب بالمويه وتبعدها بيدينها

وقف ريان يناظر فيها شغله سيجاره وحك شعره لمنكوش مامشطه ولا فكر حتى يرتبه صلا ماناظر المرايه كان يبغى يناظرها قبل لاتدخل او تبعد تذاكر مثل الايام اللي فاتت ...

شموخ سمعت صوت كلب لكن من بعيد ماهتمت لكن لما علت اصواته لفت شافت كلب يركض لجهتها حست بقلبها بيوقف صرخت : يا مااااااااااااااااااااما

ريان انتبه من صراخها تلفت يشوف السبب شاف كلب يركض لعندها لا ومو اي كلب كلب حراسه يعني مافي تفاهم .. ماعرف وش يسوي ركض لعند شموخ

شموخ انتبهت بريان طلعت من المويه بصعوبه وركضت لعنده : رياااااااااااان ريان كلب ..

ريان سبق الكلب لعند شموخ .. اللي ضمته بقوه وراحت لوراه تحمي نفسها بجسم الكلب كانت خايفه كل شي عندها عادي ومستحيل تخاف لكن مع الحيوانات المفترسه لا هذولاء بدون عقل وحوش ..

ريان كانت تفكيره سخيف بهالحضه بالذات ..ضمها لعنده مو يطمنها لا كان مشتاق مشتاق لها ليه وعلشان شنهو مايدري حس باحساس لذيذ وهو يسمع دقات قلبها السريعه ويسمع اسمه باستنجاد على لسانها : ريااااااااان كلب ياريان ..

ريان وقف لانه اذا ركض بيلحقه الكلب كيف يتصرف وبالذات ان الكلب وقف يلهب وسعابيله تنزل وهو يناظرهم ..
قال لها وهو يمسك ايدها بقوه علشان تنتبه له .. : شموخ بهدوء شوي شوي تحركي معي انتبهي لاتركضين

شموخ بهسترياء: انت وش جالس تقول شوف كيف يناظرنا - لفت وجهها – ياماما ماما ..

ام ريان كانت واقفه عند الباب وايدها على فمها من الصدمه راحوا عيالها .. الكلب كبير وشكله مفترس ...

ريان لف عند امه وهو واقف صرخ : يمه دقي على الامن اي احد قبل لايمل ويهجم علينا

ام ريان هزت راسها ودخلت بسرعه تعمل مثل ماقال لها ريان ...

شموخ كانت ترتجف لكن مابكت تحس ريان يطولها وهي قصيره بس سكتت هي هاللحين تحت رحمته والله يكرها او يرميها على الكلب

ريان كان قلبه يدق بسرعه ومبتسم ببرود وده يضحك كل شي حوله يضحك شموخ ماسكته ترتجف لا وبنفسها راكضه له تستنجد فيه ..

تحركوا شوي وبهدوء ...الكلب وقف وبداء ينبح ..

شموخ خافت من جد : يامامي وقف وقف بيذبحنا ..

سمعوا صوت رجال وجاء واحد وهو يصرخ : بور بور ...
التفت الكلب لصوت
اشر له الرجال وناظرهم الكلب وصار ينبح ..
الرجال عمل حركات مش مفهومه لكن الكلب ركض لعنده ...

ريان : شوبار خذه من هنا بسرعه

شوبار كان فاتح فمه وهو يناظر شموخ ريان انقهر من حركته : انقللللع يله

راح شوبار ومعه الكلب ..وشموخ لحد هاللحين ماسكه بريان وهي تناظر الكلب
ريان باستهزاء : مطوله خانقتني كذا

شموخ بعناد : انتظر يروحونى قبل ..

بس بعد عن عيونهم شوبار والكلب .. شموخ بعدت عن ريان باشمئزاز وقرف: آف انا قلت انت ماتعرف تختار مكان عدل .. حتى الكلابه امثالك تمشي فيها ...

ريان ناظرها مقهور ورفع ايده بيضربها كف على وجهها لكن على مين هذي شموخ بينك مو اي احد مسكت ايده وقالت بحقد : لاتفكر حتى ..

ريان سحب ايده ورمى السيجاره على الارض معصب سكت لها كثير وهي تتمادى ماينفع معها الطيب قال بين اسنانه : شموخ انقلعي من وجهي هاللحين لاذبحك ..

شموخ تكتفت وحركت راسها تبعد شعرها المبلول عن وجهها : واذا مانقلعت وش بتسوي يعني ..

ريان : بكسر راسك انتي على ايش شايفه نفسك ومحد معبي عينك ..

شموخ بدلع ماصخ مو بملحه : لاني بينك شموخ يا يا – ياستهزاء – ياخوي ..

ريان كان نفسه يقتلها قال اي شي يقهرها .... صرخ فيها : ماني باخوك ومانتي باختي ... ياشموخ – قرب من وجهها اكثر – انتي مانتي بنتنا .. سمعتي مانتي باختي

شموخ ببرود ابتسمت : وبعد وش عندك بعد ..

ريان ناظرها وفكر انها تضنه يكذب مسك ايدها ولفها عند امه اللي تمشي لعند الكراسي اللي براء واشر باصبعه وضغط على ايدها : شوفي شوفي هذي مو امك ... مانتي بنتها مافي شي يربطك فيها

شموخ دفت ايده بقوه وكملت بنفس البرود : مره ثانيه ياولد عمي لاتمسكني كذا سمعت .....

ريان انصدم كيف تعرف انهم مش اخوانها وانه ولد عمها قبل لاينطق كملت شموخ وهي تحتقره : ودامك ياريان حكيت انا يقولك .. عارفه انك مو اخوي وعارفه اني بنت عمك .. بابا هيثم .. عارفه كل هذااا رتعب نفسك ماهزيت شعره براسي لان ماعندي الا بابا فارس وماما شيخه و اخت مروج اما خوان انت وسامي ونجلاء لا مابغاهم – رفعت اصبعها بوجهه المصدوم – والله ياريان مراح ارتاح ولا يغمض لي جفن الا لما اخذ حق مروج وارميك مثل الكلاب - باستهزاء - يا ولد عمي ههههههه..

تركته ومشت لعند ام ريان اللي اشرت لها ..

ريان ناظرها والكلام اللي قالته ينعاد بعقله لكن ببداء لحد ماستعوبه .... ابتسم : يعني كنتي عارفه يا شموخ .. حلو سهلتي تي لي اللي بعمله ...

............

ام ريان : ماما شموخ كيفك هاللحين ..؟

شموخ مدت بوزها: كويسه

ام ريان: انتي وبعدين معك مع ريان لمتى كذا وكانكم اعداء

شموخ : ماما بليز مايحتاج اذكرك ...

ام ريان: لا خلاص ...

شموخ ناظرت برايان وهو يدخل لشاليه مقهور ومعصب ضحكت بصوت عالي سمعه : ههههههههههه

ام ريان: بينك وش فيك

ريان ناظرها بحقد وهو يسحب السيجاره من العلبه (( قويه ياشموخ قويه لكن انا ريان وانا اللي بربيك ..))
__________________
.

.

.

[shady]

*************************************
عشاق من احفاد الشيطان ... روايه رومنسيه ... خياليه
*****************************************

رياض سكر السماعه مبتسم (( ايوه ياوعود وطحتي بايدي والله ... هانت يا المغروره ))

كاترين : حبيبي شوبيك مبسوط هيك ... مامتك ... شو حكيتلك ...؟
(( حبيبي شعندك مستانس كذا .. امك وش حكت لك ))

رياض: سلامة قلبك حبيبتي حكيتلك اموووت اقسم بالله ....

كاترين: ههههه ريري حبيبي ...

رياض: هلا ياعيون ريري ...؟

كاترين : بدي اشي اد هيك – اشرت بطرف اصبعها الصغير -
(( ابغى شي قد كذا ))

رياض: آآآآمري ...

كاترين : بدي خاتم سلولير عاجبني كتير ...

رياض: بس الليله ماتنامي الا وهو - قال بالبناني - باصبعتك

كاترين (( اي بعرف انك راح تجوز لكن انا اعدى الك وع البك .. لحد ماخسرك كل مصرياتك ..))

(( عارفه انك بتتزوجها لكن انا قاعده لك وعلى قلبك لحد ماخسرك كل دراهمك او قروشك ))



*************************************
عشاق من احفاد الشيطان ... روايه رومنسيه ... خياليه
*****************************************

سامي : سموره حياتي لاتخافي والله راح اتزوجك

سمر تضرب خدودها : ياويلي والله لو يدرون اهلي ليذبحوني ويذبحونك ..

سامي: لا لاتخافي بكون زوجك قبل لايدررون

سمر بجزع : لا ياسامي خايفه والله خايفه

سامي (( ياذي النشبه )): لا لاتخافي انتي لي وانا لك اساسا من بعد هذي الليله انا زوجك ...

سمر مو مرتاحه دموعها تنزل بغزاره وتشهق بالبكي ..

سامي بوده يفتح باب السياره ويرميه منها (( الغبيه ليه تبكي وهي طالعه معي برضاها )) : خلاص سمورره اتعوذي من الشيطان

سمر بحقد ناظرته : انت الشيطان ياسامي نبهوني منك ماصدقت ..

سامي خذ اللي يبغاه خلاص: لا تصرخين علي كذا ماني بصغر عيالك ...

ناظرته مصدومه اول مره يعاملها كذا : ايوه بان على حقيقتك يا نذل ..

سامي : والله محد ضربك على ايدك وقالك اطلعي معي او حاكيني انتي بنفسك جيتي لعندي صح ..؟ والا اذكرك ..

سمر : الله يضيعك مثل ماضيعتني يا سامي الله يضيعك ..

سامي ببرود : والله انتي ضايعه معي والا بدون .. وبلاش الدموع الكذابه هذي .. مليون واحد طالعه معه قبلي وتبكين

سمر بصدق: والله انك اول واحد احاكيه اقسم بالله امنتك نفسي وطلعت نذل

سامي : والله قبل لاتدعين علي ... شوفي انتي متهاوشه مع مين مثلا وانا الاداه اللي نتقموا فيها منك ..

سمر ناظره مو فاهمه وقالت ببطى وكان حد يسحب منها الكلام : اي.....ش .....قص.......د....ك

سامي ببرود وهو يوقف السياره : يله انزلي خلصينا .. ولا عاد اشوف وجهك او اسمع صوتك والا انا اللي بخبرك اخوانك .. انا بايعها ومايهمني احد سمعتي وانتي تعرفيني كويس ...
دفها من كتفها بقرف وصرخ : يلللله انزلي

سمر : والله مراح اسكت وانا بعد بايعتها مو خسرانه شي

سامي ابتسم ورفع حاجب ونزل الثاني : مو خسرانه سمعت اهلك وخواتك اوكيه – زادت ابتسامه الشيطانيه – لكن لاتنسي انتبهي من اعداك مره ثانيه اقصد تهاني علي

سمر بصدمه فتحت فمها: تهاني

سامي بخبث ويضرب عفورين بحجر واحد : تهاني علي ال ...والا مو لازم انتي عارفتها كويس

سمر نزلت من السياره بسرعه من الشيطان اللي قبالها كيف حبته ...؟كيف صدقته ..؟ ضيعها والسبب حقد بنت معها بالجامعه لهالدرجه الكره يسوي ...؟

دخلت لمجمع واول خطوتين مشتهم بعدها اغمى عليها ..

سامي كمل طريقه بسرعه جنونيه يهرب من نظراتها وبكيها ويدوس على قلبه وضميره

دق جواله رد بسرعه من غير لايناظر الرقم ..

تهاني بقلق : الو ...

سامي: هههه حوليهم هاللحين بسرعه والا والله اخربها على راسك

تهاني : بعد قلبي والله كفوا .. رجال

سامي : لايكثر حوليهم ابغى اسحبهم هاللحين ..

تهاني: من عيوني والله ...

سكر سامي ورجع لشقه علشان يسلم المفتاح اليوم .. دخل وهو يدندن بطرب ...





دخل للمطبخ واخذ حبوب منع الحمل اللي يحطها بالكاسه مثل كل مره واخذ كاس وصب له عصير بارد وشرب منها وهو مبتسم ..
فجاءه طاحوا الكاس والجوال من ايده .....
مسك صدره بقوه ضاقت عليه ملابسه حلقه جف فتحه يبغى يصرخ ينادي احد ماقدر ....
طاح على ركبته وهو يمسك حلقه اللي يتقطع ..يشد عليه .. داخله يتقطع ...... في سكاكين تقطع حلقه وصدره ... مد ايده للهواء مسك الكرسي اللي قباله لكن ايده طاحت ... طاح بارض المطبخ وهو يتعذب الدموع من عيونه نزلت ضم جسمه لبعض روحه صوته ضاع نفسه ضاق ...

شاف الجوال اللي مرمي قدامه يدق (( مثل العسل وسط الضماير غلاكم ))

يبغى يرد ينادي احد لكن جسمه ثقل اكثر .. وحلقه يتقطع ...وكان روحه بتطلع لباريها .. بكى بدون صوت بدون احساس .. كان يحتضر مثل كل مره ....

يصرخ بداخله (({ريااااااااااان ريان ))



*************************************
عشاق من احفاد الشيطان ... روايه رومنسيه ... خياليه
*****************************************

نجلاء مع احمد تسولف بعد ماخلصت دوامها ...مفروض ترجع للبيت تتروش علشان تطلع لشاليهات مع اهلها للباربكيوا الليله ..طبعا لبسها وشكلها مثل ماهو ماتغير ..

مشعل ميت من القهر قالوا له انها دايم مع هالمريض وبالبريك تروح تجلس معه ولما سائلها اذا يقرب لها ردت ببرود وبساطه لا ..

احمد : اوكيه اشوفك بكره اكيد

نجلاء: كلام رجال اكيد ههههه

احمد : نجلاء لاتنسي اللي لتلك عليه حبي اختك هي صغيره وبتحبك بالمعامله الحلوه

نجلاء: من شموخ ههههه هذا لانك ماتعرفها ...

احمد: ان شاء الله بتتغير وبتقولي احمد قال ...

طلعت نجلاء وهي مبسوطه مره الابتسامه ماليه وجهها اكتشفت انها واخيرا تحب .. تحب احمد

مشعل شافها كيف مبسوطه وهي معه انقهر منها ونفسه يقتلها ..ليه يقتلها ويتعب نفسه يقتل احمد ويفضحها ..لاااا هو يحبها مفروض مايئذيها ...
لكن صمم على قراره لما شافها تناظره وتكمل طريقها بدون ماتحكي معه اي كلمه ..

مشعل : نرجس نرررجس

الممرض نرجس كلامها كثير ونقالت حكي :نعم ..

مشعل : اعملي اللي قلتلك ..

نرجس بجديه وحماس: ان شاء الله

تركته ومشت تبدى المهمه ...

............

نجلاء مرت على ريماس قبل لاتطلع : ريامي تعالي معنا لشاليها ت

ريماس بحسره :آآآه بودي لكن الشغل روحي الله معك وتكفن اتركي لي من الباربكيو شوي ..

نجلاء: هههههه ابشري

طلعت نجلاء من المستشفى مبسوطه ولما جلست على بالسياره رجع احمد لبالها ..رسلت له رساله ...
(( سكبتك في دمي حلما ّ
حنايا القلب .. ترعاه
وراح القلب في فرح
يغني سر نجواه ..))

كانت تناظر الشاشه تم الارسال وهي مشتاقه تقراء رده ..


*************************************
عشاق من احفاد الشيطان ... روايه رومنسيه ... خياليه
*****************************************



شموخ بعد اللي صار مع ريان حست براحه قهرته .. وقتلت فرحة الانتصار اللي كان بيحسه لو انهار انهارت قدامه ..

رفعت بيسو ودقت على واحد من الشباب تتسلى معهم لان مالها خلق مذاكره ..من ....؟من ...؟ تحكي معه كلهم مملين ..

رمت الجوال وهو دق هذي المره كانت سجى ردت عليها برح : سيييييجو ..

سجى بحماس : هههه حصلته يا بينك حصلته ..

شموخ بسرعه: من الفستان ..؟

سجى: اي فستان ..؟

شموخ: فستان ملكة ريا ض ..

سجى بسرعه: لااااا حبيبي يا بينك الحبيب اللي ادور عليه حصلته ..

...................

ريان بغرفته متمدد بعد مارجع من عند منى يبغى ينااام هذا اللي يفكر فيه مع ان مافيه النوم ومصحصح بس كان يبغى يهرب من شموخ والجلسه معها لان اليوم بتكون نظراتهم غير وهي عارفه وهو بعد انهم عيال عم .. تنهد وناظر بالبحر من نوافذه الكبيره كان وقت الغروب ...

جاءه قلبه يدق بسرعه وينقبض مسك مكان قلبه .. زاد الانقباض .. تنفس بصعوبه وهو ينطق : س.. سا..مي ..

شد على البطانيه اكثر صرخ بتعب : يمممه يممه ...

شموخ سمعت صراخ ريان لانها كانت تذاكر بداخل الشاليه ..

سجى بخوف : وش هالصوت عندك من يصرخ ..

شموخ : مدري شكله الكلب ينبح ..كملي

ام ريان : الله يا شموخ كلب اخوك كلب ..

شموخ لفت على امها اللي تبكي : سجو احاكيك بعدين ...

سكرت قبل لاتسمع رد من سجى: ماما ليه تبكين ..؟

ام ريان تبكي: ريان مادري وش فيه يصرخ ومقفل على نفسه الباب ريان يتالم ...

شموخ بملل : عقاب من ربي ... لاتخافي ماما حصان هذا بس يحلم يمكن ..

ريان يصرخ بصوت تعبان ويتعذب : يمممه .. يمممه

ام ريان : يمه وليدي شموخ حاكي ابوك سامي اي احد ..

شموخ بهدوء: طيب طيب ..بحكي مع سام

رفعت جوالها وببرود دقت على سامي : مايرد ..

ام ريان : ياويلي على وليدي ...

ريان هدء شوي قدر يتنفس .. والانقباض خف لحد ماراح ... غمض عيونه بقوه ورفع الجوال بيد مرتجفه ودق على سامي ...

سامي واخيرا رحت عنه النوبه لكن هذي المره كان اقوى من اللي قبلها .. كل ماضيع بنت جاءته هالحاله وماقدر ينطق ..

رجع جواله يدق للمره الرابعه من طاح .. سند جسمه على الثلاجه بتعب ورد على اخر رنه : الو ..ر..يا..ن

ريان تنفس : ياحمااار وش فيك ..؟

سامي غمض عيونه وقال بصوت فيه بحه : تعباااان تعبان ياخوي

ريان بلهفه : سامي وش فيك ...؟ صار لي شهرين اتعذب معك قولي يا خوي وش فيك ...؟

اندق الباب بقوه : يمممه ريان يمه وليدي رد علي ..

سامي: رح طمن امي وبعدين نتفاهم ..

ريان: يمه مافيني شي انتظري شوي ..- رجع يكلم سامي – سام وش في قلي ..؟

سامي تتعبان مافيه يحكي : ريان بعدين يا ريان

رمى الجوال وفتح عيونه جر جسمه جر لعند السرير كانت هذي المره اقوى من اي مره .. حس روحه تطلع ...
رمى نفسه على السرير يضبط تنفسه ..

ريان رجع مثل قبل نشيط كانت حاله بسيطه اتعبته بعده تبعد عنه وماكان فيه شي لكن يحس بالموت مع اخوه وكل مره يعيد الحكي (( والله يا شموخ اللي شفتيه مو شويه ))

فتح الباب لامه شاف شموخ واقفه وراها بعيد وهي مسنده ظهرها للجدار تلعب بالجوال : نعم يمه

ام ريان : ريان بيبي انت وش فيك ..؟ ليه تصرخ من شوي

شموخ باستهزاء ابتسمت له : يمكن يجرب حباله الصوتيه هههههههههه

ريان احتقرها وابتسم لامه الخايفه : يمه لاتخافي انا بخير بس سامي تعب شوي

ام ريان بخو ف اكثر : سامي ...؟

ريان: لا تخافي ضيقه بسيطه ..

شموخ : دوم ان شاء الله ..يا خوي هههههههه

تركتهم ومشت بغروره لغرفتها مره ثانيه ..

ريان بين اسنانه : يمه والله بذبحها

ام ريان : ريان مو وقتك ..انت الثاني اتصل على اخوك تطمن عليه

ريان: حاكيته ومافيه الا العافيه ..

ام ريان : والله ماني عارفه لكم انتم عيال بتجنوني

تركته وراحت تتحلطم والسبب الاساسي لانها تحس بالملل هي اجتماعيه وماتعودت تجلس لوحدها بدون جمعة جيرانها وصديقاتها لكن لعيون حبيبتها شموخ تستحمل ..

ريان ناظر بشموخ وهي تطلع من الشاليه وبيدها جوالها ومبسوطه مره (( لهذي الدرجه تكرهيني ياشموخ ))

شموخ اليوم عندها احلى ايام حياتها تشمتت بريان مرتين وبكل مره هي الكسبانه : ههههههه

مشت عند البحر وقت الغروب اليوم راح يعملون باربيكيوا لان نجلاء وسامي بيجوا الشاليهات وياثقل جئيت نجلاء على قلب شموخ ..



شموخ


*************************************
عشاق من احفاد الشيطان ... روايه رومنسيه ... خياليه
*****************************************

بو هواجس : نور نور ..

نور بخوف .. ((اكيد قال لابوي .. ياويلي ))

ام هواجس: قومي لابوك

بو هواجس فتح الباب وهو مبتسم .. ناظروه مصدومين مبتسم ..:ماتسمعين اناديك

ام هواجس بسرعه : الا بس انا كنت ابغاها

بو هواجس: انتي كلي تبن ..اسمعي نور ملكتك بعد بكره ..

اللكل ببلاهه : ها ..؟

بوهواجس: بو ماهر خطبك مني اليوم وانا وافقت وعطيته كلمه واضن ماعندكم اعتراض نور انتي شفتيه ماينعاب صح ودراهمه كثيرررره

ام هواجس وقفت ايدها بعد ماكانت تلعب بشعر بنتها : وش قصدك ..؟ بتزوج نور لشايب بو ماهر ...

بو هواجس بعصبيه : انتي لاتدخلي سمعتي ... نور جهزي نفسك

نور حست الدم وقف بعروقها هذا الشين يخطبها لا وابوها موافق ..ماتوقعت كذا اليوم كانت تضحك وهذا شر الضحك طلع ناظرت بالمنقذه والقويه هواجس

هواجس صدمتها ماكانت اقل من نور بلعت ريقها وهي تقول بخوف: بس يبه م

بو هواجس: مابغى اسمع اعتراضات ولا حكي فاضي انا عطيت الرجال كلمه وهو مستعجل ..- اشر على هواجس وقال بعصبيه – وانتي يالعانس لاتدخلي ..

هواجس بلعت ريقها وارتجفت من الخوف صرخت ابوها رعبتها .. وش جالس يحكي بيزوج نور الغاليه بعد كم يوم لا ولشايب

طلع بوهواجس انهارت نور بالبكي : يمه مابغاه هواجس تكفون لاتخلونه يزوجني والله اموت ..

ام هواجس كرهت ضعفها وقلت حيلتها نزلت راسها ..ونزلت دمعتها ..

هواجس : يمه لاتسكتين الا هذي

نور تمسك ايدها برجاء: يمه تكفين ..نسيتي ولد اختك نسيتي راكان ..يمه لا تسكتين ..

هواجس ناظرت بامها مقهوره : انا انا اللي بحلها .. انا اعرف كيف اتصرف ....

نور : تكفين هواجس لاتسكتين له

هواجس بعصبيه : لا تتبكبكين انت وجهك قلتلك بحلها بس عطيني اسم بو ماهر هذا .. الكامل وانا بعرف ..

نور واثقه بهواجس طلعتها من مواقف كثير وشخصيتها اقوى منها ..



*************************************
عشاق من احفاد الشيطان ... روايه رومنسيه ... خياليه
*****************************************



ندى تضم وعود : الف الف مبروك ياقلبي ..

وعود تبتسم: خنقتيني الله يبارك فيك ..

ام نواف : زوجة عمك تقول حفلة الملكه راح تكون بالشرقيه وبيرسلون المهر بعد ما تملكون واليوم اللي بعده الحفله

ندى : لا يمه ماينفع مامعنى فساتين ولا شي قولي لهم الحفله بعد يومين على الاقل علشان نشتري بالمهر فلوس

بو نواف: لا ياندوووش انا بحلها لاتخافي

ندى ودها تسائله من وين بس سكتت ماتبغى تضغط على ابوها او تحرجه من وين ..؟

نواف: والله وناسه بتتزوجي ياوعود

وعود : بترتاح مني ها ..؟

نواف: وهذي يبغالها حكي برتاااااااح

ندى تخصرت : لا ييالبي انت انا لك هالحين وانا مو سهله

نواف: لااااا انتي مالك دخل فيني سمعي

بو نواف: ههههه خلاص يا ولاد ... مبرك يابنتي

وعود بحياء: الله يبارك فيك ...يبه


*************************************
عشاق من احفاد الشيطان ... روايه رومنسيه ... خياليه
*****************************************


ريان اول ماشاف سامي داخل الشاليهات صرخ فيه وهو يقلب الكباب بالشوايه : سااااامي تعال ابغا ك

سامي : ببدل وبجي ...

بو ريان مع ام ريان جالسين قبال البحر وريان يشوي عند الشويه ..

نجلاء طلعت من الشاليهات وبيدها بطاطس : ريااان اشوي لي بطاطا ...

ريان: طيب تعالي عطيني اياه ..

شموخ كانت جالسه داخل الشاليه تناظرهم ورى القزاز وتحس انها غريبه عنهم ناس ماتعرفهم وجودهم غلط بحياتها ..

سامي طلعت بعد مالبس شورت بيج وقميص سماوي كان عذاب عليه هذا يعني انه على ريان بيكون عذاب : شيمممممو ليه جالسه هنا

لفت عليه شموخ ورفعت الملزوه : شوفت عيونك اذاكر ..

سامي : من جدك انتي ..؟ اطلعي بس اطلعي ونبسطي ..

شموخ : لااا واذا كنت بالكويز تجاوب عني

سامي: هههه انا ابشري اذا تبين ترسبين

شموخ : لا ثانكس السمستر هذا مهم ..

سامي : يله شيمو طلعي شوي نبسطي

شموخ : اوكيه بلحقك بس بغير ملابسي

سامي بتسم : اوكيه ..

شموخ بسرعه : سام كيفك هاللحين

سامي عصب : ريان الغبي اكيد حكى لكم

شموخ بخبث: ايوه يقول انك تعبان مره وماما خافت عليك

سامي : لا لاتخافون مافيني الا العافيه ..

طلع سامي وشموخ ضلت بمكانها وهي تناظر سامي يمشي لعند البقيه ...

سامي: ريااااااان

ريان: هلا

سامي : كيف الشوي معك ..

ام ريان : هههه شم ياحلو هالريحه

نجلاء: اممم جنان

سامي شغل المسجل لاخر حد وصار يرقص وصرخ .. : الله يحفظ شيمو.... هي السبب ..

ريان فتح اذنه على اخر حد بس سمع طاريها .. حس بالغيره وسامي يدلعها ويمدحها هو متاكد ان سامي مايعرف وامه حريصه ماتقوله لانه مو صاحي مايعرف يفرق بين بنت عمه او اي بنت ..

ام ريان: صحيح وين شموخ ..؟

سامي : جوا هاللحين بتطلع بس تقول بتبدل ملابسها او شكلها مراح تطلع بتذاكر

نجلاء: آآف ..

ام ريان بعصبيه: لا تتاففين اليوم كانت بتروح من ايدنا لو ما الله ستر وريان كان موجود

بو ريان: ليه وش صار ..؟

ام ريان حكت لهم عن الكلب ..وريان استقل هالفرصه ودخل لعند شموخ ..

شموخ جالسه تناظرهم وشافت ريان مقبل لعندها قامت بسرعه وركضت لغرفتها ماتدري ليه سوت كذا بس تبغى تهرب منه .. ماتبغاه يشوفها لوحدها يتشمت ...

ريان وقف عند باب غرفتها تردد يدق والا لا .. لا وش دخلني فيها كمل طريقه لغرفته ..




شموخ جلست على السرير وافكارها تاخذها لبعيد برى هالشاليه وبرى السعوديه وبرى الكره الارضيه راحت لعند مروج وامها وابوها ليه صارت قاسيه وتكره الفرحه لاحد حتى لنفسها .. بعد موت مروج ...

سمعت صوت ريان وخطواته توقف عند الباب وبعد ثواني سمعتهم يبعدون ايش كان يبغى ليه جاء ..؟

فتحت دولابها اللي ملته ملابس تحتاجها وماتحتاجها ...: ايش ممكن البس بهالمناسبه السعيده ههههههه

بدلت ملابسه وطلعت عند اهلها ..

ريان سبقها قبل لاتطلع : انصحك ترجعي هذولاء مو اهلك

شموخ : بالله جرحتني .. ابعد بس ابعد

ريان بعد ببرود : انصحك ماتروحي لان محد يحبك ومتقبل وجودك معنا ...

شموخ احتقرته وهي تعلك بمياعه وطلعت ...ومشى معها ريان

شموخ : هااااااي

اللكل : هاااي

سامي وهو يدبك على اغنيه لعاصي حلاني : شيمو تعالي ارقصي معي ...

شموخ : اوكيه

مسكت بيد سامي ودبكوا وهم يصرخون ...وحافين ..

ريان شغل سيجاره مقهور .. يناظر فيهم وبامه وابوه اهم يصفقوا لهم ....

نجلاء ودها تنفذ اللي قاله احمد لكن المشكله شموخ مغرررررروره ..
وقفت نجلاء لعندهم ورقصت معهم وهي ماتعرف ..
ناظروها متغربين ...

نجلاء بمرح الحب مثل مايقولوا : ههههههه ابغى استهبل

ام ريان رفعت ايدها لسماء: يارب دومه استهبال

ريان: لا ااا مانبغاها تصير مثل بعض الناس .. تكفينا وحده

بو ريان: ريااااان

ريان لف وجهه مو عاجبه ..

شموخ صرخت ترقص شماته ...: ااااااايييييه هههههههههه


*************************************
عشاق من احفاد الشيطان ... روايه رومنسيه ... خياليه
*****************************************


يوم جديد .. شايل معه تفائل لبعض ابطال قصتنا وحزن وقهر لبعضهم ..

هواجس دقت الباب بهدوء اكثر من مره ...

نواف بهمس : هلا هواجس

هواجس بنفس الهمس وهي تضرب راسه : عمتك هواجس ياولد ..

نواف بصوت عالي: لاااا م

هواجس: اوووووشش

نواف رجع يهمس:ليه عمتي ان شاء الله ..؟

هواجس: الله يخلف عى ابو جابك وامن رضعتك .. انا ام زوجتك ..

نواف: اقول عمتي ترى وقفت التاكسي جاهزه ..

هواجس: ايوه يله ..

طلع نواف من بيتهم وسكر الباب بهدوء..

مشوا لتاكسي وافكار براس هواجس كثيره ... دخلت لتاكسي وهي خائيفه قلبها يدق بسرعه ..

طول الطريق كانت ساكته وتدعي ربها يوفقها باللي هي ناويه عليه ..
قررت توقف طمع ابوها بالمعرس الشايب...طلعت لبيت المحروس بو ماهراللشايب اللي ماحترم شيباته وتجرء يتقدم لنوروعلى باله انه بتوافق عليه على طول لانه فاحش الغناء وهي بنت فقر ..

وقفت السياره عند بيت فخم وكبير مره .. تنفست بقوه وطلعت من السياره : اسمع نواف لاتتحرك من هنا لو شنهو يصير ...

نواف يناظر القصر مبهور : وين بتروحي ..؟

هواجس : مالك دخل خلك هنا من غير لاتسال

نواف غيرته على اهله صحت رغم صغر سنه : انا مو بزر عندك وين بتروحي .. ..؟

هواجس : لاتخاف يانواف انا عارفه انك رجال والا ماكان جبتك معي بس في شي داخل ضروري اسويه

نواف : انا خايف يصير لك شي

هواجس : لاتخاف بنت خالك ذيب ...

دخلت داخل القصر وهي تحس بمغص قوي ببطنها بس كل شي علشان نوري يهون ...

وقفوها الحرس اللي يفتحون البوابه لسيارات ... : نعم وين ..؟

هواجس بلعت ريقها وقالت بصوت مرتجف : ممكن اقابل ام ماهر

ضحكوا الحرس :ههههههههههههههه

الحارس 1 : لا ممنوع ههههههههه

الحارس 2 : اذا تحبي اوريك وين تسكن ماعندي مشكله ههههههههههههههه

هواجس انقهرت  " ليه يضحكون " ثقتها بنفسها اهتزت .. :ممكن تقولي ... وين تسكن ..؟

الحارس 1 : بالقبر ههههههههههه

الحارس 2 : على اقرب مقبره هههههههههههههههه

هواجس بصدمه : ماتت ...؟ اجل من ساكن بهذا البيت ...؟

الحارس 1 : انتي مين تبغي بالضبط ..؟

هواجس : انا جايه ابغى اي احد من طرف بو ماهر ..

الحارس2 باستهزاء: ليه ..؟

هواجس : ضروري اح

قاطعها صوت هرن من السياره الفخمه " " اللي طالعه من البيت وواقفه قدام اسوار البوابه ... نزلت نافذة باب السياره اليسار وبين وجه شاب ابيض وشعره لحد كتفه ولابس نظرات شمسيه وشماغ كشخه كان الشاب ايه بالوسامه .. شديد الجمال ..
: صالح افتح البوابه

الحارس 2 ناظر هواجسبتردد : تامر يا عم يزيد ...

هواجس كانت واقفه تناظر القمر اللي جالس بالسياره وهي مفهيه ( سبحان الله خالقه يجنن وينكم ياندى وعود ونورتشوفوا اللي انا اشوفه كان اغمى عليكم .... )

نبها صوت الحارس 2 صالح وهو يصارخ عليها : ابعدي بنفتح البوابه ..

هواجس خمنت انه ولد بو ماهر: من هذا ولد بوماهر

الحارس 2 معصب : ابعدي ..؟

ابعدت هواجس عن البوابه وهي تفكر كيف بتتفاهم مع هذا القمر ...

طلعت سيارة يزيد وهو يناظر الحراس ليه يصارخون على المراءه اللي شكلها خدامه واقفه عند الباب : صالح ايش فيه .....؟

الحارس 2" صالح" : هذي وحده تبغى ام ماهر الله يرحمها ..

واخيرا التفت يزيد على هواجس... : يا خاله تعالي هنا وكلميني

هواجس هزتها الكلمه (ياخاله ..) لهذي الدرجه شكلها كبير ... ولا لانها لابسه عبايه راس ومحتشمه وماتبين الا يدينها وعيونها ..

يزيد فتح نافذته علشان تجي لعنده الخاله على قولته ..مشت هواجس وهي تدوس على كرامتها علشان نوربس ... مفروض ماتروح له مهما صار

يزيد باستغراب بعد ماوقفت عنده ..: نعم ياخاله وش بغيتي من المرحومه ... الله يرحمها

تكلمت هواجس بصوتها الناعم واللي حاولت تطلعه قوي بس خانها صوتها وطلع ضعيف لانها تحس بضغط على اعصابها ودقات قلبها الخايفه : انا مو جايه علشان امك انا جايه علشان ابوك

يزيد عيونه مختفيه وراء النظاره : يعني انتي طراره .. ياختي حنا مو سبيل لك ولاشكالك

هواجس : لا انا مو جايه اطر يا حظرت جنابك انا جايه اقولك ابعد ابوك عن اختي

رفع يزيد النظاره وناظرها باستغراب : اختك

هواجس عيونه السوداء ذبحتها طيرت باقي المخ اللي عندها (( يجنننننننننننننننن )) قلبها زادت دقاته وارتبكت اكثر : ايوه اختي ..

يزيد عوج فمه : اقول يانتي روحي ارمي بلاك بعيد

رفعت هواجس اصبعها النحيف اللي يدل على جمال صاحبته ارفعته بتهديد وهو يرتجف : اسمع ابوك جاء خطب اختي اللي اصغر من احفاده جاء يحاول يدمر مستقبلها .. لكن انا مستحيل اسمح له وبنات الناس مو لعبه بيده

يزيد : ههههه خطبها تمزحين انتي ... شكلك غلطانه بالفيلا


هواجس: لا متاكده بو ماهروحابه انبهك انها بتوافق

يزيد بلا مبالاه : توافق مثلها مثل غيرها لليلتين ترجع لكم

هواجس تاكد لها اللي كانت تفكر فيه هو بيتزوجها لعب : اجل اسمع قول لابوك بنات الناس مو لعبه بيده ولو يموت مايلمس شعره من اختي سمعت ....

منصورابتسم بخبث وهو يسكر النافذه: مبروك مقدما ..

طلع بسيارته لبره وكمل طريقه ..هواجس وقفت مقهوره حست انها انهانت على بالهم انهم فقاره مايقدرون يسون شي لا لازم توقف هالمهزله باي طريقه ...

مشت لعند التاكسي وين ماينتظرها نواف
نواف : وينك طولتي ..؟

هواجس وخانقتها العبره : خلصت مشواري رجعنا للبيت - بعد فتره - نواف لاتخبر احد عن المشوار

نواف : ليه ..؟

هواجس عصبت : من غير ليه .. وياويلك اذا قلت لامي او نور.. او خواتك ..؟

نواف : حاضر

وصلوا للبيت نزلت هواجس بسرعه لعمارتهم ودخلت بتنهار ...

هواجس جالسه بالغرفه تبكي بعبايتها .. طلعت لها نوربهدوء
نور: هواجس

هواجس تمسح دموعها بسرعه وتلف وجهها عن اختها :........

نور : انا اقتنعت خلاص لاتبكين ..

هواجس بصدمه : اقتنعتي ..؟

نور: ايوه قتنعت ..من جدي رجال حبوب وماينعاب .. وغني

هواجس بكت : ليه ليه يانورترخصي نفسك ماعليك من كلام ابوي ..

نور: انا مارخصت نفسي بالعكس انا مقتنعه ..يا هواجس انا عشت بفقر وذل وماتمنى لعيالي الذل والفقر .. وش يفيد لو اتزوج شاب يسكني بنفس شقتنا الصغيره لا انا جئتني فرصه ولازم استقلها

هواجس لفت على اختها تبكي وهذي دموع نور ماشافتها من هواجس من زمااااان : بس انتي صغيره صغيره مره ع الحمل

نور: هههههههه اي صغيره الفرق اللي بيني وبينك 4 سنوات ...
راحت لاختها وضمتها : صدقيني ياهواجس بكذا بنعيش بنشوف الدنيا

هواجس : بس بتضيع كرامتك وصديقيني هذا يلعب كلها كم يوم ويطلقك ..

نور: لا لاتخافي انا طالبه لي موخر يعيشنا محترمين

هواجس باصرار ..: اسمعي انا اللي بتزوجه واتطلق منه وانتي اجلسي بنت بنوت

نوربعصبيه : لا محد بيجيب راس بوماهرغيري ...

سكتت هواجس وهي مو مقتنعه بس كل الطرق مافادت وكان في شي بداخلها يخليها تشجع اختها علشان تكسر غرور يزيد المزيون ..

نور: قبل لالانسى على الاربعاء بملك وبسافر على طول معه بدون عرس

هواجس بكت اكثر: قلتلك يبغى يطلقك مايبغى احد يعرف

نور: لا يقول انه اذا رجعنا بيسوي عزومه كبيره لي وبعدين حنا وش خسرانين الحق اكذاب للباب

هواجس: اجل والله محد يتزوجه غيري

نور: لا مو على كيفك

هواجس باست ايد اختها : نور تكفين اتركيني انا اتزوجه تكفين .. انا اكبر منك وراحت علي تكفين

نور توها بتنطق لكن الاصرار بعيون اختها وانانيتها اشتغلت عندها هي تحب راكان وينتظروا يتزوجون : اوكيه بس مايطلع مننا

هواجس ابتسمت ببرود: اوكيه بحكي مع ابوي الليله



*************************************
عشاق من احفاد الشيطان ... روايه رومنسيه ... خياليه
*****************************************

سجى دخلت للمطبخ وهي تصرخ بانفعال : راكاااان

راكان تنهد (( يالله صباح خير صحت القلق )): نعم ..؟

سجى : عمر زوج ربى بيجي على الغداء اعمل كل الطبخات اللي بالدفتر ..

راكان : ها ...؟

سجى : ماتسمع عمر بيجي وابغى اكل يشرف ويرفع الراس

راكان تافف: آف حاضر

سجى تخصرت : كانه مو عاجبك ..

راكان : لاااا حشى من قال ..؟

سجى: على بالي بعد ..يله ضف وجهك واعمل له شي ..

طلعت وراكان نفسه يكسر قالب البيض على راسها ...

سجى مشت ترقص وتغني قدرت تقنع ربى تعزم عمر على الغداء اليوم يمكن تشوفه من بعيد وتكحل عيونها فيه تحس انها معجبه فيه .. ومندفعه بعواطفها له .. نست او بالاصح تناست ربى اختها وسعادتها ..

ام رياض: خذي جهازك واطلعي لفوق ...

سجى: لاب توبي .. ليه .؟

ام رياض : كل شوي يطلع صوت اقلقني ..

سجى كانت بتصرخ (( اكيد استاذ تركي من الجريده )) لكن مسكت نفسها لان امها اذا عرفت بتكسر جهازها على راسها ..



((فنجان قهوه )):
هاي استاذ تركي

(( تركي نائب رئيس التحرير )):
اهلين ..؟



((فنجان قهوه )):
امم فكرت وهذا رقمي ***** 055

تركي شاف رقمها ابتسم ...

متعب: بو صنعه وش عندك

تركي: ههههه الغبيه شبكت

ماجد: والله انك خطير يابو صنعه

متعب: يووه اكره ماعندي حركات البنات واحاكيهم ..

ماجد : ايوه تفشخر على الشباب وانت ماعندك سالفه

متعب قدم الطاقيه دام بخجل: والله ماعرف اصفصف حكي .. ولا احب احس انهم خواتي ومارضى عليهم

تركي: والله انك نشمي ..


سجى ناظرت الشاشه طول اخذت لها لف على المنتديات

تركي تذكرها
(( تركي نائب رئيس التحرير )):
اوكيه فنجان قهوه ان شاء الله اذا فضيت حاكيتك




((فنجان قهوه )):
لو سحت اذا في شي ضروري بس

(( تركي نائب رئيس التحرير )):
اوكيه ..وهذا رقمي ****056



((فنجان قهوه )):
طيب استاذ تركي انا استاذن هاللحين

(( تركي نائب رئيس التحرير )):
خذ راحتتتتتتك ..

سجى عطته الرقم بحسن نيه وهي مصدقه انه للجريده بس ...

سكرت جهازها وجلست تدور مكان كويس بالقصر علشان تقدر تناظر فيه عمر وهو يدخل ...



*************************************
عشاق من احفاد الشيطان ... روايه رومنسيه ... خياليه
*****************************************

شموخ ..
طلعت بنطلون ورجعت دخلته تبغى شي غير شي مختلف ... شي يناسب البحر ودام سامي ماراح ونجلاء ضفت وجهها تبغى تنرفزهم ..
لبست تنوره خفيفه تنربط على جنب بالخصر وماتغطي شي خفيفه بالمره وفتحتها لاول الفخذ بالعربي ماكانها موجوده وعليها بلوزه تنلف على الجسم بطريقه غريبه وتبين اجزاء كثيره منه كانت لابسته متعمده تبغى حد يحاكيها يصرخ بوجهها مع انها متاكده ان محد راح يهتم ..سمعت صوت غرفة ريان ينفتح اكيد بيطلع حلو ..
فتحت شعرها بسرعه ونثرته على وجهها وكتفها وكان مقصص كثير وطولان لنص ظهرها بلمعته ولونه الكستنائي ..
حطت قلوس سريع بدون اي شي على وجهها وطلعت ..كان ريان ماشي لعند الباب بيطلع شم ريحة عطرها القويه الجرياءه وماكانه عطر نسائي هائدي التفت عليها ..
وقف لحضات بدون مايحكي كانها ممثلة اغراء تمثل بفلم اجنبي ... او عاهره جالسه بالبحر ايش هذا اللي عاملته ..دقات قلبه صارت سريعه وتخربط الكلام بلسانه ومع كذا كانت نظراته لها بااااااااارده بارده بالمره ..

شموخ وقفت بجراءه ومشت تتمخطر لعندملزمتها اخذتها ببرود وهي حاسه بنظرات ريان لكن تبغى تقهره وتكملها الثالثه ...

ريان : ادخلي بدلي ملابسك

شموخ ماناظرته : خلك بحالك ..

ريان بهدوء وهو يضبط اعصابه : آنسه مشاكل ضفي وجهك وبدلي هالمصخره

شموخ بدلع : نووووووو

ريان : شموووووخ اتقي شري وادخلي بدليهم ..

شموخ ناظرته وهي تلف عليه بطولها الجذاب : ليه ..؟ عاديه ملابسي ليه قاهرتك ..؟

ريان ناظرها من فوق لتحت باحتقار : بذمتك هذي ملابس عاديه ... يعني هالحين انتي حاسه ان عليك ملابس ...

شموخ بخبث : ليه انت معصب من يومي وانا البس كذا ..

ريان بعصبيه : لاتكذبي مو لهدرجه

شموخ ببرود : انا كيفي انا حره سمعت

ريان ناظر ببحر عيونها الرماديه وقال باستهزاء يغطي كل مشاعره : ليكون بعد ماعرفتي ان حنا عيال عمك حابه تلعبي على سامي

شموخ ماتوقعته يفكر كذا او يقول كذا بس كانت تبغى تقهره وتنرفزه احتقرته من جد : من كل عقلك تفكر كذا

ريان قفلت معه : اجل وش تسمين اللي انتي لابسته هذا تلبسه الوحده قبال زوجها وبس لا واللي عرفه يستحون بعد لالبسوه اما انتي .. مبسوطه بحالك .. ليه ماتكوني مثل نجلاء محترمه حالك ..

شموخ ضربت رجلها الارض بعصبيه : لا تقارني بالقرويه هذي انا بينك انا شموخ ياريان الهم

ريان قربلعندها شوي بس كم خطوه ......و نفسه يضربها باقرب شي عنده لكن مسك نفسه وقال بين اسنانه : انقلعي بدلي ملابسك هذي ..

شموخ هزت راسها بدلع ووعناد : نووووووو

ريان : شموووووخ


شموخ : ماتخوفني صرختك ... انا شموخ

ريان صرخ فيها : تراك مره ماخذه بنفسك مقلب طول وقتك انا وانا ..ليه هالغرور والرفعه بنفسك انتي ولا شي ياشموخ ...انتي حتى اهل ماعندك .. بيت لك ماعندك ..

شموخ صدمها الكلام وجاء لها على الجرح ..

ريان يكمل وهو يشوفها تعصب : انتي اسم اسم ماعندك ... حتى ماتقدري تقولي انا بنت هيثم وترفعي راسك بهالاسم .. انتي

شموخ من قهرها ضربته كف على وجهها ..
ريان ناظرها مصدوم من جدها هذي ..؟ ماستوعب اللي عملته لثواني
اما شموخ بردة النار اللي بصدرها : وانا بنت هيثم اللي موعاجبك لاخليك تجي لعند تبوس رجولي ...

ريان ماناظر قدامه كانت شياطين الارض تقفز عند عيونه مشى كم خطوه لعندها وقدامها بالضبط مايفصل بينهم شي .. ريان مسكها من ايدها بقسوه وجرها معه لداخل غرفتها

شموخ : آه اترك ايدي يا غبي ..

ريان : انا بوريك من ريان يا شموخ لعبت معك كثير ..

رماها على الارض بقسوه ولان الارض خشبيه تزحلق جسمها بسرعه صدم ظهرها بالسرير : آه ..

وقفت لكن ريان دفها مره ثانيه على الارض وهو يصرخ : ولا ابوي او امي يقدروا يقفوني عن اللي بسويه ..

رفسها ببطنها بقسوه .. كان يضرب ويضرب ببطنها


شموخ من قوة الضربه على ظهرها ماقدرت ترجع توقف ورجل ريان بجزمته الثقيله ضربت بطنها صرخت تبعده وهي تحس بالالم : ماما بابا .. ابعد يامجنون ...

ريان بكل قوته ضربها على بطنها حوالي دقيقتين وهي تصرخ وتستنجد .. ويتلذذ بصرخها كان مثل المخدر معصب لحد الجنون هو ريان الخيال ينظرب لا ومن مين ........من بينك ..

ماحس على نفسه الا وهو يشوف الدم يطلع من انفها وفمها ... كانت شموخ تستفرغ دم بكميات رهيبه وعبت جزمته وجزء من رجله ..

وقف وهو يناظرها ...
شموخ مسكت بطنها وهي تستفرغ ودموعها تنزل .. ريان استوعب اللي عمله نزل لعندها بخوف : شموخ

شموخ كانت تحس مصارين بطنها تقطعت وانفاسها ضيقه .. الدم ينزل من فمها بشكل يفجع ..

ريان مسكها بخوف : : شموخ ...

شموخ تبعده عنها وهي ضعيفها قدر ماتقدر تبعده عنها ..

لاتسالون عن الاهل وين .. كانت ام ريان على البحر وبجنبها الستريو تسمع لفيروز نسم عينا الهواء يعني لو انفجرت قنيله ماحست ... وسامي طالع مثل العاده ... وبو ريان بالشغل ..


ريان ماعرف كيف يتصرف ضمها له بخوف وهو بينهبل كانت بتموت بين رجله ..

شموخ هدى استفراغها شوي بعدت عن رياض بقوه وراحت للحمام وقفلته عليها اكثر من قفله .. لا ماكانت خايفه كانت تهرب بالمها بعيد عن اقسى خلق الله بالارض ...تكرهه ..

اسندت جسمها على الباب بتعب ...و ...
__________________
.

.

[shady]

الفصل العاشر


شموخ هدى استفراغها شوي بعدت عن ريان بقوه وراحت للحمام وقفلته عليها اكثر من قفله .. لا ماكانت خايفه كانت تهرب بالمها بعيد عن اقسى خلق الله بالارض ...تكرهه ..


اسندت جسمها على الباب بتعب ...و ...

رجع بطنها يالمها تحس ان انفاسها تتقطع وكانها بتوقف
.. شهقت تبغى تستفرغ الدم ...

ريان هنا جد انهبل وهو يسمع شهقاتها : شموخ افتحي الباب شيموو بينك تكفين افتحيه ..

شموخ طاح راسها بقوه على الارض وطلع صوت طيحه قويه

دف ريان الباب اكثر من دفه جسمها الثقيل يمنعه ينفح او يندف .. لكن ريان مايائس دف الباب بكل قوتك وهو يسمع صرخاتها .. انفتح الباب او بالاصح انكسر القفل ..دخل ريان وهو يدف الباب بشويش علشان مايئذي جسمها : شموخ ..

شموخ هذا اخر شي شافته بعدها غمضت عيونها

ريان جلس على ركبته عندها وهو يبعد شعرها عن وجهها بهدوء : شموخ اسف حبيبتي .. شموخ سوري – قرب عند اذنها وهمس – شموخ تسمعيني ...

شموخ كانت متكوره على نفسها وماسكه بطنها والدم ينزل من فمها وماهي بداريه عن الدنيا ..

ريان رفعها وهو يلعن نفسه مليون مره غبي كان بيضيعها مثل ماضيع مروج ...

ام ريان سمعت صراخ الشغالات لفت شافت ريان رافع شموخ ويركض فيها لعند السيارات ..

ام ريان: ريان وين رايح .. ليه رافع شموخ كذا ..

ريان ماسمع لها لبسها العبائيه وعلى اقرب مستشفى...

بعد الاجراءت الممله طلع له الدكتور ..

الدكتور :انت زوجها ..؟

ريان بارتباك: امم لا اخوها...

الدكتور : هي وين زوجها ..- قبل لاينطق ريان قاطعه الدكتور – هي معها نزيف حاد . – بصيغة سوال - .هي حامل ...؟

ريان بسرعه : لااا هي بنت

الدكتور: آآها فهمت لكن معها نزيف حاد جدا ... تعرت لضرب وحشي انا بلغت الشرطه وهم على وصول

ريان بفزع : الشرطه ليه..؟

الدكتور بشمئزاز : ليه ..؟ تسال ليه وينكم انتم اهلها ومن اللي ضربها بهذي الوحشيه ..؟

ريان بلع ريقه: يعني وش فيها بالضبط ..؟

الدكتور : قبل لاقولك عندي سوال ..؟ هي مريضه بمرض معين ..؟

ريان : لااا مافيها مرض بالعكس صحتها كويسه لكن قبل اسبوع كان معها فلونزا بسيطه ..

الدكتور: امم هي عندها اخت توم ..او اخ ..

ريان حس ان اسالة الدكتور تخنقه لكن شكله مو قادر يشخص اللي فيها .: ايوه كان و – بتردد – ماتت

الدكتور تنفس بقوه وكانه حصل حل اللغز : من متى .؟

ريان : من خمس او اربع سنوات

الدكتور : عرفت هاللحين .. ياخ الاسم الكرريم

ريان ونفسه يذبح الدكتور البارد ..مايدري ليه كذب لكن ماحب يقول اسمه الحقيقي: سامي ..

الدكتور : ياخ سامي بما انها كانت توم واختها ماتت فنسبة اصابتها بالامراض كبيره يكون عندها ضعف بجهاز المناعه لان اغلب التوام اذا فقدوا نصفهم الثاني يكون معهم اكتئاب مزمن ويرفضون الحياه فبحالات كثير مايطولون بعد وفاة اخوهم الا سنتين بالكثير – ابتسم – لكن الواضح ان ام عيون رماديه قويه وحابه تعيش ..

ريان مسك ايده لابكس الدكتور الغبي يتغزل فيها قدامه ..لكن الكلام اللي سمعه عن نقص المناعه ونسبت وفاة شموخ باقل الامراض 50 % حس بضيقه بصدره
شغل سيجاره بتوتر ..

الدكتور قال قبل لايمشي : تقدر تشوفها لو تحب ..

جلس ريان على الكراسي وماعنده اي شجاعه يدخل يشوفها رجعت ذاكرته لايام قديمه قبل اربع سنوات تقريبا ..ايام ولت ونقضت لكن اثرها دمر مشاعر انسانيه ..

{.{ مروج طاحت السماعه من ايدها وفتحت فمها : ريااااااان

ريان بعصبيه : من هذا حمد من ..؟ من تحاكين ..؟


مروج ارتبكت وخربطت الارقام بالتلفون وسكرته

ركض ريان لتلفون وسحبه منها وهي مصره تخربطه ..صرخ فيها : مررررررروج من هذا ..؟

مروج بخوف : والله مو احد مو احد

ريان شاك تصرفاتها وبالذات لما نتقلت لهذي المدرسه الجديده شموخ كانت واثقه من نفسها لانها كانت ببساطه مراهقه محترمه اما مروج كانت على اسمها ماتحب تظل عاديه مع انها اهدء من شموخ بكثير لكن ماتحب القيود ..وشموخ كاااانت اقرب للقلب : مروج والله والله اذا عرفت انك كنتي تحاكي واحد ...اقسم اني مراح اسكت

كان يصرخ بوجهها وهو مراهق يعني بالثانويه وقريب يدخل للجامعه : شمعتتتتتتتتي

شموخ نزلت تركض : موجه ريون ليه تصارخون

ريان: بينك بسالك مروج مع من تجلس بالمدرسه

شموخ ارتبكت: عادي مع بنات ..

ريان كانت شموخ دلوعته ولها معامله خاصه بعكس مروج اللي كان سامي يعاملها هو معامله خاصه .. مقسمين اعمارهم لفرق حرررررركات مراهقين : بينك حبيبتي قولي لي ..

شموخ : والله ريان عادي حتى اانهم بنات قبايل ..

ريان سكت مع انه شاك ...

مروج ابتسمت بتوتر : سمعت مافي شي انا بنام

ركضت بجسمها الضعيف والصغير لفوق ..

....**.**

ريان رجع للواقع وهو يناظر الناس بالمستشفى كانوا قليل لان الجبيل بطبيعتها سكانها قليل ..

ضغط على راسه (( ياليتني ماصدقت يا شموخ .. ياليتني كسرت راسها بهذي اللحضه ))

رجعت الذكريات مره ثانيه تمر قدام عيونه وكانها امس

{.{ ام ريان : لا ياريان انا متاكده اني مسكره كل الابواب ..

ريان : لكن انا سمعت صوت ..

شموخ : حتى انا ..؟!!

ريان: انا بطلع اشوف ..

شموخ : حتى انا بروح معك ...وناسه اكشن

ريان: اقول امشي بس اخلصي ..هههه

شموخ بحماس : ريون تخيل حرمي ومعه رشاش

ريان : تدرين وش بسوي اذا فيه حرامي

شموخ بفضول : وش بتسوي

ريان مسكها وقدمها قدامه : بقوله خذ بينك مابغاها بس اتركني اروح

شموخ شهقت وغرقة عيونها الوساع وكانت ملامحها مو بهالنضوج والجاذبيه اللي هاللحين بتخليه يقتلني

ريان بجديه : ايوه وش نبغى بدلوعه مثلك

شموخ ضربت برجلها الارض: لااااا ريووون لاتخليه ياخذني ...

ريان كانت اخته المدلله : خلاص اجلسي هنا

شموخ سبقته لبره: ها هاها ها ها ها بالمشمش

ريان طلع ومشوا لعند المسبح يشيكون عليه وين الصوت ماشافوا احد حتى بالملحق
شموخ رفعت كتوفها : مافي احد ..؟

ريان : غريبه مادري من وين كان الصوت شكلك ماعجبتي الحرامي

شموخ بلعت ريقها : مراح اخاف

ريان: هههههههه وااضح

وهم ماشين بيدخلوا سمعوا صوت الباب الصغير عند المدخل ينفتح ودخلت مروج بالظلام وهي تتسحب وتودع احد ...

شموخ شهقت : مروج ..؟

مروج لفت عليهم والصدمه على وجهها ..
.
تصورتوا بنت بثالث متوسط عمرها 15 سنه داخله بهالطريقه لبيتهم

ريان كان اكثر من صدمتها .. لفت عليه شموخ خائيفه وش بيسووي ..
غمض عيونه بقوه وعد بصوت عالي للعشره وكانه يعطي مروج فرصه تهرب ...او يضبط اعصابه : مرررررررررررررررررررررروج

مروج من الخوف بكت بسرعه ..

ريان ركض لعندها وشدها من شعرها : وين كنتي يا حماره ..؟ ها

مروج وهي ترتعش : شموخ شموخ

شموخ ركضت لعندهم ومسكت ريان: لا ريان انت فاهم اكيد غلط ..

ريان جرها من شعرها لحد ماطاحت على الارض وصار يسحبها : ياحقيره انا اللي بربيك ..

شموخ طاحت على الارض تصرخ وتبكي : ماما ... بابا ..

مروج كانت تحاول تحكي لكنها تشهق وتبكي ماتوقعت انها بتنكشف كذا

ريان جرها وقفها عند الجدار وصار يضرب ويضرب براسها الجدار وهو يصرخ فيها : ياحقير ياخاينه كنت عارف ان وراك بلاء ... والله لارميك جثه هنا

مروج الصغيره بجسمها لكن كبيره بتفكيرها صرخت : ريان ماما مااما شموخ ... ريان الله يخليك اتركني آآآآآآآآآآآآآه

ضرب ريان براسها الجدار لحد ماشاف الدم على الجدار وهي بدت تفقد الوعي لكنه مستمر بضربها ويخنقها برقبتها

ام ريان وسامي ركضوا يسحبونها منه لكن ريان ضربها بكل قوته على الجدار وهو يسمع صوت اشياء تتكسر فيها .. وكانت هذي اخر ضربه ضربها فيها لان سامي سحبه بقوه ...طاحت جثه على الارض ..

شموخ كانت تتالم اكثر من مروج وتصرخ مع صرخاتها **.**

: لو سمحت ..

ريان رفع راسه : هلا ...

الشرطي : لو سمحت انت ولي امر المريضه شموخ ..

ريان ناظر بالشرطه بثقه : ايوه خير ايش فيه ...

الشرطي : تفضل معنا لو سمحت في كلام يخص المريضه ..

ريان: اوكيه ..


*************************************
عشاق من احفاد الشيطان ... روايه رومنسيه ... خياليه
*****************************************

رياض وقف عند بيت عمه وهو قرفان نفسه وش هالحي هذا اللي عايشين فيه حتى اليساره يادون ثنتين يوقفون ...

بو رياض : يله يارياض دق الجرس

رياض حس بتردد وانه دخل نفسه بوطه : يبه ينفع نرجع لرياض وبلاش هالزواج هذا

بو رياض رفع حاجبه ناظره : مانت برجال اذا رجعت بكلمتك ..

رياض دق الجرس ...

فتح نواف وعلى وجهه ابتسامة ترحيب : هلا والله عمي هلا رياض

رياض ناظر بالبيت بغرور ويتمنى انه ماتفلسف اكيد هذي الوعود شينه مثل هالبيت .....(( والله انت اللي بلشت نفسك تحمل يا رياض ))

بو رياض: الله يحيك يا نواف ..

بو نواف جاء وقف عند الباب: هلا وغلا باخوي فهد حياك اقلط ..

بو رياض مبسوط : الله يحيك ..؟

دخلوهم للمجلس المتواضع مره جلسه على الارض اثاث قديم لكن نظيف ريحة البخور ماليه المكان ...

جلس رياض بدون ولا كلمه كان قفان حده نفسه يرفع ثوبه ويهرب من البيت ..(( سوفاج سوفاج .. هذا وقت سوفاج حقتك يا سجى ...آآه ياسجوي قلتيلي ماصدقت ))

بو رياض: رياض رياض

رياض ناظر ابوه : سم يبه

بو رياض ياشر على نواف : خذ القهوه من ولد عمك

رياض كان بيقول لا مشكور بطلت اشرب حرمت اشرب لكنه اخذ الفنجان لان فيها قبايل مثل مايقولوا ...: شكرا

بو نواف: هلا باخوي تو مانور المكان ...

بو رياض كان مررتاح : منور باهله

رياض ماقدر يشرب القهوه مو على كيفه غصب عنه طول حياته متعود على القصور والفلل حتى الشقق ماقد جربها لا وهو دلوع جده وامه يعني ماقد زار بيت عمه حمد ...

.................................................. ........

وعود مسكت الدفتر ترتجف التقارير طلعت حلوه وماناقص الا توقيعها وتصير حليله لرياض اللي حتى شكله ماتعرفه ..

هواجس: يلللللللله كيمياء هي

وعود وقعت وتحس الموضوع مايعنيها وان كل هذا حلم وبتصحى منه وهي باحضان يعقوب ..

نور وندى وهواجس : لوووووووولللللللل

ام نواف : الف الصلاة والسلام عليك يارسول الله محمد

نواف : اوووش اوش فشلتونا صوتكم عند الرجال

ملاك : مسوي نفسك رجال ..

نواف : انتي يالغاغا اسكتي

ام هواجس : بسرعه خذ الدفتر وده لابوك

............................................

رياض ارتاح شوي توقع الدفتر يعني صارت له وبيذلها وبيعلمها من هو ترده لاااا وساكنه ببيت مثل كذا ترفضني

بو نواف: مبروك يا رياض

رياض ببرود : الله يبارك فيك ..

بو رياض يسلم على اخوه بحراره : على البركه ياخوي

بو نواف: الله يبارك فيك ...


دخلت الجده رياض ناظرها بفزع من هذي اللي داخله بالبرقع لايكون وعود .. لا جد رحت فيها يارياض ..

بو رياض وقف: هلا والله يمه ..

رياض(( يمه .. الحمد لله يعني هذي جدتي اللي تكره امي )) ارتاح على الاقل مو عيونها صغااااار كذا ..

الجده : من فهد الله لايسلم بك مغز ابره قل امين

رياض تاكد من حكي امه انها تكرهم ...

بو رياض : ليه يمه

الجده: ها وش تقول عل صوتك صر رجال والا مويض نستك تسمع بعد

رياض بانفعال : لو سمحتي لاتحكين عن امي بهالطريقه

الجده : وش مطرقته هاللحين .. ومن ذا اللي يحكي ..

نواف صرخ باذنها : يمه سعديه هذا رياض زوج وعوووود

الجده : رياض رجل وعود اجل وين راح يعقوب ..

بو نواف باحراج : يمه ارتاحي الله يهديك

رياض تذكر انها انت لولد عمه الثاني يعقوب يشوفه احيانا لكن مابينهم الا سلام حتى لو مشى بالشارع لوحده بدون عزومه ماعرفه ...

................................

البنات وهم يتسمعون

هواجس: ووووع شكله شايف نفسه

نور: صح شوفي كيف حكى مع الجده ...

ندى شافت الخوف بعيون اختها : لاااا يمكن مرتبك مثل اللي عندنا

وعود بهدوء كانت تحس انها عادي كل شي عندها عادي لامبسوطه ولا زعلانه ....

هواجس بتريقه : عاد بيوم ملكتي ابغاكم تصورون العريس وهو يوقع ههههههههه

ندى: بو ماهر ها خخخخخ

هواجس: والله لاستهبل واوسع صدري دام الفاس طاحت بالراس

وعود بضيقه لانها بتفارق هواجس اذا تزوجت هواجس حبيبتها وبئير اسرارها : صحيح بكره ملكتك وبعده السفر من غير زواج

هواجس بلامبالاه : ايوه لان العريس مايقدر على الطقطقه يخاف يموت هههههههه

البنات ناظروها دمها بارررد حسدوها على برودها ..ومادروا كيف تحترق من جوا ..

.....................................

بو رياض : ها نشوف العروسه ..

بو نواف : كيف ..؟

رياض : عمي ابشوف زوجتي

نواف بسرعه وببلاهه : وعود مو راضيه قالت مافي شوفه الا بيوم الخطوبه ...

بو نواف وده يذبح ولده : لااا مو كذا البنت تستحي وماهي بمستعده

الجده تصرخ : وش له يشوفها .. لاخذتها بيتك شوفها مثل ماتبي ...

ريا ض حس انه خكري بالمره بالنسبه للهمج اللي قباله .. لا والاخت العروسه بعد تتثيقل وماتبغى تشوفني لكن انا لك يا وعود تدلعي هاللحين مثل ماتبغي ..

..................

هواجس ضربتها على كتفها : انتي وجهك وليه ماتطلعي له ..

وعود بهمس : شايفه عندي قطعه او مملابس اقدر اطلع فيهم كلهم بلوزتين الزمن لعب فيهم ...

نور بحماس: هانت كلها كم شهر وتعيشي بطرانه بالرياض ...

ندى : برررررررتاح منها ومن مقابل وجهها ....

وعود تضمها وتبوسها : بس انا بفتقدك يالغاليه

ندى : آآآآف تتلزق ..

وعود و نور و هواجس: ههههههههه

*************************************
عشاق من احفاد الشيطان ... روايه رومنسيه ... خياليه
*****************************************

سامي : انت غبي والله انك مجنون لاتضن انك ضيعت مروج باتركك تضيع شموخ ....

ريان ابعد ايد سامي عن كتفه وهو متنرفز : قهررررتني ..

سامي : ريان انت كيف تفكر ..؟ها ..؟ ايش القسوه اللي انت فيها ..

ريان: اقول بلا كلام كثير وادخل تكلم مع هذي المجنونه وقلها تتنازل وبلا فضايح ..

سامي: هههه بينك ومعنده اجل احلم تتنازل لك ...

سبب الفجوه البيره بين علاقة سامي وريان نفس الحكايه القديمه عن مروج ...


.............

شموخ جالسه بالغرفه البيضاء وهي تحس براحه الالم راح تقريبا وجسمها استرخى لكن في شي يشتعل بقلبها ماهي قادره تسكت له على اللي عمله

ام ريان : ماما حبيبتي .. شموخ

شموخ : ايوه ماما ايش فيه مايكفي اللي عمله ولدك

ام ريان برجاء: ماما انتي هذا اخوك ومالك غيره وماله غيرك تنازلي عنه عند الشرطه

شموخ بعناد: لااااا

ام ريان : ليه وانا امك تبغي تحرقي قلبي

شموخ : ماما هذا موضوع منتهين منه سمعتي ومستحيل اتنازل الا اذا باس ايدي وقالي انا اسف يا عمتي شموخ

ام ريان : وش هالحكي انتم م

شموخ قاطعتها وهي ترفع المرايه اللي بجنبها وتتامل بشرتها وجهها اهم شي ماصار لهم شي : لااااا اذا باس ايدي ورجلي قلت لضابط اني متنازله ..

ام ريان عارفه عناد شموخ بنتها اللي مربيتها صحيح انها ماشربت من حليبها ولا رضعتها لكنها تغلاها اكثر من نجلاء بنتها : حبيبتي انتي علشان خاطري ..

شموخ ترتب حواجبها بايدها وتناظر بالمرايه المحفور عليها ماركة" ايف سان لوران ": ماما لاتعبي نفسك مستحيل اتنزل ..

ام شموخ وقفت بعجز : من وين طلعت لنا هالمصيبه ياربي ...

شموخ لما شافت امها بتطلع : ماما

لفت امها متفائله : بتتنازلي

شموخ حطت المرايه على الطاوله : آآآف قلتلك لا .. اسمعي ماما قولي لهم يبدلوا لي هالغرفه العفنه هذي ...

ام ريان : اصلا بننقلك لمستشفى اسطون ..

شموخ باشمئزاز : اسطوون لا ماما تكفين وش اسطونه ولو وحده من البنات صحباتي جئت بتزورني وش اقولها اسطووون ..

ام ريان توها بتحكي..

شموخ : ماما تخيلي وحده من صحباتك الموجهات جئت تشوفني باسطون والله مو حلوه بحقك

ام ريان نست ريان وهمها وفكرت انها لازم تاخذ سويت فخم بمستشفى سعد التخصصي لان شموخ بتجلس كم يوم على كلام الدكتور ..: اي والله وانتي صادقه والله فشله ..

شموخ رجعت تمددت : ماما بليز بسرعه طلعيني من المقبره اللي هنا ..

طلعت ام ريان وشافت سامي وريان مع الضابط يتفاهمون ...

ريان سكت لكن ناظر امه وكانه عرف الجواب ...

سامي: ها وش قالت

ام ريان: ريان تعال ابغاك ..

ريان وقف عند امه: هلا يمه وش بغيتي ..؟

ام ريان : هذا وانا مامنتك عليها وقايله لك انها يتيمه وامانه برقبتنا

ريان بطفش وهو يدخن السيجاره اللسابعه من دخل للمستشفى : يوووه يمه خلاص درينا

ام ريان : هي وافقت تتنازل بس بشرط

ريان : لاااا وش شروطها الانسه

ام ريان: تقول تبوس ايدها وتقول لها اسف عمتي شموخ

ريان بانفعال وصوت سمعه كل الموجودين بالممر : نعــــــــــــــــــــــــــــم ..

سامي لف عليهم مثل كل الموجودين : امي ... ريان ....ايش فيه ؟!

ريان رمى السيجاره بقوه وداسها برجله : هذي انهبلت عطيتها وجه بزياده ..

سامي بين اسنانه: ريان لاتفضحنا خلاااص ..وط صوتك ..

ريان بين اسنانه : انسه مشاكل تقول ابوس ايدها واعتذر لها ثمن تتنازل ..

سامي : اعتذر لها وفكنا ..

ريان : جاءك الثاني ..

تركهم ومشى لعند الشرطي : واللي يرحم والديك خذني من هنا لا قتلهم ..

طلع الشرطي ومعه ريان ..

*************************************
عشاق من احفاد الشيطان ... روايه رومنسيه ... خياليه
*****************************************

ريماس : نجلاء اذا مانتي خايفه ..على نفسك وسمعتك انا خايفه على سمعت اختي

نجلاء: كذابه هذي الممرضه كذابه مع وجهها ..

ريماس: اجل وش تفسري تصرفاتك كل المستشفى شايفه من اسبوع وانتي دوم عنده تجلس بساعه والساعتين ..

نجلاء مقهوره قالوا عليها كلام تستحي تفكر فيه : يعني انتي مصدقتها ..

ريماس : ايوه وليه ماصدقهم وانتي ماعددنا نعجبك وتجلسي معنا

نجلاء رفعت السماعه معصبه : حتى انتي ياريماس ماهقيتها منك يالبايخه ..


ريماس بهدوء : : نجلااااء .. تكفين انا خالتك واخاف عليك قولي لي الكلام اللي سمعته صحيح


نجلاء انقهرت وراحت بسرعه عن خالتها مستحيل خالتها الصديقه الصدوقه حبيبتها تصدق هالكلام – كان في همس بس مرت سكتوا - تاكدت ان الحكي عليها آآآه اذا خالتي اللي خالتتي صدقت كيف بلومكم ..

سالت ممرضه : مريم مريم ..

مريض بنظرو احتقار : نعم خييير

نجلاء غرقة عيونها من المعامله والنظرات القاسيه هي مظلومه : ماشفتي دكتوره مروه

مريم بنفس الاحتقار : لااااا

نجلاء بضعف ابتسمت : شكرا ...

مشت مرفوعة الراس قد ماتقدر اصعب شي ان حد يتكلم عنك بشرفك وسمعتك

مشعل ابتسم وعرف ان هذا الوقت المناسب : نجلاء نجلاء ..

نجلاء لفت عليه (( ناقصتك انت بعد اكيد هاللحين شمتان )): هلا دكتور مشعل

مشعل ابتسم: ماقلنا بلاها هذي الدكتور ..

نجلاء (( غريبه شكله ماسمع عن الاخبار الحلوه وماوصلته الاشاعه والا كان هاللحين يحتقرني ))

مشعل وهو يشوفها سرحانه وعيوونها مغرقه حس انه نجح وجاءت الضربه بالمرمه مثل مايقولوا

مشعل بحنان : نجلاء ولا يهمك الحكي الكثير انتي انظف من كذا

ناظرته نجلاء مصدومه وحست انها تبغى تحكي مع احد آآه بس لو تقدر تدخل عند احمد وتفضفض له بس هو مريض ومايستحمل صدمات اكثر ..: يعني انت ماصدقتهم ..؟

مشعل : اكيد ومستحيل اصدق عليك اي شي .. نجلاء انا جالس معك واثق باخلاقك

نجلاء الدمعه على هدبها ودها تبكي من احساس الظلم قالت بقهر وهي ترجف: اللي قاهرني انهم ماحكوا عن نزاهتي الطبيه او عن اي شي ثاني سخيف – اشرت على نفسها بقهر – حكوا عن سمعتي شرفي عن اسم بابا ..

مشعل تعاطف معها وكان ماله شغل بالموضوع حس انه جرحها كثير واللي سواه بير هو متعود على هذي الاساليب لكن نجلاء غير نجلاء حاله خاصه ..
ماتحب تختلط بالرجال علاقتها معهم عمليه كثير وهو هاللين بكل غرور حطمها هز من ثقتها بنفسها ..

نجلاء تكمل بنفس القهر : والله ظلم وقهر انا نجلاء فارس الخيال يظلموني كذا يشككوا باخلاقي .. - مسكت ايده بعفويه - والله يامشعل انا مو مثل حكيهم ..

مشعل حس برعشه قويه من مسكت ايدها ارتبك : معليك يانجلاء طنشي وكل شي بينان ان شاء الله

ريماس شافت نجلاء ماسكه ايد مشعل حست بالخيانه والحقاره والكره لنجلاء هي ماكانت مصدقه حكيهم عنها بس قالت لها اللي قالت علشان تترك احمد لكن انها تحاول تلعب على مشعل وهي عارفه انها تحبه هذا اللي قهرها ..
وقفت عندهم وهي تهز : الله الله يا دكتوره نجلاء وش هالغراميات

لفوا عليها .. نجلاء انتبهت انها كانت ماسكه ايد مشعل سحبتها بسرعه وعرفت تفكير ريماس لوين اخذها :ريمااس

مشعل بجديه : اهلا دكتوره ري

قاطعته ريماس وهي تحتقر نجلاء : والله ان اختي ماعرفت تربي يا نجيل .. لااا ومو هامك الحكي اللي انتشر عنك جائيه تكحليها مع هذا ..؟

مشعل عصب : دكتوره ريماس ايش هذا لو سمحتي احترمي نفسك شوي ..

ريماس كانت مقفله معها : اووه سوري دكتور مشعل غلطت على حبيبت القلب – ضربت نجلاء على كتفها بقهر – عليك بالعافيه – كملت بنعومه وهي ترمش بعيونها – دكتوره نجلاء ...

نجلاء كانت ساكته مالها وجه تحكي مع ريماس هي كانت تبعد عن مشعل وماتختلط معه هو بالذات مع انه حبوب علشانها : عن اذنك ..

مشعل وقفها : نجلاء لاتضايقي نفسك كذا ..

نجلاء: لا عادي مشعل ممكن تسمح لي ارجع للبيت ...

مشعل ابتسم بحنان وعذوبه : اكيد

نجلاء تحس ان لمشعل اسلوب حلو يجذب فيه اللي حوله : مشكوره والله مشكوره

مشعل : ولو العفو ..

مشت نجلاء ..
وقفها الممرض الفلبيني قال لها كلام ماقدر يسمعه مشعل ..وجه نجلاء تغير لالوان

مشعل : ايش فيه ..؟

نجلاء بخوف : الدكتور بو مشعل اقصد ابوك طالبني بمكتبه ..

مشعل عقد حواجبه ابوه هذا اللي ماحسب حسابه : غريبه وش يبي ..؟

نجلاء : هذا انا بروح واشوف ..

مشعل : يله بطلع معك

نجلاء بهدوء: لا ااا مايحتاج ماني بزر وانا واثقه من نفسي ..

تركته وراحت مشعل عض شفايفه ندمان على تفلسفه ..

نجلاء قلبها يدق بقوه وقفت عند باب الغرفه قبل لاتدق الباب اخذت نفس (( لاتنصدمي باي شي يا نجلاء حتى لو طردوك بس ابغى اثبت براءتي من هالكذب يالله كاني متهمه ))
بشجاعه دقت الباب ودخلت بعد ماسمعت صوت بو مشعل : تفضل ...

مشت بخطوات ثقيله بداخل المكتب الواسع

بو مشعل عقد حواجبه : نعم ..؟

نجلاء بلعت رريقها مشعل ماخذ من ملامح ابوه الكثير : انا دكتوره نجلاء من قسم القلب وال

بو مشعل قاطعها : آآها انتي نجلاء ..

نجلاء مسكت قلبها من الخوف طريقته وهو يقول نجلاء ماتبشر بالخير : ايوه

بو مشعل ترك اللي بيده : تفضلي ارتاحي دكتوره نجلاء والا حابه اقولك نجلاء كذا

نجلاء استهزاءه ماريحها : براحتك

جلست وعلى طرف الكرسي ...

بو مشعل : يانجلاء انا سمعت عنك وعن المريض احمد وانا المستشف قالبينها والا بلاش اقول احسن

نجلاء بقوه مصطنعه : كل الحكي كذب وانا انظف من اللي يقولوه

كانت تبغى تضحك وكانها سمعت هالجمل بمسلسل مصري ... كانت تشوفه حكي عادي وفاضي وممل لكن هاللحين حست بقسوته عليها ...

وقف بو مشعل ومشى للكرسي اللي قبالها وجلس وهي بتذوب من الرعب .. قال بخبث وهو يناظرها : شكلنا راح نتفق يا نجلاء

ناظرت فيه للحضات مبلمه مافهمت شيقصد لكن ولثواني قصيرره ستوعب : ايش قصدك ..؟

بو مشعل : بصراحه يا دكتوره نجلاء ماتصورت ان عندي بالمستشفى دكتوره بجمالك .... لا واللي مزينك اكثر جراءتك .. عجبني للي سمعته عنك و

نجلاء ماسمعت الباقي وقفت وكانها لامسه الكهرباء وبيدها مويه : احترم نفسك ..

بو مشعل وكانه متوقع هالحركه : هههه لاتخافي انا عندي فيلا مرتبه على البحر اعطيك اجازه ونقضي فيها كم يوم وابشري بالمكان السنع بقسمك

نجلاء (( حقير .. نذل ...قذر.. حيوان .. منحط .. الخ )) كل قاموس الالفاظ القذره.. قالته بداخلها وهي تسمع جراءته : لا مشكور

طلعت من المكتب تركض ودموعها نزلت على خدها من القهر

مشعل ناظرها وانحرج من دموعها : ايش صار

نجلاء ناظرته بحقد وبعدت عنه ...

مشعل : ايش صار .. يالله شكلها متضايقه يا حياتي يا نجلاء ضايقتك ...

دق الباب على ابوه : يبه ايش فيه وش صاير ..؟

..............

نجلاء ركبت السياره حاطه ايدها على فمها تبكي

: الو سامي ..

سامي هو مع ريان بالشرطه قال بهمس يبعد عن الضابط : نجلاء ايش فيك ..؟ ايش فيه صوتك ..؟

نجلاءوهي يبكي بقهر: سامي انت واثق فيني ..؟

سامي ناظر الشرطي وهو ياخذ ريان لتوقيف : نجلااااء وش هالكلام ترى مو فاضي لخرابيطك

نجلاء صرخت فيه وهذا مو طبعها : ساااااااامي انت واثق باختك والا لا

سامي خاف عليها هذي مو نجلاء: نجلاء اكيد واثق فيك ..وش صاير

نجلاء: تعاااال للبيت هاللحين .. ابغاك ضررروري ..

سامي طاح قلبه : نجلاء تكفين ماني ناقص وش فيك ..؟

نجلاء : قايلوا علي كلام ماصار كله اشاعات والله يكذبون ...

سامي : وش كلامه ..؟ ومن قال

نجلاء اخذت نفس : بالمستشفى ..

سامي: نجلاء انتي وين فيه هاللحين .؟

نجلاء: انا بالسياره راجعه للبيت ...

سامي : لاااا لاترجعي للبيت روجي لستار بوكس اللي بالشاطي وانا جائي ...

نجلاء بلعت ريقها : اوكيه ..

سكرت وهي تتمنى يكون سامي عنده الحل ويصدقها قبل لا ريماس تتفلسف ..



*************************************
عشاق من احفاد الشيطان ... روايه رومنسيه ... خياليه
*****************************************


وعود وندى ونور وهواجس فالينها رقص وناسه مبسوطين لوعود ....

والجده عاد شي ثاني اخذت ملفعها ورقصت وهم ميتين ضحك ...

كانوا متفائلين بهذا الزوج لكن بعد زعلانين ومتضايقين على هواجس اللي تهز خصرها بالمصري ولا هامها شي ...

نور: ندووش قومي معي

ندى تاخذ نفس : خلااااص تعبت ...

وعود : تعبانه والا تفكري بالنتيجه

ندى: لااااا النتيجه هههههه نسيتها .. وهذا رقصه بعد علشان النسبه الحلوه ههههه

هواجس كانت تضحك وترقص ودقات قلبها سريعه مو من المجهود اللي عملته لا كانت خايفه من بكره وش مخبيلها فيه


*************************************
عشاق من احفاد الشيطان ... روايه رومنسيه ... خياليه
*****************************************

سجى طول وقتها كانت بالبلكونه حق غرفة ربى تناظر عنر اللي جالس مع ربى ويسولف بالحديقه ... كانت تناظره مسحوره فيه ...... وبحركاته وهو يعدل الشماغ كل شوي .... وطريقته باكل العلك ... وضحكته العاليه ...

: جعلي مانحرم من هالضحكه يارب ...

دق منبه الساعه اللي بغرفة ربى ... سجى قامت بسرعه تطفيه لانه مزعج ..
وقفت عند الكومينه شافت صوره لها مع ربى وهم بالملديف كانوا راكبين الفيل ..
حست بقلبها ينقبض ورفعتها بتردد كيف نست ربى ... ربى اختها الكبيره الحبوبه ....
اختها اللي زواجها بعد كم اسبوع على عمر .. عمر اللي تناظره وهي ميته على حركاته ... كيف تنساها ... شلون تتعدى الخطوط الحمراء

جلست على الكرسي بضعف وهي ماسكه الصوره بحنها ....
ربى حبيبتها واختها تبيعها علشان مشاعر غبيه لعمر ...... اللي بيكون ابو عيال اختها وهي خالتهم ...

ضربت راسها بخفه (( كيف كنت افكر ... امس بس حبيته .. بيوم وبلحضه حكمت انه بيكون سبب سعادتي ... غبيه جد غبيه ...بس بنظره وحده من عيونه قلت هذا حبيبي ... لا ومعجبه فيه واتمقله بكل حقاره وهي بجنبه ))

حطت الصوره بهدوء وايدها ترتجف .. سكرت الباب وركضت لغرفتها ...



غطت نفسها بالبطانيه ومايبان منها شي ... فكرت بجرم اللي كانت تعمله وناويه عليها

دق جوالها بنغمه رومنسيه .. رايقة...وكانت اغنية انجليزية لرونان اسمهاall over again ... انتشر صوتها بالغرفه

سحبت الجوال من الطاوله وناظرت بالرقم وهي لحد هاللحين تحت الغطاء ..(( استاذ تركي .. يتصل بك ))

ردت بتردد وهي تكره هذي الحركه تحاكي رجال : آلو

تركي سكت كان صوتها ناعم وهادي (( يا حلو هالصوت ))
بصوته الخشن المبحوح : مرحبا فنجان قهوه ..

سجى كانت بتضحك حلوه هذي فنجان قهوه لكن مسكت نفسها : ايوه . في شي استاذ تركي

تركي فكر بصوت مرتفع : انت صوتك كذا والا منعمته ...؟!

سجى سكتت شوي تستوعب اللي قاله صوتها فيه شي مو حلو ...

تركي مسك فمه كيف قال لها كذا هاللحين كيف بيشبكها ...؟

سجى ضحكت : لا مو كذا لكن انا تحت البطانيه ... هاللحين ..؟!

تركي : اسف ازعجتك كنتي نايمه

سجى (( هذا شكله ناوي يسولف ومطولها مع وجهه وين الاستاذ ..؟ )) قالت بجديه : استاذ تركي في شي مهم ...؟

تركي (( لاااا وش فيها قلبت )) : نعم سوري ماسمعتك .؟

سجى : اقول اذا في شي ضروري حاب تقوله عن مقالاتي الجديده ..

تركي توهق ورفع الورقه اللي طبعها لمقالها الاخير علشان الجريده : ايوه هو .. انا ملاحظ ان كلامك قليل .. يعني ماتفصلي كثير


مايدري وش قال وكان بيضحك على نفسه (( وش فيك ياتركي بس سمعت صوتها صرت تقلب بالحكي ))

سجى استغربت ورفعت الغطاء عنها : قليل بالعكس انا اكتب لحد مايمتلي العمود والمعلومات مو بكثرتها بقيمتها

تركي : ايوه انا معك بس - توهق مره ثانيه – بس كنت اقول لو تشرحين اكثر يكون احسن ...

سجى : اوكيه براجع كتباتي وب

قاطعتها ميري اللي فتحت الباب بسرعه وقالت بحماس وهي تصرخ :: ســــــــــــــــــــــــــــجى

سجى بعدت السماعه بسرعه وغطتها بيدها تضن ان تركي مايسمع : وجعه يالغبيه فضحتينا ...

ميري عقدت حواجبها : انسه سجى هذا بابا يجي من شرقيه ..

سجى : يالغبيه ضفي وجهك ..

ميري بحماس : هذا يجي فستان انت من لبنان

سجى كانت بتصرخ لكن تذكرت تركي : سوري استاذ تركي انا مش

ماقدرت تكمل لانها سمعت صرخت ربى وهي مررره متحمسه : ســــــــــــــــــــــــــــجى ســــــــــــــــــــــــــــجى وصلت الفساتين من بيروت ...

سجى كملت هذي بعد ..: استاذ تركي انا مشغوله هاللحين احاكيك بعدين

تركي اجل اسمك سجى : اوكيه سجى مافي مشكله

سجى تلف وجهها عند ميري و ربى نفسها تقتلهم : اوكيه باي

سكرت السماعه وقالت لهم معصبه : فضحتونا مع الرجال

ربى تخصرت : اي رجال بعد ..؟

سجى بقهر : نائب رئيس تحرير الجريده ...

ربى طنشت وقالت بوناسه : بسرررررررعه قومي شوفي الفستان علي يالله متحمسه البسه ....

سجى نست وصرخت مبسوطه : فستان زواجك وصل

ربى : وانا وش اقولك من الصباح

سجى : على بالي فستاني وفستان ماما ...

ربى وهي تمشي بسرعه لدرج: يللللللله هم تحت

سجى لحقتها تركض

ربى وقفتها بنص الدرج : يوووه سجوي كنت بنسى عموري تحت البسي عبايتك

سجى بس اسمعت اسمه ارتبكت وخدودها حمرت وقالت بحياء : جد تحت ..

ربى مانتبهت : ايوه البسي والحقيني

رجعت سجى لغرفتها متردده تنزل والا لا .... لا تخاف تفضحها عيونها وبعدين لازم تبعد عنه علشان ماتطور مشاعرها ..
كل هذا التفكير رمته وراها وهي تاخذ اكشخ عبايه عندها وتلبسها مع غطاء شفاف علشان اذا تلثمت يبان وجهها ....

نزلت تتمخطر من الدرج وعيونها تعلقت بعيون عمر اللي ماسك ظهره من التعب وشكله رافع الصناديق لداخل ... وربى على الكنبه تطلع من الصناديق بحماس ...





سجى خافت تطيح من نظراته كان يناظرها بتامل وهي يبتسم ويااااااااحلو ذيك الابتسامه على وجهه السموح

عمر كان يناظرها وهو مبسوط بنزلتها اول مره تجلس معه بعبايتها بالعاده تقول انها تستحي وماتحب .. قال لاشعور لما وقفت عند اختها : كيفك سجى ..؟

سجى علومها علوم بذيك الساعه قلبها وصل لحلقها وحست بالحر فجاءه ناظرته وبعيونها لمعه مميزه : كويسه وانت كيفك ..؟

سجى (( معقوله انا نطقت بهالكلمات كان قلت كويسه واكلت تبن لازم اسال يعني )).......

عمر (( ياحلو هالصوت الناعم يالله بيبي والله بيبي .. في حد يلومني ليه احبها )) : انا كويييس وباحلى حال

ربى قاطعت نظراتهم وهي ترفع صندل فوشي بكعبه عاليه : هذا وش مجيبه

سجى سحبت وهي تناظره نفس اللي كانت تبغاه : وااو مثل مابغى هذا حقي ...

ربى : بس انت فستانك مو فوشي

سجى : فصلت اثنين ...

عمر يناظر (( وانا اشهد مايلبس هالصندل المزيون الا رجلك الناعمه ))

ربى : ليه اثنين

سجى بخجل لان عمر ذبحها بالنظرات : لملكة رياض ...

ربى : يوووووه نسيتها – لفت على عمر – عمور حياتي نسيت ملكه اخوي رياض ...

عمر بارتباك : طيب عادي

ربى : لااااااا و ش عادي متى بيمديني افصل الملكه بعد الاختبارات ...

سجى قاطعتها وتبغى عمر يناظرها مانفسها يناظر بربى ابدا .. لا وبدت تغار بعد : البسي فستان من جهازك وبعدين فصلي مكانه واحد – بجراءه كملت – صح عمر ...

عمر (( ياحلو اسمي على لسانها عمر احسه غير من صوتها ..اصير لك همر مو عمر )) : ايوه تفكير ذكي

ربى كملت تنبيش بالاغراض : ايوووه معكم حق

سجى ابتسمت وبانت اسنانها البيضاء ولمعت الكرستاله اللي فيه مثل كرستالت شموخ .. كان وجهها غير والغطاء الشفاف عليه .......(( اكيد بقصد اني ذكيه ويمدحني ))

عمر جلس على الكنبه وعيونه بعيونها وهي مثل الهبله تناظره ...(( الله يحفظك ويحميك هذي اسنان والا لولو ..))

سجى كانت تبغى تجلس مع جلسته لكن ضلت واقفه وفكرت بشيطانيه : تشربون شي ..؟

ربى بلامبالاه وهي تتفحص الاكسسوار الفجم اللي بيدها : لا توني شاربه عصير

عمر : والله ماردك ابغى عصير بارررررررد

باررررررد وكانه يقولها اشعلتي قلبي وفوادي ... هذا اللي فهمته سجى من نظرته ..: اوكيه

مشت للمطبخ وعيون عمر تراقبها ..

دخلت سجى المطبخ وفكت الغطاء وتنهدت ومسكت قلبها : راكان

راكان كان ماعنده شغل جالس يناظر كتب الطبخ مصدر رزقه : نعم ..

سجى : عصير برتغال بارررررد بسرعه ...

راكان : هاللحين

سجى احتقرته : لاااا بكره وش رايك يعني ...؟هاللحين اعملهم اثنين ...

راكان بدون نفس : طيب

سجى تخصرت : كانه مو عاجبك ..؟

راكان : لاااا ولوووو

سجى : بسررررررعه خلصنا ...

راكان بدء يشتغل ولما شافها واقفه ع راسه قال : خلاص انتي ارتاحي وانا بجيبه ..

سجى : لاااااااا اطردني من بيتي بعد

راكان: لا العفو ...بس قلت اريح لك

سجى : لا مشكور مرتاحه كذا خلك بحالك انت ...

راكاان (( مالت عليك وعلى وجهك )) : ...............

سجى ناظرت براكان وتفكيرها كله مع عمر .. لكن انتبهت بحرق بيده وكان كبير مره قلبها دق بسرعه وخافت هي ماتحب تشوف هذي المناظر ابدا ويمكن مانتنام بسببها : ايش هذا ...؟

راكان لف يتاكد تحاكيه هو والا لا .. لان صوتها نعم فجاءه : انا

سجى تبعد عيونها بتعاطف : كيف انحرقت كذا ..

راكان (( ياميي على الحساسه )) : عادي اشتغل بالمطبخ يعني طبيعي انحرق

سجى حطت ايدها على فمها : سوفااج سوفااج ..

راكان ناظرها باحتقار والله ناس فاضيه : قلتلك ارتاحي بره وميري اذا خلص بتجيبه

سجى : ومن قالك ان ميري بتاخذه انا اللي باخذه بنفسي ..

راكان استغرب من متى هالتواضع

صب العصير بكاسات انيقه : تفضلي

سجى تلثمت واخذت الصينيه معها وطلعت تتمخطر

راكان : اهااااا الظاهر انها بتدخل عن خطيبها يااااارب تتزوج وتريحني = تفكيره برياء ههههههه

سجى قدمت العصير لعمر بجراءه كانت تعمل شغلات ماتخيلت نفسها تعملها بيوم : تفضل ..

عمر دقات قلبه سريعه وتامل بوجهها من قريب وريحة عطرها

سجى ابتسمت اكثر لانه طول يناظرها : العصير

عمر انحرج وحمد ربه انها قالت بهمس ماسمعته ربى المشغوله مع الصناديق الكبيره اللي قبالها ..اخذ العصير ببط وهو متحسف تروح عنه : شكرا

سجى رمشت بعيونها : العفو

مشت لمكان بعيد عنهم وجلست بعد ماحطت الصينيه ...

ربى انتبهت في اختها : سجوي تهقين هذا الطقم بيركب مع فستاني الاورنج اللي بلبسه بملكة رياض ..

سجى ماتدري وش قالت اتها بس هزت راسها : ايوه ايوه ..

دخلت ام رياض من الباب : السلام عليكم ..

اللكل: وعليكم السلام ...

وكان ينطبق عليها دائما (( اذا دخلت الشياطين خرجت الملائكه )) .......

ربى : ماما وصل فستانك ..

ام ريا ض بهدوء وهي تناظر عمر بنص عين ..: كويس كويس ...

سجى تبغى تلفت الانتباه : وفستاني انا بعد ..

ام رياض : قلنا كويس يعني اكيد الفساتين كلها وصلت

سجى انحرجت لكن كملت ان مو هامها : ماما رياض ملك اليوم ...

ام رياض : ايوه الا ياعمر ليه مارحت معهم

عمر : انا ..؟

ام رياض : ايوه مو انت نسيبنا ..

عمر : محد قالي ..

ام رياض : اتوقع انك ولد اصول وعارف من غير لاحد يقولك ..

ربى وسجى تغير وجههم من طريقة امهم الجافه حتى مع نسيبهم ..

ربى : ماما انا الغلطانه ماقلتله ..

ام رياض لانت ملامح وجهها وهي تناظر ربى حبيبة قلبها : وش فيك نسيتي شكلك ..

ربى : ايوه ...

عمر جلس يهز رجله مو عاجبه ابدا ... لكن هانت كلها كم اسبوع ويتزوج ...

سجى (( مسكين يا عمر قهرتك امي لاتضايق نفسك .. )) ((مسكينه وعود ههه مادرت من ام زوجها ..))

ربى تهدي الجو : ماما ايش رايك بهذا الطقم

ام رياض: كويس ...

عمر وقفت : انا استاذن

ربى بسرعه : وين ...؟

عمر : عندي كم مشوار ضروري

ام رياض بتعالي: الله معك ..

طلع عمر وسجى حاولت قد ماتقدر ماتناظره لان امها اذا بس حست مجرد احساس عن نظراتهم بتقتلها ..


ام رياض: سمعتوا زوجت اخوكم وعود .. وش شروطها

سجى ((مسكينه وعود ههه مادرت من ام زوجها ..))


ربى : صحيح وش شروطها

سجى بقرف : بنت فقر وش شروطها يعني طقم ذهب لها ولامها و سياره لابوها عارفه حركاتهم

ام رياض: لااا مو كذا .. تقول شرطها ماتسكن معنا بالبيت ..

سجى ضحكت ضحكه عاليه بستهزاء: هههههههههه جد بنت فقر ومن قال لها ان رياض ساكن معنا

ام رياض : مادري .. اسمعوا لاتجيبوا طاري عن كاترين سمعتوا ..

ربى : هي ماتدري..؟

ام رياض: لا كم مره بعيدها يعني .. ورياض منبه علي مايدرون .. لاتزوجها يصير خير ..

سجى بابتسامة نصر : مسكينه على بالها اول بخته هههههه

ربى : حرام مسكينه

ام رياض: ياجعلها تنسيه هالمسيحيه هذي ..

ربى بفزع : ماما حرام عليك لاتكفرين مسلم

سجى (( لو انا قايله حرام عليك كان ذبحتني ))

ام رياض : حرمت عليك الجنه ان شاء الله وش حرام ذي عاهره مادري من اي زباله جابها

سجى وربى سكتوا بعد الدعوه المحترمه .. ربى طارت كل فرحتها بفستانها اللي مابعد جربته ...
__________________
.

[shady]

*************************************
عشاق من احفاد الشيطان ... روايه رومنسيه ... خياليه
*****************************************

ريان بداخل السجن يناظر واحد هندي معه بالتوقيف لعن شموخ مليون مره .. قرفان حياته بالجلسه هنا ...

لا ومعي هندي بعد ... انا اوريك اذا طلعت شغلك عندي يا نسه مشاكل ... جد حيوانه وانا اللي خفت عليها ..... قال ايش قال ترجاني وبوس ايدي ... ماعاد الا هي .. والا اقطع ايدك مو ابوسها .. لكن والله مايجي الفجر الثاني الا وانا طالع من هنا ))

وعلى هالحرق الاعصاب اللي بداخله ونفسه بسيجاره لكن فتشوه واخذوها منه ....

ياريان انت تلعب مع مين هذي بينك ...


*************************************
عشاق من احفاد الشيطان ... روايه رومنسيه ... خياليه
*****************************************

اليوم الثاني

ام ريان : ايوه هذي الغرفه السنعه وش زينها

شموخ : آآف اقرفني جو الجبيل هنا احسن .. ناظري وش زينها الغرفه ولو ان الوانها مره بايخه

ام ريان:لا والله بينك شوفي وش زينها ...؟

شموخ : تمشي الحال بهالكم يوم ..


تمشي الحال ياشموخ والغرفه كانها جناح ملكي .. الثريات ماله سقفها والسجادات الايرانيه معبيه ارضها والمفرش اللي هي نايمه عليه كانه حرير .. وطقم الكنبات اللي بالغرفه المفتوحه عليها كل واحد احلى من الثاني .. اللوان البيج والبني الفخم يغطيها ...

ام ريان : خليني احاكي صوفي اشوف وصلت الفطاير والحلويات ..

شموخ : ايوه تاخروا ولاتنسي الورد ابغى الغرفه كلها ورد بينك ماما ..

ام ريان : ايوه اكيد..

شموخ : ولاتنسي كمان الشوكلاتها مابغاها الا من باتشي وشوكلاين ..

ام ريان : ابشري ..

شموخ : والبايسن مابغاه بلعب ابغاه بقزازة ..

ام ريان: يووه البايسن وصل يابينك ليه ماحكيتي من قبل ..

شموخ : وصل ... روز روز ...

روز وقفت عندها بسرعه : Yes

شموخ : ارمي كل كرتين البايسن هاللحين

ام شموخ : ليييه ..؟

شموخ : ماما كيف شكلنا والبايسن بعلب ...

سخيفه شموخ صح بس هذا تفكيرها ...

ام ريان : عادي حنا كذا كذا حاطينه بكاسات سنعه ..

شموخ : اها اذا كذا خلاااص ... بس هذا انا اقولك ...اذا ماجابوا الورد ...مثل اللي طلبت والله لارميه ..

سامي كان واقف من زمان : انتم تجهزون لحفله والا زيارت مريض ... هذا اذا فيه مريض شموخ ليه جالسه لهاللحين اللي يشوف يقول م

قاطعته شموخ : اووه سام واللي يعافيك اللي فيني مكفيني .. روووووووز جهزتي الملابس اللي قلتلك ...

سامي (( والله اشك انك امس ماكنتي قادره تتحركي ))

ام ريان: هلا والله بسام

سامي : لاهيه مع بنتك ولدك مرمي بالسجن

ناظروا شموخ ...

شموخ ببرود : لاتناظروني كذا لو بايش مستحيل اتنازل ..

اندق الباب

سامي فتحه شاف وحده بغطاءه واقفه ومستحيه منه ..
سامي بدء يتميلح ابتسم: هلا بغيتي شي

: هنا شموخ اقصد هذي غرفة شموخ فارس ..

سامي : ايوه تفضلي ..

وقفت كيف تدخل وهو فيه ...

ام ريان : من ..؟

سامي : زيارااات

ام ريان راحت عندهم تشوف مين ..

: هلا خالتي ..

ام ريان: هلا والله ريهام حياك ادخلي ..- بحده – سامي رح تحت ..

سامي يناظر بالبنت : افا ليه

شموخ بضجر: ساااام ..

\سامي طلع وهو مبتسم ..

شموخ مالها خلق ريهام : هلا ريهام حبيبتي تفضلي

ريهام بحماس فتحت وجهها : بسم الله عليك بينك والله خفت لما قالت لي نجلاء ..

شموخ ناظرت بامها بعصبيه يعني نجلاء ليه تتصرف على كيفها : تفضلي ..

ريهام حطت صحن الحلى من مخبز عادي: ماتشوفي شر

شموخ : الشر مايجيك

ام ريان: ليه كلفتي على نفسك ماله داعي ..

ريهام: لا والله عادي – بخجل – لوئي اشتراه لي

شموخ لفت وجهها (( بدينا بهالحركات )) : ماعنده ذوق اقصد مو مره ذوقه مثل ماتقولي انتي انه بطران

ام ريان تغير وجهها من رد شموخ وغيرت الموضوع وهي تفتح الحلويات : تفضلي يابنتي


ريهام انحرجت من كلام شموخ لكن مثل العاده بطيبتها ما حكت شي .. وابتسمت لام ريان : مشكوره خالتي ..

وانهلت الزيارات وحده ورى الثاني صديقات امها اغلبهم ...

شموخ بهمس لامها : بنت اللي مافيه خير ماجاءت تشوفني

ام ريان : صح غريبه

شموخ ك ولا غريبه ولا شي من يومها تكرهني

قاطعتهم وصال بنت صديقة امها وهذولا لهم مركز اجتماعي مهم وهي بعمر شموخ : بينك ام رياض ماشبعتوا من بعض

شموخ بغرور ودلع زايد : لااا مو كذا هههههه

عبير بنت صديقة امها الثانيه : ياحياتي والله طالعين تنبسطوا تمرضي كذا

ام وصال : الجو يغير ...

ريهام كانت جالسه ساكته مو جوها .... ناس شايفه نفسها تناظر غيرها بتعالي حكيها عن اخر الملابس والاكسسوارات ..والموديلات الحديثه .. صحيح ان مستواها مايقل عن اي وحده فيهم لكن امها بسيطه وربتها على البساطه ...

شموخ : انتي عارفه الجو متغير علي وبشرتي تتحسس ..

عبير : اجل مانبسطتوا

ام ريان: لاااا انبسطنا بالمره ..

وعلى هالمنوال ...



*************************************
عشاق من احفاد الشيطان ... روايه رومنسيه ... خياليه
*****************************************


هواجس : بسم الله – اخذت نفس وقعت –

بو هواجس ابتسم باسنانه المسوسه : مبروك مبروك ..

طلع بالدفتر مثل المهبول ..

هواجس ناظرت امها وعود ونور وندى وعمتها وكانهم بعزاء مو بزواج .. بعكس ملكت وعود امس : ليه تناظروني كذا زعرطوا

محد كلمها والدمعه على اهدابهم ...

هواجس بعصبيه : ليه ساكتين ...؟ زعرطوا ..
غطت وجهها بيدها وبكت بقوه ...

نور سحبت ملاك و طلعت من الغرفه بسرعه ..وهي تبكي

وعود ونور ضموا هواجس يصبرونها ويهدونها وبكوا معها

اما امها كانت تبكي من قلب : حسبي الله عليك ياسعيد حسبي الله عليك ..

ام نواف : ساره استغفري ربك ..

ام هواجس بقهر تاشر على صدرها : قاهررررني قاهرني .. الظالم ..

ام نواف: تعوذي من الشيطان وانا اختك تعوذي من الشيطان

ام هواجس : آآآآآآآآآآآه آآآآآه ياقلبي عليك يابنيتي ضيع شبابك ..

ندى ناظرت زوجة خالها كيف منهاره (( ليه خالي يسوي كذا علشان الفلوس )) طلعت من الغرفه وهي متضايقه وراحت لنور المطبخ تصبرها ...

بعد نص ساعه

دخل بو هواجس : وش فيكم كذا ..؟ وجيه تجيب الهم .. وانتي قومي اطلعي رجلك يبغى يشوفك ...

هواجس بفزع : ليه ..؟ مايحتاج بكره بسافر معه مايحتاج يشوفني

بو هواجس: اقول قومي بس قومي بلا كثرة بربره

هواجس مسكت بوعود اكثر : لااا ماني بطالعه بكره يشوفني ..

بو هواجس مشى لعندها وسحبها من ايدين وعود : قومي بلا مياعه ..

ام هواجس: اتركها قالت بك

سكتت وهي تشوف النظره من عيونه .. نظره تعرفها عدل وتذكر الالم بعدها ..: هواجس اميمتي انتي قومي مع ابوك

ام نواف ما تبغى تدخل لان اخوها بالموت رضى لها تدخل بيته اليوم ..

وعود : خالي اتركها على راحتها

هواجس سحبت ايدها منه : مابغى ..

بو هواجس جرها من ايدها لحد ماطاحت على الارض وهي تبعد عنه وتبكي جرها من شعرها : تعالي بس تعااالي ..

نور سكرت باب المطبخ بقوه وهي تضم ملاك ماتقدر تسوي شي مابيدها حيله ...

ندى سكتت وقلبها يتقطع على بنات خالها .. خالها اللي تكرهه ...

...................

هواجس دخلت المجلس الصغيره ودموعها على خدها وشعرها الاحمر المميز معفوس .. كانت لامته فوق من شد ابوها نزل .. كان شكلها مبهدل

بو ماهر ابتسم وهو بيموت طارت عيونه عليها احلى من هذيك البنت هذي غير شعرها عنابي على احمر ...ال طويل مره .....وخدودها حمراء مع بياضها الصارخ

هواجس كانت تشهق من القهر والظلم ..كانت مطنشه وعادي عندها لكن لما طاح الفاس بالراس حست بالمصيبه لا وبكره بتكون معه لوحدها بيسافر فيه ... شهقت اكثر ..

بو ماهر : ليث تبكي ...؟

هواجس ناظرته وحست بالمصيبه جد ..حتى سين ماعنده لاااا هذا الانتحار بنفسه ...

بو هواجس : خلاص انقلعي ..

طلعت هواجس تركض للغرفه اللي فيها اعز الناس على قلبها ..

امها ستقبلتها بالاحضان ...

هواجس سكتت فجاءه وصارت تضحك بهستيريه ...: ههههههههههه
ناظروا بعض اكيد انجنت ...


ولان الشقه صغيره سمعوهم نور وندى وطلعوا بسرعه يشوفون وش السالفه ..

هواجس تمددت على الارض من كثر الضحك : ههههههههه

ام نواف: بسم الله عليك وش فيك ...؟

هواجس جاءت بتحكي ضحكت اكثر : هههههههههه

سكتوا وهم خايفين ...الا ملاك ضحكت مع ضحك اختها : هههههههههه

بعد دقيقتين بالضبط سكتت هواجس وعلى وجهها ابتسامه عريضه : تخيلوا ههههههه ماعنده سين ههههههههه قالي ليث تبكي ههههههههههههههههههه

ناظروا يبكون والا يضحكون تكابر وهذا طبعها من صغرها ..

ندى تسايرها : هههههه ايش قالك

هواجس ماسكه بطنها وتكلمت مثل العجايز : ليث تبكي ..هههههه

*************************************
عشاق من احفاد الشيطان ... روايه رومنسيه ... خياليه
*****************************************

ريان : هذا تسميه اكل ..

رفس الصحن برجله ..

الشرطي : ايش هذا ..؟ هذي نعمه خاف ربك ...؟

ريان : اقول شل قرفك عني ودني لضابط حقكم ابغى اعمل تلفون ضروري ...

الشرطي رفع الصحن وساعده الهندي يرفعون الاكل على الارض : اذا احترمت نفسك خليناك تحكي مع الضابط ...

ريان : انت هييييه ودني لضابط لاعلمك من ريان ...

الشرطي باحتقار واضح : سبحان الله خلق وفرق .. من يصدق ان سامي اخوك ..

طلع وتركه

ريان صرخ بانفعال : والله انك زبال لكن انا اللي بربيك يالج.... ... الله يلعنك ياشموخ بس اطلع من هنا واوريك شغلك عدل ..


بعد نص ساعه صرخ عند القبضان : انت هييه يا شرطي ابغى احكي تلفون ضروري

جاء الشرطي نفسه : خييير

ريان بنفس شينه : سمعتني ابغى احكي تلفون ..

الشرطي فتح الباب : والله لوما سامي غالي كان تركتك هنا

ريان احتقره ودخل على الضابط ...

ريان: لو سمحت ابغى احكي تلفون ضروري

الضابط : لاتعب نفسك اخوك سامي مابيده شي .. ماعندك الا تتنازل بنت عمك ..

ريان بنفاذ صبر : ممكن تلفون

الضابط : تفضل

ريان دق ارقام سريعه ..

منى : الو ريان وينك من امس ادق عليك جوالك مقفل

ريان بعصبيه : هلا حياتي انا بالشرطه

الضابط احتقره يحكي مع خويته ..

منى بخوف: الشرطه ليه

ريان: مشكله مع شموخ شفتي كل هذا علشانك حبيبيتي

الضابط توه بيحكي الا ريان مد ايده له يعني انتظر ..

منى: ياقلبي وش عمله معها

ريان : مو وقته انتي هاللحين طلعيني من هنا باي طريقه ..

منى بسرعه : حاضر حاضر

ريان قالك يدلع عليها لكن بثقل : والله ياحياتي الجو مره عفن وقرف ماني قادر اجلس ثانيه ..

منى: اوكيه هاللحين اتصرف

سكر ريان ولف على الضابط

الضابط كاره ريان واخلاقه الشينه : لاتحاااول مالك الا بنت عمك

ريان تفل بالارض وكان يتفل على شموخ : تخسي اترجاها ..

الضابط عصب : انت وين جالس ها ..؟ يا شرطي خذه من هنا ..

ريان احتقره وعلى وجهه نظرات استهزاء : دال طريقي

طلع ..

بعد ساعه

الشرطي : ريان تعال

ريان من غير لايناظره : خير

الشرطي بدون نفس : بتطلع

ريان وقف ورجع اللون لوجهه :. كويس

مشى لعند الضابط وقع بتعهد وهو رافع راسه وكل ننظرات الانتصار والاحتقار على وجهه ...

الضابط ماتكلم معه كثير لكن نفسه يبكس وجهه جد الواسطات لهالاشكال الفاشله ...


*************************************
عشاق من احفاد الشيطان ... روايه رومنسيه ... خياليه
*****************************************

دق الجوال نغمة نوكيا الممله ..

رفعت نجلاء عيونها على الشاشه من امس مانامت مع ان سامي حاول يهديها ويعطيها ثقه بنفسها لانها جد برياءه لكن فيه نار وقهر يحترق بداخلها واللي زاد عليها حركة بو مشعل يعني جد بتسلم على الدكتوراه والدراسه اللي تعبت عليها ..

شافت اسمه ينور الشاشه بكت اكثر (( احمد يتصل بك ))

انتم معي تتخيلوا وحده عمرها 27 سنه محافظه على نفسها وسمعتها وماتلقي وجه لعواطفها وتمش وراها ... حتى مع احمد كانت ماتتعدى الخطوط الحمراء اللي حطتها لنفسها

دق جوالها بنغمة رسايل موسيقى بسيطه متقطعه ..
رفعته ..
(( مساء الخير ..
كيفك ..؟ يارب ماتكوني تعبانه ..
امس واليوم ماشفتك عسى المانع خير ... واذا كنتي لهالحين بالشاليهات لاتنسيني وانتي تناظري البحر امزح هههه ..
مادري وش اكتب بس فقدتك ))

المرسل : احمد ...

الرساله حركة المشاعر القويه لها ...
نجلاء ضمت الجوال تبكي : لو تدري ياحمد وش قالوا عنا وحنا ماجلسنا سوا الا ا سبوع قتلوا مشاعرنا قبل لاتنولد ...

دق جوالها وخافت من هزته بيدها بعدت شافت رقم مشعل ..مالها خلقه .. لكن حرام كان حبوب معها .. لا ماتبغى تحكي مع احد وبالذات هو بعد حركة ابوه الماخه ...

دق حوالي اربع مرات ويدق لحد ماينقطع كان مصمم

بعدها رسل رساله ...(( نجلاء ردي علي ... لازم تكوني قويه وتداومي ولا يهمك احد ))

نجلاء: ماقدر يا مشعل ماقدر .. انت ماتعرف عن ابوك وش قال ..؟

رجعت قراءت رسالة احمد وكانها تقراءها اول مره ..


*************************************
عشاق من احفاد الشيطان ... روايه رومنسيه ... خياليه
*****************************************

سجى دق الجوال بصوت مزعج ...

حطت راسها على المخده تبعد الصوت عنها ...

رجع الصوت مره ثانيه : آآآآآآآآآآآآآآآآآآآآآآآآف

ردت من غير لاتشوف مين : خيييير ..؟

تركي : الو ..

سجى صوت مبحوح وخشن ناظرت الشاشه ..استاذ تركي ..: الو ...

تركي : ازعجتك ..؟

سجى تاففت : لا يارب يكون لشي مهم ..

تركي : بس حبيت اقولك ان مقالك مانزل اليوم ..

سجى فتحت عيونها : ليه..؟

تركي : لان في خربطه بالجريده ومشاكل

سجى عدلت جلستها بسريرها : وانا وش دخلني بالمشاكل يكفي اني ماخذ مقابل ...

تركي : مقابل .ايوه صح انتي ماينصرف لك شي .

سجى وقفت للحمام : ايوه ماخذ شي معقوله ماتعرف ..

تركي : لا.. عارف ..بس انتي اول مره تحكين ليه ساكته

سجى فتحت المويه : لاماني محتاجه لقروش ...

تركي اذا حابه اعطيك اقصد نعطيك مثل الباقي مافي مشكله ...

سجى : استاذ تركي ياليت ماتدق مره ثانيه الا لشي ضروري جد مثلا احترقت الجريده ...او انفجرت انابيب الشرقيه

تركي استغرب من ردها : ها...؟

سجى : يعني امسح رقمي من جهازك ولا عاد تدق ..
سكرت الجوال ماتدري كيف عطته الرقم اصلا وخانت عمر ...

ابتسمت لوجهها بالمرايه وهي تناظر لمويه تنزل منه : اييه يا عمر وش سويت فيني ماهمتني ربى المهم انت ..

نزلت تحت ورايقه للمشاكل مع راكان .. لكن شافت شي وقفها بمكانها


*************************************
عشاق من احفاد الشيطان ... روايه رومنسيه ... خياليه
****************************************
__________________
.

[shady]

الفصل الحادي عشر


نزلت تحت ورايقه للمشاكل مع راكان .. لكن شافت شي وقفها بمكانها

شافت الدنيا مقلوبه تحت طاولات اعراس والشغالات ماسكين شراشف كشخه يرتبونها على طاولات والجو كان جنان بالقصر ...


الشموع بكل مكان وكل شغالات القصر موجودين ..كانهم نحلات بلبسهم الابيض والوردي ..

ام رياض تمشي بين الطاولات ..و .. وراها الشغاله بالدخون : سجى وش فيك لابسه كذا بسرعه تروشي والبسي عبايتك على المشغل على طول ..

سجى فتحت فمها : ماما ايش فيه ..؟

ام رياض : انتي البسي واجهزي ويصير خير

سجى فكرت : ليكون اليوم ملكة رياض ..؟

ام رياض بعصبيه : سجى وبعدين معك اذا مانتي برايقه تروحي للمشغل ربى معها بنات المشغل روحي يسنعونك –وهدت صوتها – مع انك مفروض تكوني اليوم مميزه

سجى طلعت الدرج (( اكيد اليوم ملكة رياض وهم عاملينها بالرياض وبعد الاختبارات بالشرقيه ... واضحه حركات ماما انا اليوم مفروض اكون مميزه علشان تزوجني بعد مازوجت ربى ... لكن انا مستحيل اقبل بغير عمر .. لا وش هالافكار الغبيه .. ليه غبيه واضح ان عمر يميل لي .. نظراته امس ت))

قاطع تفكيرها متعب هو متكشخ بالثوب وكانه عريس وبيده البشت او المشلح .. قال باستعجال : السلام

سجى استغربت وين طالع بالمشلح لايكون جد ملكة رياض والا يمكن متعب ..

متعب ضربها على كتفها بقسوه خاليه من النعومه : قلنا السلام ..

سجى مسكت كتفها اللي صار يالمها : آآه متعب ..المتني

متعب : ههه جد خكريه

سجى مسكت خصرها : وين طالع بالمشلح لايكون اليوم زواجك ..؟

متعب تنهد : يووووووه ياليت .. هذا للوالد ..

سجى بطريقة حكي فضوليه : اجل وش القصه

متعب عدل الكبكات بثوبه : مادري امك فاضحتنا من الصباح جب الذبايح ...وكلم البوفيه .. لاتنسى الكيك ..حط النقوط ..جهزوا الديجيه .. ارفع الاغراض.. حطهم جوا لاااا احسن برى ..

سجى: نقوط ..؟؟ يعني جد اليوم ملكة رياض يالله لازم اكشخ ..

متعب فتح الاصنصيل : باااااااي

سجى : متعب ويقول باي لا جد اليوم فيه شي هنا بهالبيت ..؟

دخلت لغرفتها وتروشت على سريع ..طلعت واخذت عبايتها بسرعه لعند السواق : بسرعه لمشغل ال......

............................

ربى دخلت للمطبخ : راكان راكان ...

راكان : نعم ..

ربى مدت له صور : اسمع هذي الصور جهزهم للكيك ...

راكان ناظر بالصور ((وع صور سجى )): حاضر ...

ربى باكبر ابتسامه : ابغاهم حلوين عاد

طلعت ربى
وهي مليون فكره براسها تجهز لسجى ..

راكان ناظر بصورها (( حلوه بالشكل لكن من جوا زباله ))


*************************************
عشاق من احفاد الشيطان ... روايه رومنسيه ... خياليه
*****************************************






سامي

دق الجرس وهو ينتظرعند الباب وطفران نفسه يحس انه فاقد هبال البنات هذي الايام ... (( والله الملاعين كانوا معطيني جو ..هههه ))

جاءه صوت مستعجل وطفران من ورى لباب : مييييييييين ..؟

سامي : شمس افتحي انا سام ...

شمس فتحت الباب وهي لابسه بلوزة شباب المنتخب وبنطلون جنز ..: اووه بو السوم عندنا من وين طالعه الشمس .. تفضل تفضل ..

دخل سامي وهو يضحك على شكلها

سامي : هههه وش لابسه يالهبله ..؟

شمس بعصبيه : احترم نفسك ها .. بعدين انا خالتك شمس مو شمس كذا ...

سامي : اقول ابعدي عن وجهي يالعربجيه ...

شمس تعدل البلوزه : آحم آحم وكلي فخر ...

سامي : هههه ليه لابسه بلوزه سلطان ...

شمس : ومن قالك انها بلوزة سلطان النحيس ... هذي انا شاريتها من مصروفي الخاص ..

سامي : لاااا وكم المقاس عساك ماتعبتي تدورين

شمس : لااا المهم انت وش عندك اليوم راز الوجه ..

سامي : ابغلا ريماس وينها

شمس : ريماسوه فوق بغرفتها ولا تقولي اناديها لاني بختصار وحده تشجع المنتخب واليوم مباراتهم الحاسمه ..

سامي جلس لان شكل شمس ناويه تهذره وماتقوله يرتاح ..: وكيف النسبه حلوه

شمس : اكيد بتكون حلوه تعبت تقطعت بالمذاكرررررررره .. وناويه على مصر ...

سامي: مصر ...؟؟؟؟

شمس : ايوه بكمل دراستي بمصر لان يابو الشباب مثل مانت عارف انا اموت بالمحاماه وهالسوالف وابدرس هناك ..

سامي باستهزاء: ايوه هين انتي الاداب ويخب عليك ..

شمس: بتشوف والله ...- وقفت عند الدرج وصرخت – رييييييييييييييييمووووووووووسسسسسس .. ريموس تعالي ...

ريماس نزلت وبيدها كتاب : ليه الصراخ ..اوه سامي هلا

سامي : هلا فيك .. بغيت بموضوع ضروري

ريماس عارفه الموضوع حطت الكتاب على الطاوله : نعم ...؟

سامي ناظر بشمس : شموس ضفي وجهك ..

شمس : قلتلكم بهرب من هالبيت محد صدقني

تركتهم وراحت ...

ريماس بجديه : خير ..؟

سامي : خالتي انت سمعتي اكيد عن الحكي اللي قالوه عن نجلاء وانا متاكد انه موصحيح .. بس من اللي قال ..؟

ريماس بقهر : ومن قالك انه مو صحيح ..؟

سامي : كيف..؟ وش قصدك ..؟

ريماس : لا ماقص شي .. بس مانت ملاحظ انها متغيره بهذي الفتره ماهي بنجلاء اللي قبل ...من اول ماصارت بقسم القلب

سامي : لا .. بس يمكن تحب = الرجال فري ههه

ريماس بسرعه : ايوه هذا هي – مسكت لسانها – اقصد صارت تحب شغلها اكثر من نفسها ..

سامي بجديه : بسالك ريماس بالله واللي خلقك نجلاء جد الكلام اللي طلع عنها

ريماس مقهوره من نجلاء نفسها تكذب وتسود عيشتها لكن تراجعت لانه حلفها بالله ولان هذي مو اخلاقها ولا تهون عليها نجلاء ..: لا كله كذب اصلا نجلاء ماتعطي رجال وجه

سامي ارتاح وابتسم : الحمد لله ..مشكوره ريماس ريحتيني

ريماس بعد تردد كبير : وينها امس طلعت بدري واليوم ماداومت ..

سامي : اكيد بالبيت ننفسيتها بالارض

ريماس : الله يعينها ..؟

سامي : مانت برايحه لها بيتنا ..

ريماس : لا متهاوشين شووي

سامي : آفا وهذا انتم وهذا حالكم تتهاوشوا وبعدها ماتصدقوا تشوفوا بعض

ريماس : شفت ياولد اختي ..

صرخت شمس وهي تدخل لعندهم وتبوس سامي : هدددددددددددف والله هدف واحلى هدف يسلم راسك يالوجه الحلو ..

سامي : هههه الا يسلم راس الللعب اللي دخلها

شمس رجعت لمكان التلفزيون وهي تصرخ : تسلم ياياسر تسللللم .. ويسلم راسك ..

سامي : جد المجانين بنعيم ..

ريماس : رجعوا من الشاليهات

سامي : ايوه شموخ تعبانه بالمستشفى وامي معها

رياس بكره : ايش فيها بعد

سامي وقف : تدلع ..

ريماس : وييين ..؟ بدري ..

سامي : واله ياخالتي مشغول اشوفك على خير




*************************************
عشاق من احفاد الشيطان ... روايه رومنسيه ... خياليه
*****************************************

هواجس : اسمعوا دام هذا اخر يوم لي معكم بما اني آحم آحم عروس وبكره عرسي بدون حفله

ندى : ايوه اخلصي ...

هواجس : ايش رايكم نستهبل علشان اذكركم بالخير

وعود بحماس: وش نسوي ...

هواجس طولت على صوت التلفزيون وكان برنامج سيرة الحب لفوزيه الدريع ..على قناة الراي ..: شفتوا هذي والا لاطلع الشيب من راسها

نور: كيف ..؟

ندى تفهم على هواجس بسرعه : ههههه حلوه عطوني التلفون ...

وعود: ايش بتسون .؟

هواجس : خخخخشي مايخطر على البال ..

مسكت هواجس التلفون وندى تنقلها رقم السعوديه ...

نور: انا اشهد انكم ملاحيس ...

هواجس: اتركينا ننبسط ...

وعود : ايوه استهبلوا عليها .. وقولوا قصتي مع يعقوب ...

ندى تقلدها بالكلام : قولوا قصتي مع يعقوب .. – صرخت عليها – انتي متزوجه استحي على وجهك ...

هواجس: اووووووش اوووش .. اسكتوا .. (( هذي جد صارت انا وصديقاتي عملناها ^_^ ))

ركضوا وعود ونور لعند التلفزيون يقصرون على الصوت وهواجس حطت سبيكر ...

هواجس: هلا ياقلبي دكتوره فوزيه انا احبك مررره مره ..

فوزيه : وانا اكثر عيوني ...

هواجس: دكتوره فوزيه تسمحين لي اقولك ماما فوزيه ..

وعود ونور وندى بصوت واطي مره : هههههههه

فوزيه : اكيد ياعيوني ويسلم راسج والله ...

هواجس : ماما فوزيه انا احب واحد ...- سكتت تمسك فمها وتضحك -

فوزيه : ايه كملي عيوني انا وياج ..

هواجس: انا احبه لكن هو مايحس فيني .. مايفهمني ..كل الناس عرفت اني احبه حتى امي وامه وهو لا ...

فوزيه عقدت حواجبها وقالت بتعاطف : ماحاولتي تصارحينه ..؟

هواجي: دكتوره حنا بالسعوديه وين اصارحه مو مثل الكويت ...

هنا البنات تسدحوا من الضحك لان اللي معروف عن فوزيه الدريع تكره السعودين والمجتمع السعوديه ودايم تنتقده ..

فوزيه : اي عارفه انتم بالسعوديه عندكم .. مافي تعبير عن المشاعر اوو حريه للبنت ... بس هم بعد تقدرين تلمحين له . تبين له بطرق غير مباشره ...

هواجس: مايحس فيني واحسه يستاهزء بمشاعري وم

سكرت السماعه لانها ماقدرت تكمل وذابت على نفسها من الضحك ...: ههههههههههههههه

ندى ونور وعود : هههههههههههه

طولوا على صوت علشان يسمعون : الظاهر ان الخط انقطع ..مش مشكله سمعيني عيوني الحب مايعرف الاستهزاء ..او الضحك ... خذي السماعه ودقي عليه وقوليله يابن الناس انا جذي وجذي ...

نور طفت التلفزيون لان مصارينها تقطعت من الضحك

ضلوا البنات يضحكون نص ساعه ...

دخلت عليهم الجده : جعلكم الضرب وش فيكم متسدحات كذا كانكم ضبان ...

اللي قالته الجده زاد من ضحكهم ...

الجده : الله يخلف على امن جابتكم دومكم مصافيق ...

لم شافتهم يزيدون ضحك مسكت العصا وضربتهم بقوه ..

هواجس : آآه يمه سعديه هههههه آآه انا عروس ..ههههههههه

وعود: آآآآآه هههههههه
ركضت من الصاله لعرفتهم .

ندى قبل لاتوصلها الجده ركضت لسطح وهي ميته ضحك : ههههههههه

نور مسكينه كانت ذايب من الضحك ولاهي قادره تحكي او تتحرك: ههههههههههههه

الجده معصبه من جدها وتصارخ : ياقليلات الخاتمه هذا وكل وحده فيكم بيدها خاتمها وبكره تصير دبتها قدامها وتتلون مثل الضبان ... ماقول الا مالت على اهلكم اللي تاركينكم تفضحونا عند الجيران .................ااااااااااالخ ..

*************************************
عشاق من احفاد الشيطان ... روايه رومنسيه ... خياليه
*****************************************
ريان طلع من عند الشرطه وعلى طول رجع لشاليهات كان يبغى ينام ... ينااااااام وبس ..

دخل لغرفته بالشاليه ..



تنهد يبغى الراحه وبس عاش بقرف فضيع بهالليله الوعحده : اذا ماوريتك ياشموخ ماكون ريان ...

تروش على السريع وتمدد بينام ..لكن وين يجيه النوم جسمه تعان يبغى يرتاح ..بس ضل يتقلب بالسرير يمين وشمال ..غير مكانه وعكس الاتجاه مو قادر ينام كيف ينام وهو مابعد فكر بشي يدمر فيه شموخ ويكسر خشمها ... (( جد كنت غبي يوم عطيتها وجه ... لا وخايف على مشاعرها بعد ..))

غطى وجهه بالمخده : اطلعي من راسي ياشموخ ....

بعد جهد جهيد قدرينام ويغمض له جفن ...وصورتها بعيونه وصوتها باذنه ..


*************************************
عشاق من احفاد الشيطان ... روايه رومنسيه ... خياليه
*****************************************

رجعت من للمشغل وهي محتاره وش المناسبه ..؟
دور السواق مكان يوقف فيه ماحصل مواقف القصر كلها متلت واظطرت تمشي مسافه ..

نزلت ومشت وشافت عمر كاشخ ويبتسم لشباب اللي معه ... وقفت تناظره (( الله يحفظك من العين ))

راكان قاطعها وهو رافع اكياس بياخذهم للمطبخ : انسه سجى هنا كله رجال امشي لعند الحديقه

سجى لفت عليه بدون نفس : عاااارفه ..

راكان (( سبحان الله المكياج يغير الحريم كثير جد لبس المكنسه تصير ست النساء ..))

مشت سجى متاففه للمدخل الثاني من القصر علشان مايشوفها احد لحد ماتضبط نفسها

دخلت لجناحها وقفت عند المرايه تتامل فستانها الخوخي كيف طلع لونها رايق وحلو .. والاكسسوار اللي زين شعرها على جنب لان الشعر كله موجته بحيويه وجمعته بجهه وحده وبطريقه .. دلوعه ... وظهرها كله عاري ومغطى صدرها ...

والروج الخوخي مع الشدو السماوي عطاها نظاره وصفاء ..

لبست صندلها بسرعه علشان مايفوتها شي من الحفله لانها تاخرت بالمشغل ..

طلعت من جناحها شافت ميري مع شغاله فلبينييه ثانيه واقفين عند الباب .

سجى : خير ايش فيه ؟؟ليه واقفين هنا ..

ركضت الشغاله الفلبينيه لتحت ..وميري قالت بارتباك : مافي شي بس انا في نظف ..

سجى مالقتها بال لانها مشغوله بملكة رياض ونفسها تتشمت بوعود واهلها وش لابسين ..

نزلت من الدرج بثقه تحب تلفت النظار وتنزل من الدرج مو من لصنصيل ..ماتذكرم طباعها بوحده .. شموخ اكيد صحبات ونفس الشي ...


نزلت مستغربه من الهدوء اللي صار ..نزلت بخوف وش صار ..
..

.. وقفت

موسيقى عاليه ...وناس متجمعه عند الدرج عيونهم معلقه فيها .. الصاله مافيها انوار الا انوار الشموع على الطاولات .. وانتبهت بطاوله فيها شموع كثير وقويه اضاءتها ..

من تكون السندريلا ..
غيرك انتي والله انتي ...

من ملك هالحسن ..
غيرك انتي والله انتي ..

يكفي اخجلتي القمر ..
من طلعتي ماظهر ..

سجى حطت ايدها على فمها تستوعب ..طلعت لها ربى وهي تبتسم بحنان وحب : سجوي نزلي فشلتينا

سجى لحد هاللحين مصدومه : ايش هذا ..؟

ربى وهي تنزلها معها : هههه حفل تخرجك والا ناسيه انك اخر سنه

سجى بنفس الصدمه : بس انا ماتخرجت ..

ربى : تعرفي ماما حبت تنبسط فيك بدري ههههه

سجى وقفت اخر خطواتها على نهاية الدرج .. اللكل صار يصفق ..

ابتسمت سجى وكانها مشهوره وهذا حلمها.. نجمه من نجمات هولويود الانيقات ..

ام سجى عند اضائة الشموع ... اشرت لهم ..

مشوا الخوات لعند الشموع الكثير .. كانوا فوق الاربع او الخمس كيكات وكلهم فيهم صورها بحالات كثير تضحك تبكي ميل جسمها ..
.. ولها كيكه فيها صوره من صغرها .. وماعند احد الا ربى اكيد ربى اللي مرتبه كل شي

سمعت صوت رجولي صوت اخوها متعب : مبرروك التخرج ...

ناظرت من وين الصوت شافته واقف قبالها وبجنبه واحد من عيال خوالها ...واسنانه واضحه من الابتسامه العريضه ..

ام رياض : يله اطفي الشمع ..

سجى وكانت مثل المخدره امها وربى محتفلين بحفل تخرجها بالبدايه ماستوعب .....

متعب: يللله داري اني مزيون وانا اخوك ... لاتتمقلين فيني كثير ... بس يله جوعتبنا ..

سمعت صوت ضحكات كثيره عرفتها ضحكات خوالها وعيالهم هم مايتغطوا عن عيال خوالهم .....ابتسمت وطفت الشموع بانفاسها الناعمه ..
وماطفوا الشموع بسرعه ..

حامد ولد خالها : بو الهش تعال بس ننفخ ونخلص ...

متعب: ايوه مطوله شكلها ..

رياض: لاااا اتركها تطفيه هي

سجى بدلع ..: يله اطفوهم ماعرف

ضمتها ربى بقوه : ياقلبي على الناعمات ..

سجى حمرت خدودها وبالذات انها تعبت من النفخ ..

اشتغلت الانوار القويه فجاءه بعد اخر شمعه تطفت .. تلفتت حولها تشوف .. رجال وحريم .. الحفله مختلطه ... ناظرت وراها تشوف كل خوالها هنا والا لا ... ...

بو سجى : يله سجوي حبيبتي اقطعي الكيك ..


نبهتها ايد متعب الكبيره اللي مسكتها بدفاشه : يالمايعه انا بعلمك القص كيف ..؟

حامد : بو الهش ابتسم للكاميرا هههه

متعب : شييييييز

نوره بنت خالها : سكر بفمك واللي يرحم لي والديك ..

اللكل : هههه

تلفتت من يضحك .. انبسطت على المفاجاءه الحلوه ..

ماحست بايدها اللي كانت تقطع الكيك مع متعب ..كانت مبسوطه ونفسها تحضن كل اللي حولها ...

رياض اخوها ..كان يبتسم لها بعذوبه بعدها غمز بمرح ....

سجى نزلت عيونها على الكيكه وخودها حمراء ..من زمان ماشافت خوالها وعيالهم ملتمين كذا

متعب : Boxing ... صورني كويس

حامد : طيب

راكان كان بالمطبخ مع ان الخدم كانوا يدورون الشغل والفرصه علشان يطلعون ويتفرجون على البارتي .. كان مستنكر اللي يصير بداخله وبتصرفاته ..خاف من الفسق الللي هم فيه تنخفس فيهم الارض او ينزل عليهم عقاب

ولانه مايقدر يطلع من المطبخ والا بيخسر شغله لا وبيدفع 6 الاف مثل ماهو مسجل بالعقد ..

مسك صورة نور ولف ظهره عن الاشكال اللي تمر بالمطبخ ..

(( هذي البزر المغروره عاملين لها هالحفله الكبيره ... جد ناس فسقانه ...آآآه يانور وحشتيني من زمان عنك ...اوعدك باول اجازه بنزل لشرقيه .. واكحل عيونك بشوفتك ...))

دخلت ميري : روكان هذا في جهز اصير

راكان :آف هذولا مايشبعون من العصير ...

وهو بيبداء بالعصير شاف لى الاوله صور سجى اللي عملهم بالكيك : ياكرهك ..

جاء بيرميهم بالزباله بس وقف ..يمكن يقولوا له وين الصور ..؟

....... ........... ......... ....... ....... .....

سجى بعد ماقطعوا الكيكه باركوا لها بالتخرج

ابتسمت لهم مجامله يهنونها وهي مابعد تقدم اختباراتها

نوره بنت خالها : سجى حفلتك حلوه ..

سجى : شكرا ..

رحاب بنت خالها الثاني : بس غريبه شكلك ماتدرين عنها

سجى بغرور : ايوه ماما ودادي عملوها لي سربرايز

رحاب ونوره ناظروا بعضسجى شايف نفسها على اللكل ورافعه خشمها

رحاب : مستعده لملكة رياض

سجى : ايوه وصلت الفساتين امس من بيروت ..

نوره : انا عملت فستانه بره عند مصممه ايطاليه اسمها ايلي ماسون ...

سجى: آآها عرفتها ملينا وحنا نعمل عندها فعملنا عند زهير مراد

رحاب: اي لون اخذتيه ...

سجى: هههه سربرايز ...

رحاب : احس ان اللوانك معروفه ومحدده يافوشي او اورنج ...

سجى تنرفزت عرفوا لون فستانها : لاااا لاهذا ولا هذاك لون غير ...

وضلوا يسولفون سوا وسجى بالها مع عمر نفسها يشوفها بهذي الكشخه ..



نوره : ياهووه وين رحتي ..؟

سجى : ها ..؟

رحاب : اللي ماخذ عقلك

سجى: عادي سرحت شوي

نوره تناظر ربى : مشاء الله عمر خطيب ربى مزيون

سجى ارتفع الدم كله عندها لراسها وحست بوناسه وهي تسمع اسمه لكن عصبت : وانتي من وين تعرفيه

نوره : بيوم ملكتها لكن مادققت فيه كويس اما اليوم مشاء الله ماعرفته الا لما قالي حامد ..

سجى ودها تضربها على وجهها بس سكتت علشان محد يشك فيها

رحاب: لا كانه مو مره مزيون ..اذكر يوم الملكه


قاطعتهم ربى وهي تسحب سجى بذرابه ..: سجوووو تعالي شوي


لما راحت مع اختها وهي متنرفزه من بنات خالها ..

ربى : ....ايش رايك بالفكره ..؟

سجى : امم غريبه ..

ربى ناظرتها بحنان وحب الاخوه : انا عاملتها لك ..انا اللي اقنعت ماما ..مادري حسيتك متضايقه هذي الايام ودايم متوتره اكيد للاختبارات حبيت اروقك .. بس وش رايك مو حلو ..؟

سجى نزلت راسها خجلانه من ربى قبل كم دقيقه كانت تناظرها زوجها وفارس احلام اختها بجراءه وبحب وهيام ولا هتمت لمشاعرها او احترمت وجود احد ..
وربى كانت تشوفها زعلانه وعملت لها كل هالحفله ..

سجى بهدوء : جنان بس تعبتي نفسك

ربى مسكت ايدها بحماس: كل شي يرخص لك يالغاليه ..

ربى طعنتها كلمات اختها كل شي يرخص لك يالغاليه يعني عمر يرخص لها .. مستعده تتنازل عن عمر علشانها ..والا بس كذا حكي ...هي كيف مافكرت انها بتجرح اغلى انسانه لقلبها ..

تركت ايد اختها بهدوء : تذكرت موديولد خالي ماسلمت عليه باي

تركت اختها ومشت بسرعه وهي حاسه انها حشره حقيره خاينه ..دخلت لاقرب مكان كان عندها شافت عيال خوالها يدبكون على اغنية علوش ..

راحت معهم تنسى شوي ...

سجى مسكت متعب : ابدبك معكم ..

متعب: ضفي وجهك هناك كله عيال ..

سجى : محمد محمد خلني معكم

محمد ولد خالها بعمرها لكن من الشطاره الزايده لحد هاللحين بالثانويه : يله تعالي ..

مسكت ايده ويدبكون وهي تصرخ كل مانزلوا لانهم يجرونها بقوه معهم ..

محمد : اذني ياسجى ...

سجى كانت مبسوطه مره وتترقص : ههههههههه

ام سجى ..: سجى تاركه الحفله وجالسه هنا .. تعالي بيعطونك الهدايه هاللحين

عطوها خوالها وعيالهم وبناتهم الهدايه وابوها واخوانها ...

ربى : سجى حياتي

سجى ابتسمت لاختها بتوتر : هلا ..

ربى: هذي هديتي وهذي هدية عمر

سجى بلعت ريقها : عمر غريبه

ربى: ليه غريبه حرام عليك والله ان عمر يحسك مثل اخته ودايم يسال عنك .

سجى ارتبكت اكثر وقلبها صار يدق بسرعه : مشكوره واشكريه بعد

ربى: اكيد

.... .......... ...... ....... ....

بجهه ثانيه من القصر ومع الحفل



عند المدخل ..

مادلين : انا عارفه انا مابدى اياني احطر . من شان هيك قالت حكي تسملي بدني فيه ...
(( انا عارفه انها ماتبغاني احضر.. علشان كذا قالت لي حكي تسمملي جسمي فيه .. ))

رياض: ياحياتي وعمري انتي وسعي صدرك وطننشي الحكي اللي قالته ...

مادلين : لا مراح اطنش على اولتك الحكي اللي التو كبير الت تجوزت علي ..
(( لا مراح اطنش على قولتك الحكي اللي قالته كبير ...قالت تزوجت علي

تغير وجه رياض وابتسم بارتباك : ماعليك منها حياتي وتعالي نرجع للبيت قبل لاتهينك اكثر ..

مادلين ((آآآي بعرف انك مجوز علي لاتعملي حالك وتهرب.. ومابتهمني انا يلي بيهمني مصاريك .. )): رياز انت مجوز علي ..

رياض بلع ريقه وحس لازم يقولها ..: تعالي نطلع للحديقه

طلعت معه تشوف اخرتها معاه ..بعد ماجلسوا بالحديقه ..

رياض هز راسه بضعف واخذ نفس : ايوه تزوجت عليك

كاترين مثلت الصدمه وحطت ايدها على فمها : تجووووزت ..

...... ......... ....... ....... ........... ...... .......

انتهت الحفله وماصار شي ينذكر لان بعد

ساعتين طلعوا كل الرجال للمجلس وبقوا الحريم بالصاله لكن بعد ايش بعد ماشاف اللي شاف وانكشف اللي نكشف ..

اللكل طلع لغرفته ونام من التعب حتى سجى نامت من غير لاتشوف الهدايه



*************************************
عشاق من احفاد الشيطان ... روايه رومنسيه ... خياليه
*****************************************


باليوم الثاني ..

(( كل انسان به الخير والشر ..ولكن عند خروج الجانب السي والشيطاني الموجود بالانسان وكيف نكون عندما نطلق له العنان لحد تدمير الانسانيه ))



هواجس لبست عبايتها اللي اشتراها لها بو ماهر لانها ماجهزت ولا شي وعدها بو ماهر يجهزها بعدين .


على الصباح ودعت اهلها وبنات خالها الغاليات ...

نور تضمها : الله يرجعك بالسلامه ...

هواجس تكره حركات الوداع وهي السوالف : ليه تبكين لاتخافي برجع لك

ندى تبعد نور وتصضمها من قلب : لاتنسيني عند المزاين هناك .. عطيهم رقمي ..

هواجس: هههههههه انت عندك رقم علشان اعطيهم ....

ندى : مع وجهك من هاللحين تشوفي نفسك ..

هواجس: ايوه انا هواجثثثثث ..خهههههههه

ندى: هههه بتوحشيني ..يالزفته

هواجس: وانتي اكثر وسلمي على فوزيه الدريع ههه

ندى: ابشري عيوني هههه

جاء عند حبيبتها وعود وبئر اسرارها

ضمتها وعود بنعومتها المعروفه ...هواجس بدفاشه ضمتها
: اتركي عنك سوالف يعقوب والله الله برياض

وعود تبكي: ابشري ...

سلمت على امها وزوجة خالها وعوروا راسها من الوصائيه .. وملاك فضحتهم بالعماره من كثر البكي ..

بو هواجس : يله بلا تبكبك .. خلصينا رجلك ينتظرك ..

بالمطار

اول مادخلت لصالة المطار الواسعه والكبيره وصوت الازعاج ناظرت بانبهار وكانها تشوف عالم ثاني .. كانت لوحات كبيره فيها كلام كثير خمنت انه موعد الرحلات مثل ماكانت تشوف بالتلفزيون لكن الحقيقه غير .. حست دقات قلبها سريعه مكان ماتعرفه لكن مكيف وحلو ...ابتسمت بسعاده لاتوصف وماكانها اللي من ساعات كانت تبكي ...

قطع سحر المكان وجماله صوت بو مهار المرتجف : هواجث حبيبتي ... يله الطياره جاهزه ...

هواجس (( مالت عليك وعلى وجهك يالشين حتى اسمي ماتقوله عدل ..)) هزت راسها ومشت وراه

كان يمشي وعظام ظهره بارزه من البلوزه السماويه اللي ماتناسب جسمه والا البطلون الجنز شي مقرف عليه حتى ذوقه من العصور الوسطى ... كان الحزام البني اللي لابسه لبدايه بطنه شوي ويصل حلقه ..
هواجس صحيح ماكانت تشتري من المركات ولا تعرف اشهر المحلات لكن تميز بين الكشخه والقراوه ...من التلفزيون والمجلات اللي كانوا صلتها الوحيده هي وبنات عمتها للعالم ...
تذكرت بنات عمتها واختها نور ...و هي تركب درجات الطياره

جلسوا بالطياره وكانوا درجه اولى والمكان هادي مره ..ومنظم ..وهوااءه منعش .. واضح انهم بارقى الدرجات ...

اشرلها مظيف على الكراسي وعلى وجهه ابتسامه ترحيبيه ..
بو ماهر تغير وجهه وهو يشوفها تناظر المظيف وتهز راسها ..

بو مهار بعصبيه واضحه قال للمظيف : خلاث مشكور ..

الموظيف هز راسه بادب وراح لناس ثانين ..

جلست هواجس على المقعد وربطت الحزام قبل اي شي ماكانت تتخيل نفسها بتكون بعد دقايق بين السماء والارض

بوماهر ابتسم لها ونص فك اسنانه مسوس وطايح : حبيبتي لاتخافي الطياره ماتخوف

هواجس واخيرا تكلمت معه قالت بدون نفس : داريه ومن قالك اني اخاف ...

بو ماهر جمدت ملامحه شوي بس بعدها كبرت ابتسامته (( ثغيره وتدلع )): لا انا ماقول انك تخافي لكن الطيارات خوفهم طبيعي ...

بعد ماقلعت الطياره .. كانت عادي لاهي بخايفه ولاشي الا مستمتعه توقعت انها بتخوف وتصرخ وتطرش مثل الافلام .. لكن الوع عندها عادي وسخيف بعد ...جد الناس تحب تبالغ ...

هواجس قويه بشخصيتها وتحب تغامر علشان كذا ماخافت من الطياره ..


هواجس بتفكير : حنا وين رايحين هاللحين

بو ماهر : ثعيد ماقالك ...

هواجس متنرفزه : لا ابوي ماقالي ...وين ..؟ !
..شكلك يقول موزمبيق ...(( هههههه كملت ضحك بداخلها ))

بوماهر : لا وش موزمبيق – مسك ايدها وقال بحماس- ايطاليا

هواجس سحبت ايدها بقرف )( ايش هذا هذا اللي بكمل معه حياتي مستحيل ...))
شهقت فجاءه : وش قلت ايطاليا انا بروح لايطاليا لا اكيد احلم ...

بوماهر وكانه يحكي مع طفله : لا حبيبتي ..ماتحلمين ... واوعدك معي بيكون الحلم حقيقه

هواجس (( احلف ياشيخ .. قالك رومنسي الرجال شكله مايدري اني ماطيق الرومنسيه )) : الله يخليك لي ..

هذي السياسه اللي وصتها ندى عليها تدلعي عليه طفريه الشياب ماينفع معهم الا كذا.. وكملت معها وعود اثقلي عليه علشان يحسك غاليه وبعيده ..

بو ماهر كان بيوقف قلبه من ردها : ويخليك لي انتي ياحياتي .. واي ثي يا هواجث اي ثي تبغينه قوليه

هواجس بنعومه تكره تطلعها لانها تقول هذي حركات ماصخه : تسلم ..
بعد اكثر من ساعه وهي كانت تتامل النافذه وجمال السحب الصافي اللي ياخذ لبعيد نبها صوت ..انفاس عالي وبعدها تحول لمخاشر .. التفت وفيه الضحه على اللي بالطياره وناسي نفسه لكن المصيبه انه بوماهر نفسه عايش جو ونايم ..

تفشلت وبالذات ان الناس تبتسم وهي تناظرهم .. هزته بكل قوتها : بوماهر بوماهر ..

بو ماهر فتح عيونه مفزوع : هااا

هواجس : وش ها ..قم فشلتنا

بو ماهر مستغرب : ليه وش ثار

هواجس بدون نفس : وش ثار ..؟ صوتك ملى الطياره

بو ماهر ببلاهه ضحك : هههه من صغري وهذي عائدتي ...

هواجس : لا ماعليش بطل هالعاده لاننا بطياره

بو ماهر بحنان : هواجث ليه تحاكيني كذا.. لحد هاللحين زعلانه ... وماتقبلتيني

هواجس كان بودها تقوله (( ولا راح اتقبلك وضف وجهك وانقلع عني ..)) لكن اولا مو وقته وثانيا نصايح البنات عجبتها ودام الفاس طاحت بالراس لازم تستقل كل موقف لاصالحها ... قالت له برومنسيه : لا والله مو عن كذا بس .. –بتردد مصطنع – احس اني لوحدي وخايفه والطياره مكان غريب علي وانت نايم وتاركني ..

بو ماهر عدل جلسته بسرعه ولف باهتمام واضح عليها : اسف حبيبتي نسيت انك صغيره وتخافي اوعدك بظل صاحي لحد ماتنتهي الرحله

هواجس بدلع : وعد

بو ماهر : وعدين ياقلبي

هواجس ابتسم (( والله انك خطيره ياهوجد وتعرفي تدلعي وتصففي كلام خخخخ... ولله لاطلع فيك قرون يابو ماهر واخليك تتوب على ايدي هههههه))

هواجس تلفت حولها اغلب او كل الموجودين كاشفين وجههم ليه هي ماتكشف بعد ماهي باقل من احد ...ودامه اشترى لها عبايه كتف يعني ماعنده مانع تكشف وجهها ...
كشفت وجهها تبغى الحريه والصياعه وتطفير بو ماهر

بوماهر ناد المظيف : لو سمحت الغداء ...

المظيف : ايش حاب تاخذ على الغداء

بو ماهر: ثتيك ..

المظيف التفت و ناظر هواجس وطير عيونه كان يضنها عجوز اللي بجنبه........
لكنها صغيره وصغيره مرره بعد ........
وفيها حلى يسلب .. عيون وساع كحيله خلقه وسوده سواد الليل ... والوجه ابيض سموح .. ومنابت الشعر الناعم باين ولونه عنابي ..

المظيف بلع ريقه : وبنتك وش تاخذ ...؟

بو ماهر ناظر هواجس وعصب هذي مو بنتي هذي المدام ..

المظيف باسف واضح : سوري ماكنت عارف ..

هواجس ابتسمت غصب عنها (( مصخره والله بو ماهر خخخخ تفشل ههههه)) : انا .. انا وش

بو ماهر قاطعها : جب لها مثلي .. ثتيك ..

المظيف ابتسم لهواجس بعذوبه : حاضر

بو ماهر لف عليها بيقولها تغطي لكن شافها متكتفه وماده بوزها ..حس انها زعلانه : هواجث ايش فيك.. يالمك شي ..

هواجس لفت وجهها عنه انها زعلانه ..

بو ماهر : هجوتي ايش فيك ..؟

هواجس ((ووووووووع لاتكفى لاتدلعني خلك على هواجث احسن احس اني بطرش لوعت كبدي )) :.....

بو ماهر تنهدت : هجوجتي لف علي ..

هواجس لفت عليه وانها زعلانه : ليه تحاكيني كذا قدام الرجال .. احرجتني

بو ماهر انحرج : لا مو علشان شي انا بس.. يعني قهرني يناظرك كذا ..

هواجس: لو سمحت بوماهر احترمني انا مو هبله اناظر بهالبزر وانت برزتك جالس جنبي (( هههههه ياشينها من رزه هو وحزامه اللي واصل لحلقه ))

بو ماهر ابتسم : هجوجتي لاتزعلين مني ..والله مقثد واوعدك مايتكرر

ناظرته تفكر تكمل زعلها والا ترحم حاله المسكين .. لا بتكمل زعلها ..لاااا خليه هاللحين بعمل له مصيبه لازم احاكيه

بو ماهر بنظرة رجاء: هجوجتي انتي حبيبتي لاتزعلي

هواجس بدلع : وماتكررها ..

بو ماهر بسرعه : لا وعد

هواجس ابتسمت له بخجل مصطنع : اوكيه ماني بزعلانه منك

بو ماهر : بعد قلبي والله

هواجس (( ههههه الحمد لله والشكر هذا خفيف مره خاق من البدايه مايحتاج تعب هههه والله ان هالمظيف وش زينه يرد الروح مو هذا الشين ))

بعد ساعات طويله من السفر المتعب حتى لو بطياره لكن السفر لاوربا مشوارها طويييل ...

انتبهت هواجس من نومها شافت الناس كلها تتجهه للباب واغلب الحريم بدون عبايات اول رفعوا الغطاء هاللحين العباءيه مره وحده ...
تلفتت الطياره فضت والناس طلعوا اغلب الناس
وصلت الطياره لروما عاصمة ايطاليا

ناظرت بوماهر كان يشاخر ومندمج بالنوم هزته بقوه معصبه : بو ماهر قوم بو ماهر

فتح بو ماهر عيونه وابتسم : هلا

هواجس تحاول تفتح الحزام : قوووم الناس طلعت من الطياره

بو ماهر : يووه راحت علي نومه

جاء بيساعدها تفتح الحزام بعدت ايده بعصبيه : ابعد

فتحته معصبه وقفت .. مشى وراها بو ماهر : تعالي انتظري ..

هواجس وقفت : خير ناوي تنام بالطياره ..

بو ماهر : لا يله ننزل ..


*************************************
عشاق من احفاد الشيطان ... روايه رومنسيه ... خياليه
*****************************************
__________________