|
|||||||
| التعليمـــات | قائمة الأعضاء | التقويم | البحث | مشاركات اليوم | اجعل كافة الأقسام مقروءة |
|
|||||||
| التعليمـــات | قائمة الأعضاء | التقويم | البحث | مشاركات اليوم | اجعل كافة الأقسام مقروءة |
03-25-2010, 08:02 PM
|
المشاركة رقم: 17 |
|
|
كاتب الموضوع :
shady
المنتدى :
نافذة القصص الطويلة
رنا :- أبرار أبرار :- هلا رنا :- عطيني كف أبرار مستغربة :- نعم وش قلتي؟ رنا :- قلت عطيني كف أبرار :- صاحية أنتي رنا :- أبي أشوف أنا صاحية وإلا حلم جالسه احلم أبرار :- وش السالفة رنا :- وش أقولك أبرار :- كل شي رنا :- طيب قالت رنا لأبرار كل السالفة إلي صارت لها من شوي في امريكا راشد :- هاني هاني :- ها نعم راشد :- فيك شي هاني :- أبد سلامتك راشد :- أكيد هاني :- آه بس اليوم رنا قالت لي كلام يضيق الصدر راشد :- شو قالت هاني :- رنا أنخطبت راشد :- شو هاني :- مثل ما سمعت رنا أنخطبت وإلي خاطبها مستعجل يبي الملكة بعد اسبوعين يعني على وقت ما أكون حاضر فيه عندهم راشد :- طيب كلم أبوك قله يخطبها لك هاني :- وش أقوله راشد :- أنت تحبها هاني :- والله متيم بها لحد الجنون راشد :- أجل كلم أبوك يخطبها لك قبل ما تروح منك صدق هاني :- تقول كذا راشد :- هذا رأيي هاني :- أوكي الحين اكلمه طلع راشد من عند هاني وخلاه يأخذ راحته مع أبوه كلم هاني على أبوه وكان سعد عند الرجال وأول ما شاف الرقم فرح سعد في نفسه :- أكيد عرف خلني أرد عليه وأشوف سعد :- ألوو هاني :- ألوو السلام عليكم سعد :- هلا وعليكم السلام والرحمة هاني :- شخبارك يبه والله مشتاق لكم أخبار أمي واخواني سعد :- شوي شوي علي كلنا طيبين وماننشد إلا عنك أنت شخبارك هاني :- الحمد لله بخير ونعمة إلا يبه بسألك سعد :- هلا إسأل هاني :- رنا سعد وهو يناظر عبد الرحمن ومبتسم :- وش فيها رنا هاني محرج ما هو عارف وش يقول :- يبه يعني هي أوه سعد :- وش فيك هاني :- صدق أنخطبت سعد :- إيه اليوم أنخطبت وعمك موافق وأنا بعد موافق الرجال ما ينعاب بشي أبد هاني ودموعه خانقته :- وأنا سعد :- وش أنت وش فيك هاني ما قدر يتكلم :- لا خلاص عمي عندك خلني أبارك له سعد وفيه الضحكة وبعد ما تأكد من حب هاني لرنا :- طيب هذا عمك عبد الرحمن :- ألو هلا هاني هاني :- هلا عمي وش لونك عبد الرحمن :- الحمدلله بخير وأنت وش لونك وش لون الدراسة هاني :- الحمدلله تمام عبد الرحمن :- زين الحمدلله إلا تعال متى بتجي هاني ك- بعد أسبوعين عبد الرحمن :- زين عشان تحضر ملكة رنا هاني وهو خانقته العبرة :- ألف مبروك عمي عبد الرحمن :- الله يبارك فيك عقبالك هاني :- الله كريم يله أجل ما أطول عليكم وسلمني على الكل عبد الرحمن :- إن شاء الله مع السلامة سكر عبد الرحمن التليفون من هاني وألتفت على سعد إلي مات من الضحك على ولده وبنت اخوه عبد الرحمن :- حرام عليك وش يمنع لو قلت له أنك أنت إلي خاطبها له هو سعد :- لا حبيت أخليها مفاجأة له أنت عارف مثل ما أنا عارف إنهم يحبون بعض من يومهم صغار عبد الرحمن :- صدقت بس والله يوم سمعت صوته وكتمتها جيت أقوله أنها له هو ومحد مخذها غيره بس مدري ليه سكت سعد :- خلهم يتفاجأون ويفرحون لما يعرفون انهم لبعض وفجأة دخل عليهم جاسم جاسم :- السلام عليكم ورحمة الله وبركاته الكل :- وعليكم السلام ورحمة الله وبركاته سعد :- هلا والله وغلا هلا بك جاسم وهو يحب رأس أبوه :- هلا فيك شخبارك يالغلا سعد :- الحمدلله بخير سلم على الباقين وهلو فيه ورحبوا به وصل خبر للحريم إن جاسم وصل لهم واول ما سمعت بيان أن جاسم وصل فز قلبها له ودها لو تشوفه بيان:- سمعتي وش قالوا رنا :- الحمدلله والشكر بيان :- والله بموت لو ما أشوفه رنا :- وش تبين نسوي بيان :- أي شي بس الله يخليك قومي خلينا نشوفه رنا :- ابرار اتصلي على جاسم وخليه يدخل يسلم على أنك مشتاقه له وإحنا بنطل عليكم بعض الناس مشتاقين له ولزوله بعد أبرار :- الحمدلله ما أنتو صاحين أبد بيان :- الله يخليك قومي بسرعة أبرار :- أوف طيب بقوم وأمري لله قامت أبرار واتصلت على جاسم وهو عرف إن إلي تبي تشوفه هي بيان وحب يرفع ضغطها أرسل على جوالها انا زعلان عليك يعني أوصل ولا تقولين لي الحمدلله على السلامة طيب عقابا لك ما راح ادخل عند الحريم وأول ما قرت بيان الرسالة جاها إحباط من كلامه بس :- والله ما أياس بيدخل يعني بيدخل وأنا أوريه أرسلت له الحمدلله على السلامة يا ولد الخال وبعدين الصراحة أنا أبي أفتك منك ولا أشتقت لك ولا شي وبجد فرحت برسالتك جاسم :- يا ويلي طيب أوريك أرسل لها تحلمين بس ادخل وبعدين بطلي هالحركات ترى ما تلوق عليك بيان :- لا ما راح ابطلهم ولا شي وبعدين الحركات هذه معجبتني وش عندك جاسم :- والله العظيم عندي ملابس بيان :- بايخة تدري جاسم :- مو أبيخ منك بيان :- جويسم جاسم :- بوين بيان :- اوف جاسم :- اون رنا :- خلاص أنتي وياه ذبحتونا جلست بيان متضايقة ولا عاد أرسلت له رسالة وبعد 10 دقايق رن جوالها وكان المتصل جاسم فرحت من الخاطر إنها راح تسمع صوته نهاية الحلقة 18 راكان والجوري هاني ورنا وش راح يصير عليهم هل فعلا رنا بتتزوج غير هاني جاسم وبيان هل بتم الخطوبة دانه ماعاد سمعنا لها صوت هل عقلت وإلا بتخرب فرحهم هند وفيصل وش راح يصير عليهم . . . الحلقــ19ـــــة أبوس رأسك يازمن ما عاد فيني للجراح خلاص يكفيني أسى أبوس رأسك يازمن يا مكثر ذنوبك معي ما كل ذنب لك يباح إن هو زعلك وش تستفيدوش مكسبك من ذا الحزن إستسلمي يا عزتي لاصارت أيامي سلاح وكان من نفسي أسعدك بس الليالي طولن أنا حاولت أنا أشعل شمعتي بس المصيبة بالرياح لاهي بالي نورن ولا هن بإلي إنطفن هاني :- خلاص يا راشد بتروح مني والله ما أقدر أتخيلها مع احد ثاني راشد وهو متضايق عشان صديقة :- هنوي أذكر الله لا تسوي بنفسك جذي هاني :- ما أقدر تعرف وشلون ما أقدر احس بموت من دونها نزل رأسه في الأرض وصرخ: أنا جبان تعرف وش معنى جبان ما قدرت أوقف في وجه ابوي وعمي ما قدرت أقول لهم إني أبي رنا ما قدر خذلتها وهي معتمدة على الله ثم علي شفت لما أقولك أنا جبان راشد :- تعوذ من الشيطان يا هاني أنت عمرك ما كنت جذ ي شهالحركات هاني :- هههههههههههه لا تتوقع إني خالي من الهموم وخالي من الأحزان أنا طول عمري مليان حزن بس ما أحب ابين لأي حد والكل يتوقع إني مبسوط بس أنا مجروح من داخل راشد :- تكلم فضفض قول شو فيك هاني :- وش أقولك راشد :- كل شي هاني :- صح الكلام هذا مر عليه سنين ويمكن رنا ما تذكر الكلام هذا ولا حتى عمي بس ينسى الصافع ويتذكر المصفوع راشد :- قول كل شي قول شو فيك هاني :- قبل تقريبا ست سنوات رجع بذاكرته لورى لست سنوات راحت من حياته في يوم كان فيها هاني مع رنا هاني :- خلاص اليوم انا بسافر رنا :- هاني وأنا هاني :- يوه أنتي وانتي ترى مليت كل ما جيت أسافر قلتي وأنا رنا :- أنا وش سويت لك علمني سكت هاني ولا قال شي رنا :- أنا عارفة لا تقول شي نزلت رأسها رح الله يهنيك معها هاني :- رنا أنا حطت رنا يدها على فمه :- أسكت ولا تقول شي رح يا هاني رح الله يخليك رح لا أحد يحس علينا هاني :- رنا أنا ما زلت شاريك والله أحبك رنا :- بس خلاص أنت عمرك ما حبيتني أنت أصلا ما قد حبيت أحد قد ما حبيت نفسك خلاص أطلع من حياتي هاني :- هذا إلي تبينه رنا وهي تصيح :- إيه ياليت تنساني وتروح لها هي تحبك وأنت بعد تحبها رح لها شفها داخل هذه مهما كانت بنت خالتي إلي عمري ما قدرت تقول شي أطلقت العنان لعيونها إنها تصيح وترثيه طلع هاني إلي أنصدم من موقف رنا منه ومن لجين هو أصلا عمره ما حبها بس أعجب بشخصيتها في فترة من الفترات اسندت رنا رأسها على الكرسي ضمت رجولها وجلست تصيح ما حست بإلي كان يراقب الوضع من بعيد كان هو ما غيره الكل بيسأل من هذا الشخص إلي نتكلم عنه كان ...كان .... كان أبوها عبد الرحمن إلي أنصدم من الوضع إلي شافه أنلجم لسانه ولا قدر يتحرك من مكانه رنا وهاني جالسين بلحالهم يا ترى وش بينهم وليه هم كذا بعد ما فاق من الصدمة ما حس لنفسه إلا وهو يروح لها من الغيض إلي في قلبه والقهر اخر شي كان يتوقعه من بنته هي خيانته وقوفها مع واحد غريب عنها ولحالهم كان أكبر خيانه لأهلها راح يركض بدون تفكير لحد ما وصل لها ومسكها من شعرها وجلس يضربها من القهر رنا ما كانت تدري من إلي وراها أو من إلي يضربها كانت تحاول تدافع عن نفسها بس هيهات يسمع لها أبوها الكل طلع من الأصوات إلي طلعت والصراخ إلي سمعوه أنصدموا من شكل رنا إلي كانت على وشك الهلاك كانت أقرب ماتكون نهايتها هاني حس بنغزة في قلبه حس لنداء في قلبه حس لصوت رنا تناديه هي محتاجته ألحين ما حس بنفسه إلا وهو يرجع لمكان ما خلاها فيه وأول ما دخل حس بالحركة الغريبة في البيت الكل يركض والكل في حالة ثوران الكل ما يدري وش صار دخل هاني وكان خايف بالحيل دقات قلبه كانت تزيد كل ما قرب من المكان إلي هم فيه انصدم هاني من شكل رنا كانت طايحة على الأرض وأبوها يرفسها مع كل مكان كانت حاطه يدها على السلسال إلي أهداه لها هاني من شوي وكأنها تبي الأمان منه قرب هاني لمكان رنا بعد الكل عنها وراح يركض لها مثل المجنون دف عمه عنها وجثى على ركبته وقرب منها كان خايف إنها تروح منه قرب منها وكانت بدون حركة تدل على إنها على قيد الحياة بادرة الموت وشبح الموت كان يخيم على المكان هدى إلي راحت لها تركض وهي تضمها لصدرها وتصيح بصوت عالي وكالمجنونه :- لا رنا لا رنو حبيبتي قومي رنو انا امك لا تروحين عني رنا الله يخليك ردي علي هاني :- خاله إلحقي بتموت والله بتموت وين السيارة خلونا نوديها بسرعة راح عبد المجيد وقرب السيارة لهم وشالها هاني فتحت عيونها عليه بهدوء ابتسمت بوجهها الشاحب والدم في كل مكان :- ليه رجعت هاني لا توديني لمكان خلني هنا هاني كان مصدوم ومشلول عن الحركة من إلي قاعد يصير قدامه رنا :- أحبك هاني لا تبكي ما أبي أشوف دموعك كانت تتكلم بصوت متقطع من تقطع النفس إلي يجيها ابتسمت في وجه ولفت بوجهها لمكان ما امها تصيح كانت تسمع الكل يصيح عليها ابتسمت لهم وهي بتعب شديد كانت تناظر فوق في السماء :- لا تصيحون أنا أشوووف ممممكاني هناك الكل انصدم من كلامها وأكثر واحد كان عبد الرحمن إلي هدت شياطينه من بعد ما تعب من طقها هاني :- تصدق يا راشد إنها بغت تموت لدرجة إنها قالت كلمة عمري ما راح أنساها راشد :- شنهي هالكلمة هاني نزل رأسه في الأرض يعيد ذكرياته معها ألتفتت رنا لجين وابتسمت في وجهها وهزت رأسها لها عشان تقرب :- لجين عععطيني يدك أأأألحين الله يخليك لجين وهي تصيح مدت يدها لرنا رنا :- هههاني عععطني يدددددك عطاها هاني يده قربت يد لجين من يد هاني وحطتهم فوق بعض ابتسمت لهم :- أنا ما ألقى وحده بتصون حبيبي غيرك ياااالجين ههههاني كانت تبلع في ريقها آمانه في رقبتك راشد :- وبعدين وش صار لكم هاني :- على كلمتها هذه شلتها بيديني هذه وركبتها للسيارة رحت أنا وعمي ومرت عمي بها للمستشفى جلست بغرفة العملية 10 ساعات يحاولون ينقذونها يحاولون يسوون لها شي وفي الأخير طلع علينا الدكتور وطلب نقل دم مستعجل لها لأن دمها قرب يخلص أو بالأصح ما عاد بقى فيها دم رحت وحللت وشفت النتيجة فصيلة دمي تشبه لفصيلة دمها وعلى طول تبرعت لها بدم أنا وعمي ألتفت على راشد إلي متأثر من كلام هاني وبكل كلمة هاني يقولها كان يتذكر حور والمستشفى وكل الكلام إلي أهله قالوه له حط يده على كتف أخوه وصديقه راشد :- هاني لا تتضايق وإن كان لك نصيب فيها بتأخذها غصب عن الكل هاني :- كيف بأخذها وأنا ما طلبتها للزواج تعرف كيف ما وقفت الزواج ولا الملكة راشد :- فيه وقت توقف كل شي هاني :- صعب راشد :- ليه صعب شفيه صعب هاني :- أبوي وعمي مستانسين بهالخطيب إلي خطبها راشد :- هاني لو كنت تحبها كان ما سمحت لأي حد يأخذها منك هاني :- أنا لازم أنهي كل شي معها راشد :- لا تتهور هاني :- لازم أنساها وهي بعد تنساني راشد :- بهالسهولة تتخلى عن حبك وين كلمة احبك وين الحب وأيام الحب وين كلامك عنها وين سفرتك إلي تغربت ودرست عشان منو مو عشانها عشان رنا وفي الأخير تقول خلها تنساني هاني :- بس راشد :- لا بس ولا شي يا خوي يا هاني هذه البنت إلي انت حبيتها والزواج لسه ما تم شي فيه يعني تقدر تمنع الشي هذا هاني :- بحاول برجع أكلم أبوي بس مو اليوم راشد :- متى ؟ هاني :- بعد كم يوم راشد :- لا خير البر عاجله رمسه ألحين هاني :- ألحين لا توي مكلمه كيف اكلمه من جديد راشد :- ألحين يعني ألحين ويله أمسك جوالك ورمسه بسرعه أخذ هاني الجوال وأتصل على أبوه وطلب منه يلغي زواج رنا وكان رد أبوه سعد :- أنت صاحي وش هالكلام إلي تقوله هاني :- يبه أفهمني سعد :- وش تبيني أفهم تبيني أقول لعمك خلاص ما نبي بنتك أنصدم هاني من كلام أبوه :- يعني كيف يبه من إلي بيتزوج رنا ومن خطبها سعد :- أنا خطبتها لك لك أنت يا هاني هاني منصدم :- صدق يبه سعد :- إيه صدق خطبتها لك وعمك موافق بس ما حبينا نخبركم بشي أبد لا أنت ولا هي إلا تعال أنت من علمك عنها إنها أنخطبت هاني :- ها سعد :- وش ها علمني من علمك هاني :- أبرار هي إلي علمتني سعد :- انا قائل لحد يقولك شي أبرار أنا أوريك فيها يله وانا أبوك رح كمل دراستك الحين وذاكر وجد عشان الملكة بعد أسبوعين وعلمنا كيف تبي الملكة والحفله كيف هاني :- إن شاء الله سعد :- إلا أسمع عمك ما يبيها تعرف شي يعني لا تقول لأبرار إنا خاطبينها لك خلها مفاجأة هاني :- والله خايف من ذا المفاجأة سعد :- لا تخاف ولا شي الله يكتب إلي فيه الخير إن شاء الله هاني :- إن شاء الله يله يبه في داعة الله سعد :- في حفظه ورعايته هاني طار من الفرحة على أحلى خبر سمعه وجلس يصارخ :- رااااااااااااااااااااشد راشد :- عمى خير وش فيك هاني :- بموت بموت بموت طاير من الفرحة طاير راشد :- خير إن شاء الله ما وافقوا عليه يعني هاني :- الله لا يقوله إلا موافقين موافقين موافقين تصدق حتى انا وافقت الله يوفقها معه راشد :- هي أنت صاحي بتروح منك وانت تقول كذا وين إلي بيذبح نفسه عشانها هاني :- راشد حتى انت معزوم لملكتي راشد :- لا بالله أستخفيت أي ملكة انت لحقت تخطب هاني :- إيه خطبت وخلصت وملكتي معها بنفس اليوم قرب راشد لهاني وحط يده على رأسه هاني :- خير وش فيك راشد :- أبي أشوف حرارتك بس غريبة ما هي مرتفعه هاني :- يا الدب إلى ألحين ما فهمت راشد بعد ما استوعب :- لا تقووول هاني :- إلا يا قلبي إلا أنا عريس الغفلة انا واو والله وناسه راح راشد له وضمه :- تستاهل والله تساهل كل خير الله يوفقك معها إن شاء الله هاني :- راشد اوعدني راشد :- على شو هاني :- أوعدني وبس راشد :- طيب أبي أعرف على شو هاني :- أبيك تكون معي في يوم ملكتي راشد :- بس أنا أبي أروح لأهلي هاني :- طلبتك لا تردني راشد :- فالك طيب بس ما بطول يعني بحضر الملكة وعلى طول بروح للإمارات وأنت توعدني أن تجي للإمارات مع الأهل هاني :- أبشر بس الضيافه 3 أيام وبعدها بنتركك تروح على كيفك راشد :- بس ما أقدر هاني :- لا بتقدر يله عاد وافق راشد :- تم ********** لا حول ولا قوة إلا بالله العلي العظيم*********** رددوها دائم ****** بيان :- أوف من جاسم بذبحه والله بذبحه دانه :- ومن جاسم هذا بيان :- انتي سدخلك دانه :- عدال إلي ميته تبي تعرف اكبر همي عشان أسأل عنكم وبعدين احمدي ربك تكرمت وسألت دخلت رنا :- والله محد طلب منك رأيك فأكرمينا بسكوتك لوسمحتي دانه :- مساكين والله مصديقين أعماركم إذا كنتي تحبينه فما فيه شي أسمه حب بهالأيام والدليل أنا قدامك ناظرت هند بقهر واضح كنت احب واحد بس في الأخير طلع حلم وسراب طلع وهم فاهمه وهم طلعت دانه مقهورة منهم وراحت للغرفة الثانية ودمعتها على خدها ودها تفضفض لأي حد بهالعالم رن جوالها وأول ما شافت الرقم أستانست لأنه الوحيد إلي ترتاح معه لما تكلمه دانه :- ألو عبد العزيز :- هلا وغلا داناو دانه :- هلا بك زيزو كيفك يا حلو عبد العزيز :- والله الحمدلله تمام ما نسأل إلا عنك يالقاطعه دانه :- انا إلي قاطعة وإلا أنت إلي لقيت لك صيدة جديده ورحت وراها هذا انتم يا الشباب كل يوم لكم وحده عبد العزيز :- حرام عليك انا وين بلقى شبيهة لداناوي اكيد ما فيه دانه :- إيه أكيد لأني متميزة عبد العزيز :- في هذه صدقتي ها متى بترجعون للرياض دانه :- مدري والله لو علي ودي أرجع الحين والله مليت عبد العزيز :- ليه مليتي دانه :- الكل ضدي في كل شي حتى إلي احبه ردني تصدق عبد العزيز :- يحمد ربه إنك فكرتي فيه دانه:- لا يا زيزو لا تقول كذا بس بجد أنا مقهورة منه عبد العزيز :- ما عليكي منه علميني بس وش مضايقك دانه :- آه وش أقولك عبد العزيز :- قولي لي كل شي داناوي أنا ولد عمك وإذا ما قلتي لي لمن بتقولين دانه :- تعبت والله مدري ألقاها من وين من فيصل وإلا من حياتي عبد العزيز :- أسمعي يا قلبي دانه :- هي أنت لا تنسى نفسك عبد العزيز :- أوه سوري والله نسيت نفسي دانه حرام عليك أنا ما صدقت ترجع العلاقة بينا وبينكم تسوين لنا كذا بقولك شي بس لا تزعلين دانه :- لا تقول نسيت إلي راح عبد العزيز :- دانه ما نسيت بس ممكن تسمعيني للأخر أنا بجد أحبك من يوم كنا صغار وأنتي عندي وفي وجهي كل ما جيت أنام تصيرين في وجهي دانه :- بس عبد العزيز :- أسمعيني للاخر ولا تقاطعين دانه أمي الله يرحمها هي إلي سوت كذا بدون حتى علمي كنت ناوي أخطبك وتكونين ألحين أنتي زوجتي بس الله يرحمها دانه وهي تصيح :- أنت تعرف وش سويت فيني أنت وأمك خليتوني أروح للي يستاهل وإلي ما يستاهل خليتو الكل يرحمني صرت موضع شفقة ورحمه للكل تخيل أنا جيتك وقلت لك عبد العزيز أنا ما أبيك قلتها في وجهك ساعتها وش راح يصير لك لا وغير كذا قلت لك كلام جارح في مكان عام بين الأهل لدرجة الكل تبرى منا لا أنا ولا أخوي قلي وش نسوي لو لا الله ثم خالتي أم نايف كان الله أعلم بحالتنا ولولا الله ثم فيصل كان ألحين مت من القهر فيصل تحملني بس أنت رحت عني لا تتوقع إني أحب فيصل ... لا تكون غلطان لو فكرت كذا فيصل بالنسبة لي كومة قش تعلقت فيه يوم كنت في امس الحاجة لأي ظهر أستند عليه صح أخوي سلطان ما قصر بس حتى ولو شخص يساعدك لذاتك ما طلب منك شي محترم نفسه معي في كل شي لحد ما أرتحت له وصرت أقوله أشياء ما أقدر أقوله لخالتي أم نايف عبد العزيز :- بس خلاص يكفي والله يكفي ترى بذبح فيصل لو عدتي طرياه مره ثانية أو حتى جبتي سيرته خلاص أنسيه فيصل راح يتزوج دانه والله أحبك دانه :- ما أقدر أنساه والله ما أقدر عبد العزيز :- إلا بتقدرين وانا بساعدك دانه أنا أحبك وراح نتزوج فاهمه ونبدأ صفحة جديدة وش رأيك دانه :- لا ما أبيك عبد العزيز منصدم :- ما تبيني طيب ليه ؟ دانه :- صح أنا أحبك بس عبد العزيز :- بس وشو دانه:- عبد العزيز خايفة عبد العزيز :- من وشو خايفه دانه :- من الجاي عبد العزيز :- تخافين وأنا معك أفا بس دانه :- اخاف تتركني مره ثانية عبد العزيز :- مستحيل اتركك أنتي لي .. لي انا فاهمة يا ويلك لو فكرتي بأحد ثاني بذبحك وأذبحه وأذبح نفسي لأن حياتي ما فيها إلا نور واحد بس إذا غاب غابت معه دنيتي دانه :- عبد العزيز ممكن عبد العزيز :- حياته آمري دانه :- أبي أسمعك شي عبد العزيز :- أوكي وأنا أسمع فتحت الأستديو بجوالها على أغنية عبد الكريم عبد القادر رجعنا بعد طول غياب رجعنا بعد طول غياب ... رجعنا بس رجعنا أغراب ندور في ليالي الأمس عن الشوق إلي راح وذاب تغير كل شي فينا وماتت كل امانينا وضاع الشاطئ والمينا مع غدر وأمل كذاب يا ما شفت ليل أحزان وجرح اكبر من النسيان وعهد أنت نسيت ووهان وظلم من أقرب الأحباب يا قلبي لا تصدق يوم محبة بلا أماني تدوم يا خوفي ترجع المهزوم ونرجع من جديد أغراب عبد العزيز :- بس خلاص يكفي دانه :- هذا إلي انا خايفه منه عبد العزيز :- أوعدك يا حياتي ما نختلف أبد أوعدك يا نور هالكون ما تبكين بعد هاليوم أوعدك يا روح روحي اكون لك الأم والأب والأخ والأخت والصديق والزوج وكل شي دانه :- أكيد عبد العزيز :- أكيدين . . . . . . مرت الأيام سريعة على أبطالنا على أبطال القصة صارت فيها الأحداث قليلة جدا خلالها تقدم فيصل لهند ووافقت هند عليه وجاسم خطب بيان والكل بارك له عبد العزيز كلم سلطان وطلب منه موعد عشان أول ما يرجعون للرياض يتقدم رسمي لدانه إلي الكل فرح لها وخصوصا هند فرحت لما عرفت السالفه منها هي وإنها ما كانت تعتبر فيصل إلا الأخ لها بس حبت تقهرها فيه راكان كانت اللقاءات بينه وبين الجوري بالصدف كثيرة لما كل واحد تعلق في الثاني لدرجة الجنون أم نايف شافت لجين وعجبتها في كل شي وقررت تخطبها لنايف بس لما ترجع للرياض وتكلمه في الموضوع مي حبت عبد المجيد من بعد اللقاء إلي بينهم ومن كثر ما سمعت من رنا عن عبد المجيد صارت تحلم فيه وإنه ملكها لحالها مرت الأسبوعين على رنا كلها أحزان وتفكير في هاني إلي ماعاد كلمها وتحس كل يوم يقترب منها هو يوم موتها على يد الشخص المجهول إلي خطبها والكل موافق عليه وهي خبر خير أبرار :- وش تفكرين فيه رنا :- مدري شقولك بس ألحين تأكدت من شي أبرار :- من وشو رنا :- هاني ما يحبني أبرار :- وش قاعدة تقولين رنا :- بكرة الملكة على المجهول وأخوك ما تحرك أبرار:- أعذريه رنا :- وانا من يعذرني تخيلي لو أنعكست الأية أو حتى تخيلي لو كنتي مكاني قلبك متعلق بشخص وأنتي راح تكونين لشخص ثاني علميني وش تسوين تكلمي تخدعين زوجك على حساب واحد باعك أبرار :- هو ما باعك رنا :- لو كان ما باعني على قولتك كان تحرك كان سوى شي موب يخليني كذا أبرار :- مدري شقولك رنا :- لا تقولين لي شي إلا تعالي وين هند أبرار :- وينها يعني جالسة تحلم بحبيب القلب رنا :- الله يوفقها أبرار :- آمين والله فرحت لها وبعدين تعالي من متى وهي تحب فيصل رنا :- من زمان من قبل ما نسافر أبرار :- يالخونه ولا قلتوا لي رنا :- وش تبينا نقولك أبرار :- رنا وش رأيك نسوي حفلة توديع رنا :- الحمد لله والشكر توديع وشو أبرار :- العنوسة لكم رنا :- عمى الله يقلع عدوانك ما بعد تعدينا 22 سنه وتقولين عوانس أبرار:- أنتم ألحين ودعتوها ما بقى إلا انا ولجين بس رنا :- الله يرزقكم بمن يستاهلكم ضمت أبرار رنا :- آمين يا عسل والله احبك رنا :- وانا بعد أحبك أبرار :- يا بعد عمري أنتي أقول رنا :- هاه أبرار:- هوى العدو بنار جهنم قولي آمين يا الدبة أقول بس أسمعي رنا :- أوف وش تبين أسمع أبرار مسوية زعلانه :- خلاص لا تسمعين شي رنا :- تعالي يالدبه لا تزعلين |
|
|
| أدوات الموضوع | |
| انواع عرض الموضوع | |
|
|
العرض الشجري