مادامت هناك حياة على ظهر هذا الكوكب المسكين, فهناك دائماً هو يريد القيام بدور الصياد ويوقع هى فى شباكه, وحين يتحقق المراد من رب العباد لايعرف البشمنهدس هو أنه بسلامته وقع في الفخ.
و الذى نصبته له منذ البداية هي فقد كانت توحي له مع سبق الإصرار والترصد وطوال الوقت ـ بأنه هو الفاتح والغازي! ومادامت هناك حياة, وهناك حب وصد حركات نصدكم بين الجنسين, لأن قواعد اللعبة العاطفية لدينا في مصر لاتفضل الألوان الصريحة أبيض أو أسود وإنما يحلو للجميع الدخول في المنطقة الرمادي ..
السينما المصرية علي امتداد تاريخها لم تخل من بعص الجمل الحوارية العبقرية بين هو وهي التي تتسم بالصراحة طبعا لأن الموضوع مجرد تمثيلx تمثيل والتمثيل زي ماسيادتك عارف معلهوش جمرك بعيدا عن الأقنعة إياها التي يرتديها الطرفان في الواقع ..
1) يختبر أخلاقها
هو: تشربي إيه ياهانم
هي: كونياك
هو: برافو... كونياك... مشروب الفتاة المهذبة
عارف وموش فاكر اسم الفيلم استيفان روستي وفاتن حمامة
2) يتأكد من أنها سيدة مجتمع وسترفع رأسه
هو: تسمحي لي بالرقصة دي ياهانم؟
هي: ماترقص ياخويا... هو أنا حايشاك؟
هو: كده... طب لحظة واحدة... أروح أتحزم وأجي لك
استيفان روستي وفردوس محمد
3) يتأكد من عمرها الحقيقي
هي: دي أمك إللي اسمها أمك... يوم ما ولدتك وشافتك رقعت بالصوت!
هو: عرفتي بقة إنك توعي علي أمي!
زينات صدقي وعبد الفتاح القصري
4) يغازلها فترد الكلمة الرقيقة بأحسن منها
هو: بالذمة ده وش أشوفه كل يوم الصبح؟
هي: موش عاجبك وشي يا هارب من حديقة الجيزة... ياوارد أفريقيا
زينات صدقي والقصري... تاني
5) أب يقنع ابنته بالموافقة علي عريس لقطة
هي: موش هاتجوزه... يعني موش هاتجوزه!
هو: ياعزيزة يابنتي.. الباز أفندي عريس... أنا نفسي أتمناه
عبد الفتاح القصري وهند رستم في فيلم ابن حميدو
6) حيلة غرامية لاصطياد عريس
هى: ومسك إيدي وعمل قااااال إيييهه... بيعد ييييييني!
هو: ماكنتي تسبيه يمسكها تاتي يافوزية يمكن تطري في إيده
فؤاد المهندس وإسعاد يونس في سك علي بناتك. معلش عارف إنها مسرحية وإحنا بنتكلم عن السينما.... بس مشيها
7) يعتذر الزوج منها من أن يجرح مشاعرها
هي: موش ناوي تتجوزني بقي؟
هو: أنا ممكن أتجوز واحدة غلطت مرة قبلي... لكني أتجوز واحدة غلطت مع سكان القاهرة وضواحيها وعلي المقيمين خارجها مراعاة فروق التوقيت؟
طلعت زكريا ومروة في فيلم حاحا وتفاحة
8) تعترف له بعيب ما في أنوثتها
ـ يجلسان ليلا في خلوة رومانسية بين الأشجار علي النيل, وقد أمسك بيدها
والصمت البليغ يهيمن علي اللحظة .. فجأة تسحب يدها وتعطيه الأخري:
هي: سيب دي.. خد دي
هو: طب ولازمتها إيه البرجله دي
هي: إيدي عرقت
طلعت زكريا وعبلة كامل في فيلم خالتي فرنسا
9) يصحح لها بعض المفاهيم الخاطئة
هي: مصدومة وقالولك بقي إنك هتيجي أوكرانيا هتلافي البنات مستنيينك بالمايوهات في المطار..
هو: يقرب منها طبعا. أمال أنا جيت ليه؟
هي: مصدومة أنت لاحظت إن أنا ماترددتش لحظة في انك تبات في شقتي
هو:يقترب أكثر ويهمس خدت بالي
هي: أنا عملت كدة عشان انت ابن بلدي... واللي أعرفه عن ولاد البلد إنهم كلهم شهامة وجدعنة ويحافظوا علي بنت بلدهم
هو: يقترب أكثر ويهمسلا لا... يادنيا... ده ده احنا اتغيرنا خالص... انت بس اللي بقي لك فترة كبيرة منزلتيش مصر!
أحمد عز وياسمين عبد العزيز في فيلم الرهينة
10) تشجعة علي اتخاذ قرار صعب
لأن الدنيا لاتعطي الإنسان كل شيء فقد نجح في الحصول علي المنصب السياسي الرفيع
وفشل في أداء واجب الزوجية ..
هي: أنا خلاص أعصابي تعبت... شوف لك حل... روح لدكتور
هو: أيوه... عشان جرايد المعارضة تشم خبر... وتستلمني... وتبقي فضيحة
هي: ياأخي روح بس... وانت هتلاقي كل رموز المعارضة معاك في العيادة!
أحمد زكي ولبلبة في فيلم معالي الوزير ..
Ҳ Ҳ
03-24-2010, 02:42 PM
هو Ҳ هي
العرض العادي
